PĀ GƏ̄ 2:12 - Bibəl ta Sar̄

¹² Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.

Bible sar

¹² Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.

PĀ GƏ̄ 2:12 Referans Kwoze

PĀ GƏ̄ 40:4

Ni-əndā pā kə́ kijə taḿ tə́, i pā tɔ̄ȳ Nə́ɓā yājí. Ngá̰ý gə̄ a a̰a̰n̄, adə̄ a ɓōlə́n̄ ō, a əndān̄ kemdə́ dɔ Kɔ́ɔ̄ɓē tə́ ō.

JA̰A̰ 5:23

yā kadə̄ de gə̄ malang rɔȳn̄ Ngōn̄ tītə̄ ń rɔȳn̄neé Bɔbə̄ Ngōn̄ ní. Nge ń rɔȳ Ngōn̄ aĺ ní, a rɔȳ Bɔbə̄ Ngōn̄ ń əla Ngōn̄ ní aĺ ō.

PĀ GƏ̄ 84:12

A̰á̰ā̰, Kɔ́ɔ̄ɓē Nə́ɓā i mbang ō i der ō. Kɔ́ɔ̄ɓē i nge rajə deē ō, i nge rāā kadə̄ rī deē ɓār̄ ō. Ngé gə̄ ń háĺdə́ i súmūú ní, yá̰á̰ kógə̄ḿ kə́ majə kə́ ni ɔgə̄də́ gətóo.

PĀ GƏ̄ 34:8

Nge kaw̄ kəla yā Kɔ́ɔ̄ɓē a ngɔ̄m̄ dɔ ngé ɓōĺ ndíĺ Kɔ́ɔ̄ɓē gə̄ ō, a ɔr̄də́ kɔ̄ɔ́ kum yá̰á̰ kə́ majaĺ gə̄ tə́ ō.

JEREMI 17:7

Ba tɔ́r̄ ta i dɔ deē ń əndā kemən dɔ Kɔ́ɔ̄ɓē tə́ ní. Kɔ́ɔ̄ɓē a rāā kadə̄ ni a ənī kemən báŕ báŕ.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

Gōsə̄ najə̄ gə̄ 16:20

De kə́ gír̄ najə̄ dɔ yá̰á̰ tə́ majə a ndi majə najə̄ yá̰á̰ ní tə́. Rɔ̄nel̄ i kə deē ń ənī kemən mámák adə̄ Kɔ́ɔ̄ɓē ní.

1 PIYER 2:6

Tɔdɔ̄ yá̰á̰ ń makətūbə̄ yā Nə́ɓā əda ní n toó: m̄-gə̄rā mbal̄ kógə̄ḿ kə́ gātə̄n i ngá̰ý, m-ə̄ndā kem ɓē kə́ Siyo̰ tə́ ngɔlaā tītə̄ mbal̄ nja kújə́ kə́ kíĺ tə́ beē. Ba deē ń a taā kem mbal̄ ngeé ń toō ń i Kərist ní, yá̰á̰ kə́ a tə́lan naā tə́ yā kadə̄ rɔ̄n sɔlə̄n a gətóo.

EPEJƏ 1:12

I beé ní, jḭḭ̄ ń j-əndāī kemjí dɔ Kərist tə́ ta kəga dɔ ní, ādə̄ jə-tɔ̄yī Nə́ɓā ń i de kə́ bo ní.

1 MBAN̄G GƏ̄ 19:18

Banī m-ā m-ə́ya̰ de gə̄ dūbú sīrí dan ngán Israel gə̄ tə́ kadə̄ ndin̄ kə kumdə́. I de gə̄ ń nin̄-tə́tēn̄ kejədə́ no Baal tə́ aĺ ō, njíbə̄nən̄ kə tadə́ aĺ ō ní.

Makətūbə̄ ń Pol ndang adə̄ Rom gə̄ ní 9:33

tītə̄ ń ndangən̄ kem makətūbūú ní, ndangən̄ na: Á̰a̰ī, m-ə̄ndā mbal̄ kə́ a tə́gā de gə̄ kem ɓē kə́ Siyo̰ tə́, mbal̄ bo kə́ a tə́gā de gə̄ tə́nīdə́. Ba deē ń taā kemən ní rɔ̄n a sɔlə̄n alé.

PĀ GƏ̄ 2:5

Gō tə́ anī ni-ɔr̄ najə̄ sedə́ kə wōngōó. Wōn̄g yān adə̄də́ ɓōĺ.

PĀ GƏ̄ 1:6

Tɔdɔ̄ Kɔ́ɔ̄ɓē ger̄ róbə yā de kə́ súmūú gə̄. Banī róbə yā ngé kem ndul gə̄ i róbə́ kə́ ta to siriri.

1 SAMUEL 10:1

Samuel un yibə̄ ń ətō jīn tə́ kem kūú ní ur dɔ Saul tə́. Gō tə́ anī ɓirə̄n kə̄ rɔ̄n tə́ dagə ba ədan na: I Kɔ́ɔ̄ɓē nəkɔ́ n ur yibə̄ dɔí tə́ kadə̄ ḭ̄ i ngār yā deē yān gə̄ ní.

OJEE 13:2

Ba ɓōólaā Epəraim gə̄ na̰yn̄ kə̄ loo rāā yá̰á̰ kə́ majaĺ tə́ ɓáý: Nin̄ nōōn̄ gində̄ rāān̄ kum gotə yá̰a̰ gə̄ tə́. Nin̄ rāān̄ nə́ɓā kə́ rɔ̄kum aĺ gə̄ kə gində̄ arjā̰a̰ yādə́ ō, kə jīī ger̄ yá̰a̰ yādə́ ō. I kɔdə̄ gə̄ n rāān̄ yá̰a̰ gə̄ ní, banī nin̄ ədan̄ na: Ī-ndējīdə́ yá̰á̰ kə́ tun̄ gə̄! Deē ndul gə̄ əhɔn̄ ngán man̄g gə̄ ɓirə̄n̄də́ dagə kə̄ rɔ̄də́ tə́ wa!

PĀ GƏ̄ 2:7

Yá̰á̰ ń Kɔ́ɔ̄ɓē ndang kadə̄ yā rāā ní m-ā m-ə̄nī mbērən, ni ədam̄ na: Ḭ̄ i ngōnə̄ḿ, ɓōólaā ní, mā i Bɔbí.

Makətūbə̄ ń Pol ndang adə̄ Rom gə̄ ní 10:11

Tɔdɔ̄ makətūbə̄ əda na: Deē malang ń a taā kem Jeju ní rɔ̄n a sɔlə̄n alé.

JA̰A̰ 14:6

Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

TA KƏLA 41:40

Adə̄ na n-əndān dɔ ɓē yān tə́ kadə̄ gír deē yān gə̄ malang na a oōn̄ tan. Yá̰á̰ ń na n-tɔȳnəń ní na i kōr̄ kāgə̄ mbang yān ngóy,

PĀ GƏ̄ 31:20

Banī Kɔ́ɔ̄ɓē, kem majə ń ī-ngɔ̄m̄ tām̄ yā ngé ɓōĺ ndílí gə̄ tə́ ní, i kem majə kə́ to ɓōĺ ngá̰ý! Ngé gə̄ malang ń ḭ̄ i loo ɓɔ̄ɔ̄ rɔ̄ yādə́ ní, ɔ́jə kem majə ní kə̄ ndágá tām̄ yādə́ tə́ i ta kum de gə̄ tə́ malang.

PĀ GƏ̄ 34:9

Kɔ́ɔ̄ɓē i de kə́ majə ngá̰ý, ī-nāāī majən á̰a̰ī. Rɔ̄nel̄ i kə́ deē ń ni i loo ɓɔ̄ɔ̄ rɔ̄ yān ní.

PĀ GƏ̄ 109:20

Ba ngé kəndā najə̄ dɔḿ tə́ tītə̄ ń noō gə̄ ō, ngé tə́dā najə̄ kə́ majaĺ dɔḿ tə́ tītə̄ ń noō gə̄ ō ní, Kɔ́ɔ̄ɓē a əgādə́ kə̄rā i tītə̄ ń noō!