Biblia Todo Logo
Bib sou entènèt

- Piblisite -




PĀ GƏ̄ 19:9 - Bibəl ta Sar̄

9 Yá̰a̰ gə̄ ń Kɔ́ɔ̄ɓē ra kə deē ta rāā ní i yá̰á̰ kə́ gōtə́ gə̄, ā əlan̄ rɔ̄nel̄ kem deē tə́. Gō míndə gə̄ ń Kɔ́ɔ̄ɓē əda kadə̄ yā rāā ní i yá̰á̰ kə́ unjə̄ njáý njáý gə̄, a rāān̄ kadə̄ kum deē a̰a̰ loo rá ráńg.

Gade chapit la Kopi

Bible sar

9 Yá̰a̰ gə̄ ń Kɔ́ɔ̄ɓē ra kə deē ta rāā ní i yá̰á̰ kə́ gōtə́ gə̄, ā əlan̄ rɔ̄nel̄ kem deē tə́. Gō míndə gə̄ ń Kɔ́ɔ̄ɓē əda kadə̄ yā rāā ní i yá̰á̰ kə́ *unjə̄ njáý njáý gə̄, a rāān̄ kadə̄ kum deē a̰a̰ loo rá ráńg.

Gade chapit la Kopi




PĀ GƏ̄ 19:9
36 Referans Kwoze  

Ba yá̰á̰ ń kadə̄ sḭḭ̄ ī-rāāī ní i ɓōĺ Kɔ́ɔ̄ɓē ō, i rāā kəla yān kə gō róbə́ kə́ súmūú ō, kə ngarang kemsí gēé malang ō. Tɔdɔ̄ á̰a̰ī yá̰á̰ kə́ to ɓōĺ ngá̰ý gə̄ ń ni-rāā tām̄ yāsí tə́ ní.


Háĺ kə́ gōtə́ yāí i háĺ kə́ a to ngándáńg ō, ndū najə̄ yāí i najə̄ kə́ rɔ̄kum ō.


Ngé gə̄ ń najə̄ gətóo dɔdə́ tə́ ō, unən̄ gō ndū najə̄ yā Kɔ́ɔ̄ɓē ō ní, rɔ̄də́ nel̄də́!


Nin̄-ənīn̄ pā yā Moijə nge kəla yā Nə́ɓā ō, pā yā Ngōn̄ batə̄ ō, ədan̄ na: Kɔ́ɔ̄ɓē Nə́ɓā kə́ bo kə́ tɔ́gən i ngá̰ý, kəla rāāí i kəla kə́ bo gə̄ ō, kə́ to kɔr kum gə̄ ō. Mban̄g kə́ dɔ nápar de gə̄ tə́, gō róbə yāí gə̄ i gō róbə́ kə́ gō tə́ gə̄ ō, kə́ rɔ̄kum gə̄ ō.


kə ngé gə̄ ń a ɓōlə́n̄ ndíĺ Kɔ́ɔ̄ɓē ní ō, ngáń kə́ dūú gē, de kə́ tɔgə gē.


Ɓōĺ ndíl Kɔ́ɔ̄ɓē i ta kəla gír kum kedə̄. Ngé ɓōĺ ndíĺ Kɔ́ɔ̄ɓē gə̄ malang ɔjən̄ kə̄ ndágá kadə̄ nin̄ i de kə́ ngé ger̄ najə̄ gə̄. Tɔ̄ȳ yā Kɔ́ɔ̄ɓē to ngándáńg.


Ré m-ə́ya̰ī ba m-ɔ́tə kɔ̄ɔ́ anī, Ndíĺ Kɔ́ɔ̄ɓē a reē yā kuniī kaw̄ seí loo kə́ m-ā m̄-ger̄ aĺ tə́. Ré m-ə́da Akab kōōí ba əngeī aĺ anī a tɔ̄lə̄m̄. Tá mā m-ə́lá gír ɓōĺ Kɔ́ɔ̄ɓē i dan ń mā i balsáá ɓáý ní.


I nápar de kə́ ngá̰ý kə́ rá gə̄ n ndū najə̄ yādə́ gə̄ ō, jī-bēl̄ loo rāā yá̰a̰ yādə́ gə̄ ō, ton̄ kə gōó majə tītə̄ ndū najə̄ gə̄ malang ń m-ɔ́jə́sí ɓōólaā ní?


Kə ndɔ̄ kə́ nge ko̰ mətá anī Jəjep ədadə́ na n-ɓōĺ Nə́ɓā, adə̄ n-a n-əndā yá̰á̰ kógə̄ḿ dɔdə́ tə́ kadə̄ rāān̄. Ré rāān̄ anī a ndin̄ kə kumdə́.


Tɔdɔ̄ sarya gāngə̄n i rɔ̄kum ō, i kə́ gōtə́ ō. Ni-gān̄g sarya dɔ dəyá̰ ájə́ba kə́ bo ń nujə dɔ nang kə rāā ájə́ba yānneé ní ō, əndan najə̄ ɓōkə́ ń ni ɓōkə́ mósə́ ngé kəla yān gə̄ nang tə́ ní ō.


Anī m-oō ndū deē kógə̄ḿ ɔr̄ najə̄ dām̄ loo ń loo tun̄ yá̰a̰ i tū tə́ ní, əda na: A̰á̰ā̰ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, najə̄ ń ī-gāngəń sarya ní i najə̄ kə́ rɔ̄kum ō, sarya gāngīí i gōtə́ ō.


Tām̄ jə-gerī kadə̄ de gə̄ ń a rāān̄ yá̰á̰ kə́ tītə̄ ń noō gə̄ ní, Nə́ɓā a gān̄g sarya dɔdə́ tə́ i kə ta róbə́ kə́ rɔ̄kum.


A̰á̰ā̰, Kɔ́ɔ̄ɓē, j-əndā tɔ́gə́jí i dɔí ḭ̄ tə́, dɔ róbə́ ń ī-mēr̄jí kun tə́ ní. Yá̰á̰ ń jə-gḛy ní i kógə̄ḿ beē, i ɓāríī kadə̄ ī-rāā sejí, i gír̄ dɔí tə́.


m̄-túbə m-ə̄nīń míndə́ḿ yā ngɔ̄m̄ ndūí gə̄ ń ī-ra dɔ tə́ á i yá̰á̰ kə́ gōtə́ gə̄ ní.


M-ā m̄-ɓōkíī tɔ̄ȳ kanjə̄ gír̄ yá̰á̰ kə́ rang kemḿ tə́, dan ń m-ā m̄-ndóō ndū gə̄ ń ḭ̄ ī-ra dɔ tə́ á i kə́ gōtə́ gə̄ ní.


Kɔ́ɔ̄ɓē, kem majə yāí asə naā kə dɔ rā̰á̰ ō, ra dɔ ndūí tə́ yāí aw̄ bátə́ ənge kil̄ man̄ gə̄ dɔɔ́ ō.


Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid kə́ nge kəla yā Kɔ́ɔ̄ɓē.


Kəla rāān gə̄ i kə́ a teēnən̄ yá̰á̰ tə́ ngándáńg. Sarya gān̄g Nə́ɓā rāā yá̰á̰ kógə̄ḿ seneé alé. Ni tībə̄ hōr̄ dɔ madə̄ ba̰ā̰n gə̄ tə́ malang.


Ngé ko̰o̰ ɓē kə́ kété noḿ tə́ gə̄ rāān̄ de gə̄ rakəta ngá̰ý: Nin̄ taān̄ sə́lē arjā̰a̰ kutə sɔ́ jīdə́ tə́ ō, ran̄ dɔ tə́ taān̄ yá̰a̰ kəsa yādə́ gə̄ ō, kasə nduú yādə́ gə̄ ō. Ngé kəla yādə́ gə̄ rāān̄ kum de gə̄ ndoō tə́ ō. Banī mā m̄-rāā tītə̄ ń noō nja kógə̄ḿ alé tɔdɔ̄ m̄-ɓōĺ ndíĺ Nə́ɓā.


Ndū najə̄ gə̄ ń kadə̄ ɔ́jə́ ngán Israel gə̄ ní n toó:


Kɔ́ɔ̄ɓē əda na: Ə́ya̰ ngōn̄, ī-lōō rāān yá̰á̰ kə́ tōr̄. Ngɔlaā ní m̄-ger̄ kadə̄ ī-ɓōĺ ndílə́ḿ, tɔdɔ̄ ɔ̄gə̄m̄ ngōnīí kə́ kal kógə̄ḿ beē alé.


Majə kadə̄ ə̄ndā kumií á̰a̰ń rāā ń Nə́ɓā rāā kem majə kə de gēé ní ō, kəndā ń a əndā katə̄n dɔdə́ tə́ ní ō. Ni-əndā katə̄n i dɔ ngé gə̄ ń əsōn̄ tə́ ní, ɔjə kem majə yān i seí ḭ̄ḭ́ ō dan ń ə̄ndā kemií dɔ kem majə yān ń toō tə́ ní. Ré i beé aĺ anī, a tə́gāī kɔ̄ɔ́ tītə̄ yādə́ ō.


Nin̄-tél ədanən̄ na: I Kɔrney kə́ ngol áskar gə̄ n əlají ní. Ni i de kə́ súmūú ō, i de kə́ nge ɓōĺ ndíĺ Nə́ɓā ō, i de kə́ rīn ɓār̄ majə dan Jipə gə̄ tə́ malang ō. De kə́ dɔ rā̰ tə́ kógə̄ḿ kə́ táĺ ədan na kə ɓāríī kadə̄ kə ī-reē ɓēé looneé kə ɔ́jən gotə yá̰a̰ gə̄ ń rāān̄ yá̰á̰ ní kadə̄ oō.


Ɓōĺ ndíĺ Kɔ́ɔ̄ɓē i kim̄ yá̰á̰ kə́ majaĺ. Kɔjə rɔ̄ ō, gán̄g rɔ̄ ō, róbə rāā yá̰á̰ kə́ majaĺ ō, ta de kə́ a gól̄ loo ō, i yá̰a̰ gə̄ kə́ nelə̄m̄ sedə́ aĺ bátə́.


Ni-əda gír deē yān gə̄ najə̄ yān ō, ɔjə Israel yá̰a̰ gə̄ ń ndang kadə̄ yā rāā ní ō, gō míndən gə̄ ō.


Kɔ́ɔ̄ɓē, ndūí gə̄ ń ī-ra dɔ tə́ ní, m̄-ger̄ kadə̄ i yá̰á̰ kə́ gōtə́ gə̄ ō, kəla ń ə́la rɔ̄sɔl̄ dɔḿ tə́ ní i tām̄ ḭ̄ i nge ra dɔ ndūí tə́ ō.


M-ḭ́ḭ dan ndɔ̄ɔ́ m̄-ɓōkíī tɔ̄ȳ najə̄ yá̰á̰ kə́ gōtə́ gə̄ ń ī-ra dɔ tə́ ní.


Rɔ̄sɔl̄ ń i yá̰á̰ kə́ m̄-gḛy aĺ ngá̰ý ní, ī-tūr̄ ta kɔ̄ɔ́ kə̄ loo kə́ rang tə́, tɔdɔ̄ ndūí gə̄ ń ī-ra dɔ tə́ ní i kə́ majə ngá̰ý.


Najə̄ kɔr̄ Kɔ́ɔ̄ɓē i najə̄ kə́ unjə̄. To i tītə̄ gində̄ arjā̰a̰ kə́ nō horoó beē, kə́ ɔrə̄n̄ yedə̄n nja sīrí adə̄ unjə̄ njáý njáý.


Yá̰a̰ gə̄ ń ə́dá ní i yá̰a̰ kənge yāḿ gə̄ kə́ njɔ́ḿ gə̄ tə́, nin̄ rāān̄ adə̄ kemḿ nelə̄m̄.


M-ɔ̄r̄ najə̄ i loo mundə̄ tə́ alé, i kem kɔgɔ̄ loo kógə̄ḿ kə́ dɔ nang tə́ kə́ risə til tə́ alé. M-ə́dá ngán kaa Jakob gə̄ najə̄ ń toō alé: Ī-sāāmī ɓōdə̄ loo tə́, loo kə́ yá̰a̰ gətóo tū tə́ tə́. Mā Kɔ́ɔ̄ɓē, m-ə́da i yá̰á̰ kə́ gōtə́, yá̰á̰ ń mā m-ə́da najə̄n ní i yá̰á̰ kə́ rɔ̄kum.


Swiv nou:

Piblisite


Piblisite