PĀ GƏ̄ 2:9 - Bibəl ta Sar̄

⁹ Ā ə́la dɔdə́ gíŕ tɔ́gə yāí tə́ i kə ko̰o̰ ɓē kə́ ngan̄g ngá̰ý ō, ā ī-tɔ̄ɔ̄ kōōdə́ i tītə̄ loo tɔ̄ɔ̄ jóó nánjə beé ō.

Bible sar

⁹ Ā ə́la dɔdə́ gíŕ tɔ́gə yāí tə́ i kə ko̰o̰ ɓē kə́ ngan̄g ngá̰ý ō, ā ī-tɔ̄ɔ̄ kōōdə́ i tītə̄ loo tɔ̄ɔ̄ jóó nánjə beé ō.

PĀ GƏ̄ 2:9 Referans Kwoze

JEJU TEĒ KUM JA̰A̰ 12:5

Dəyá̰ ní ojə ngōn̄ kə́ dəngam. I ngōn̄ kə́ yā kadə̄ a o̰o̰ ɓē dɔ nápar de gə̄ tə́ malang, kə kāgə̄ ko̰o̰ ɓē kə́ rāān̄ kə gindīí. Ba unən̄ ngōnən ní aw̄n̄ seneé rɔ̄ Nə́ɓā tə́, kadə kōr̄ kāgə̄ mbang yān tə́.

PĀ GƏ̄ 89:23

Madə̄ ba̰ā̰n a asə kəhɔn dɔ jīn tə́ alé. Nge kem ndul a asə kəla rɔ̄sɔl̄ dɔn tə́ alé.

JEJU TEĒ KUM JA̰A̰ 19:15

Kəyā kógə̄ḿ kə́ ta lēmbə́, kə́ yā tɔ̄ləń nápar de gə̄, teē tan tə́ ō, ni a ɔr nodə́ i kə ndéy gindīí ō. Ba a mbə́rē kan̄ kāgə̄ nduú i kem bay wōn̄g kə́ ngá̰ý yā Nə́ɓā kə́ bo kə́ tɔ́gən i ngá̰ý tə́.

IJAI 30:14

Ndogə̄ mbal̄ ní a əsō tétə̄ ká káḿ kadə̄ gajən gə̄ a dūún̄ tītə̄ bay kə́ laa yā kɔdə̄ jóo beé. Deē a əndā kemən dɔ tə́ to̰ alé, deē a ənge gájən kə́ tə́sō sḛ́ý yā kunəń hor aĺ ō, yā kɔdəń man̄ kə́ tə́gā aĺ ō.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

JEREMI 19:11

Gō tə́ anī, ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-nujə kə gír de gə̄ ń toō ō, kə ɓē ń toō ō, tītə̄ loo tɔ̄ɔ̄ jóó ń kɔdə̄ jóo əɓā ní beē, adə̄ deē a asə kəndā ta naā tə́ to̰ alé. Loo kə́ yā dubə̄ń yo a asə alé, adə̄ de gə̄ a dubə̄n̄ nīń Topet tə́ gə̄ gə̄gē.

MATIYE 21:44

Deē ń a əsō dɔ mbal̄ ń toō tə́ ní a tétə̄ rárák, ba deē ń mbal̄ ngeé ń toō a əsō dɔn tə́ ní, mbal̄ ní a rējə̄n rárájə́.

IJAI 60:12

Nápar de gə̄, aláa ɓē ko̰o̰ ń a mbātə́ rāā kəla kadī ní, a gətóo kɔ̄ɔ́. A nujən̄ nápar de gə̄ ngeé ń noō sák sák kɔ̄ɔ́.

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

DANIEL 2:45

Ngōn̄ mbal̄ ń rəte kanjə̄ kadə̄ jī deē ɔdən ba reē tɔ̄ɔ̄ gində̄ ō, gində̄ nə̄ngā kasə ō, nánjə ō, gində̄ arjā̰a̰ ō, lɔ́r ō, á á̰a̰ā̰ ní ɔjə i gō yá̰á̰ ń noō. Kɔ́ɔ̄ ɓē gə̄, Nə́ɓā kə́ bo ɔjiī i yá̰á̰ ń a rāā yā reē ní. Nī ní i nī kə́ rɔ̄kum ō, kumən ń m-ɔ́jiī ní asə kadə̄ deē taā kem ō.

MISE 5:8

Gír de gə̄ yā Israel, ə̄nī madə̄ ba̰ā̰í gə̄ rɔ̄ɔ̄. Ī-rāā ādə̄ ngé rɔ̄ɔ̄í gə̄ malang gətóon̄!