PĀ GƏ̄ 19:8 - Bibəl ta Sar̄

⁸ Ndū najə̄ yā Kɔ́ɔ̄ɓē majə ɔtə̄ kə taá, rāā adə̄ deē tél ajə gogə́. Yá̰a̰ gə̄ ń Kɔ́ɔ̄ɓē əda ní i yá̰á̰ kə́ rɔ̄kum gə̄, rāā adə̄ de kə́ mbóo tél de kə́ ngáā.

Bible sar

⁸ *Ndū najə̄ yā Kɔ́ɔ̄ɓē majə ɔtə̄ kə taá, rāā adə̄ deē tél ajə gogə́. Yá̰a̰ gə̄ ń Kɔ́ɔ̄ɓē əda ní i yá̰á̰ kə́ rɔ̄kum gə̄, rāā adə̄ de kə́ mbóo tél de kə́ ngáā.

PĀ GƏ̄ 19:8 Referans Kwoze

PĀ GƏ̄ 12:6

Banī Kɔ́ɔ̄ɓē əda na, ń toō ní n-a n-ḭḭ dɔɔ́ yā dḭḭ̄ ngé tɔ́gə gətóo gə̄ ń a rāān̄ kumdə́ ndoō tə́ ní ō, ngé rɔ̄ to ndoō gə̄ ń a tṵ́ṵ̄n̄ ní ō. Na n-a n-dḭḭ̄ deē ń a əjanən̄ kə̄ gogə́ kə gidə jīdə́ ní ō.

PĀ GƏ̄ 119:105

Najə̄ yāí i hor lámbá kə́ unjə̄ kété noḿ tə́, kadə̄ m-á̰a̰ń loo m-ə̄ndań njaḿ. I hor kə́ unjə̄ dɔ róbə yāḿ tə́.

JEREMI 15:16

Najə̄ yāí gə̄ ń m̄-teē dɔ tə́ ní m-ə́sádə́ mak mak. Nelə̄n̄ taḿ páráng ō, adə̄mə̄n̄ rɔ̄nel̄ kə́ ngá̰ý ngarā̰ kemḿ tə́ ō. Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, rīí ɓār̄ dɔḿ tə́.

Gōsə̄ najə̄ gə̄ 30:5

Nāān̄ najə̄ malang ń Nə́ɓā əda ní. Ni i der yā ngé gə̄ ń ɓɔ̄ɔ̄n̄ rɔ̄də́ kemən tə́ ní.

PĀ GƏ̄ 119:128

Yá̰a̰ gə̄ malang ń ī-ra kə de gēé ta rāā ní m-á̰a̰ kadə̄ i yá̰á̰ kə́ gōtə́ gə̄. Róbə sor̄ gə̄ malang ní nelə̄m̄ sedə́ aĺ bátə́.

Gōsə̄ najə̄ gə̄ 2:6

Tɔdɔ̄ i Kɔ́ɔ̄ɓē n i nge kadə̄ deē kum kedə̄ ní. Yá̰a̰ ger̄ ō, ger̄ kum najə̄ ō, a teēn̄ i tan ni tə́.

PĀ GƏ̄ 119:92

Nə́ngētə́ ndū najə̄ yāí nelə̄m̄ ngá̰ý aĺ anī, wur kɔl tɔ̄lə̄m̄ kɔ̄ɔ́.

PĀ GƏ̄ 119:80

m̄-ndigə rāā yá̰a̰ gə̄ ń ī-ndang kadə̄ yā rāā ní kə ngarā̰ kemḿ malang. Loo ń noō tə́ rɔ̄ḿ a sɔlə̄m̄ alé.

Gōsə̄ najə̄ gə̄ 6:23

Tɔdɔ̄ yá̰á̰ kə́ kəda kadə̄ yā rāā ní, rāā rɔ̄n i hor lámbá kə́ unjə̄ loo tə́ ō, kɔjə̄ rāā rɔ̄n i loo kə́ unjə̄ kow tə́ ō, ndán̄g loo i yá̰á̰ kə́ a əhɔ əndājí gotoó dɔ róbə ndi kə kumuú tə́ ō.

Makətūbə̄ ń Pol ndang adə̄ Rom gə̄ ní 7:22

Ndū najə̄ yā Nə́ɓā nel̄ kemḿ ngá̰ý,

GALATƏ 2:19

Tɔdɔ̄ mā i de kə́ m-óy kɔ̄ɔ́ kə gō ndū najá. Ba koy ń m-óý ní, i ndū najə̄ nəkɔ́ n tɔ̄lə̄m̄ yā kadə̄ m̄-ndi kə kumḿ tām̄ yā Nə́ɓā tə́ ní. Mā i de kə́ əndamə̄n̄ kə máyá̰ tū kāgə̄ kə́ dēsə́ tə́ naā tə́ kə Kərist kɔ̄ɔ́.

Makətūbə̄ ń Pol ndang adə̄ Rom gə̄ ní 3:20

Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní. Tɔdɔ̄ ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.

Makətūbə̄ ń Pol ndang adə̄ Rom gə̄ ní 7:7

Kumən na i rí? I kadə̄ i ndū najə̄ n i yá̰á̰ kə́ majaĺ ní a? I tītə̄ ń noō alé. Banī i ndū najə̄ ngóy n rāā á m̄-gerə̄ń yá̰á̰ ń a ɓārə́n̄ na i yá̰á̰ kə́ majaĺ ní. Tītə̄ ń toō ní ré ndū najə̄ əda na: Ī-ndə̄ngā yá̰a̰ yā madí aĺ anī, mā m-ā m̄-ger̄ kadə̄ ndə̄ngā yá̰a̰ yā naā i yá̰á̰ kə́ majaĺ alé.

PĀ GƏ̄ 119:16

Yá̰a̰ gə̄ ń ī-ndang kadə̄ yā rāā ní nelə̄m̄ ngá̰ý. dɔḿ ndígə̄nal najə̄ yāí alé.

PĀ GƏ̄ 119:14

M-ə́nge rɔ̄nel̄ loo rāā yá̰a̰ gə̄ ń ə́dá tə́ ní, tītə̄ rɔ̄nel̄ yá̰a̰ kənge kə́ ngá̰ý beē.

EJEKIEL 36:27

M-ā m-ə̄ndā ndílə́ḿ kemsí tə́. I tītə̄ ń noō n m-ā m̄-rāań kadə̄ sḭḭ̄ ásiī koō taḿ ba rāā yá̰a̰ gə̄ ń ndū najə̄ yāḿ gə̄ ədan̄ ní ō, ɓōĺ gidə yá̰á̰ m-ə́dásí kadə̄ ī-rāāī ní ō, rāā yá̰á̰ m-ə́dásí kadə̄ ī-rāāī ní ō.

PĀ GƏ̄ 119:171

Ādə̄ taḿ ɓōkíī tɔ̄ȳ, tɔdɔ̄ ī-ndóōm̄ yá̰a̰ gə̄ ń kadə̄ yā rāā ní.

PĀ GƏ̄ 119:143

Wur kɔl əsō dɔḿ tə́ ō, yá̰á̰ kə́ to ndíl ka̰ȳ rāām̄ ō, banī yá̰á̰ ń adə̄m̄ rɔ̄nel̄ ngá̰ý ní i gō míndí gə̄.

PĀ GƏ̄ 119:130

Najə̄ yāí kə́ teē dɔ tə́ teē kum deē dɔ yá̰á̰ tə́, rāā adə̄ ngé kum gān̄g aĺ gə̄ gerə̄n̄ kəndā ma̰ȳ yá̰a̰.

PĀ GƏ̄ 119:121

m̄-rāā yá̰á̰ kə́ súmūú ō kə́ gōtə́ ō, adə̄ ī-lōō kəya̰m̄ jī ngé rāā kumḿ ndoō tə́ gə̄ tə́.

PĀ GƏ̄ 119:40

Rɔ̄kum, nelə̄m̄ kə yá̰a̰ gə̄ ń ī-ra kə de gēé ta rāā ní. Ī-rāā seḿ kə háĺ kə́ gōtə́ yāí ādə̄ m̄-ndi kə kumḿ.

PĀ GƏ̄ 119:12

Kɔ́ɔ̄ɓē, m̄-rāāī kə́ra! Ī-ndóōm̄ yá̰a̰ gə̄ ń ī-ndang kadə̄ yā rāā ní.

PĀ GƏ̄ 105:45

yā kadə̄ nin̄-ngɔ̄mə̄n̄neé yá̰a̰ gə̄ ń ni ndang kadə̄ yā rāā ní ō, əndān̄neé kumdə́ gír ndū najə̄ yān gə̄ tə́ ō. Aleluya!

PĀ GƏ̄ 40:8

Tā anī m-ə́da na: Á̰a̰ā̰, mə̄kɔ́ m̄-reē rɔ̄í tə́. M-ə́ngé yá̰á̰ ń kadə̄ m̄-rāā ní kem ndāŕ ndang najə̄ kógə̄ḿ kə́ ɓír̄ gidə naā tə́.

PĀ GƏ̄ 13:3

Kə m̄-ndi kə sōlōó ō, kə wurəḿ ɔləm̄ kə ndɔ̄ gə̄ ō i yā tɔ̄l̄ ta rá? Madə̄ ba̰ā̰ḿ a ndi dɔḿ tə́ i kə̄ non tə́ a?

Teē Ngán Israel gə̄ 18:16

Dan ń najə̄ na i mbo̰ō̰də́ tə́ anī na a reēn̄ na i rɔ̄n tə́ yā kadə̄ n-gān̄g sarya yādə́ ō, na n-tə́da yá̰a̰ gə̄ ń n-ndang kadə̄ yā rāā ní ō, na n-adə̄də́ kɔjə̄ gə̄ yā Nə́ɓā ō.

TA KƏLA 26:5

tɔdɔ̄ Abəraham oō taḿ ō, rāā yá̰á̰ ń m-ə́dan na kə rāā ní ō, yá̰á̰ ń m-ə̄ndā dɔn tə́ kadə̄ rāā ní ni-rāā ō, yá̰a̰ gə̄ ń m̄-ndang kadə̄ yā rāā ní ni-rāā ō, ni ngɔ̄m̄ ndū najə̄ yāḿ gə̄ ō.

GALATƏ 3:21

I beé tā ní, ndū najə̄ a ɔgə̄ kənge yá̰á̰ ń Nə́ɓā ənī míndən najə̄n tə́ ní a? Sḛ́ý aĺ bátə́. Tɔdɔ̄ nə́ngētə́ adə̄n̄jí ndū najə̄ kə́ asə kadə̄ de gə̄ əngen̄ kajə tū tə́ anī, ndū najə̄ a rāā kadə̄ de gə̄ télən̄ de kə́ gōtə́ gə̄ rɔ̄kum.

IJAI 64:5

Jḭḭ malang jə-to tītə̄ de kə́ yḛr gə̄ ō, yá̰a̰ rāājí kə́ majə tɔȳ madə̄ gə̄ i yá̰á̰ kə́ to yḛr kum tītə̄ kūbə̄ kə́ mósə tákə̄ beé ō. Yá̰a̰ rāājí kə́ gōtə́ aĺ gə̄ rāān̄jí adə̄ jə-to tītə̄ mbī kámbə́ kə́ nél un aw̄ń kɔ̄ɔ́ beē.

PĀ GƏ̄ 119:54

Yá̰a̰ gə̄ ń ī-ndang kadə̄ yā rāā ní m̄-ndiń i kə pāá taḿ tə́ kem kújə́ ń mā i mbā tū tə́ ní tə́.

PĀ GƏ̄ 119:24

Yá̰a̰ gə̄ ń ə́dá ní adə̄mə̄n̄ rɔ̄nel̄ ngá̰ý, m-ə́nge kɔjə̄ kə́ majə gə̄ tū tə́.

NEHEMI 9:13

Ḭ̄ ń ī-ndi dɔ rā̰ tə́ ní ī-risə dɔ mbal̄ Sinai tə́ ba ɔ̄r̄ najə̄ sedə́. Ə́dádə́ gō míndə kə́ gōtə́ kə́ kadə̄ rāān̄ gə̄ ō, ɔ́jə́də́ ndū najə̄ kə́ rɔ̄kum gə̄ ō, jī bēl̄ loo rāā yá̰a̰ gə̄ ō, yá̰á̰ kə́ majə gə̄ kə́ kadə̄ rāān̄ gə̄ ō.

NEHEMI 8:12

Loo ń noō tə́ de gə̄ malang tél aw̄n̄ kə̄ ɓē gə̄ tə́ yā kəsa yá̰a̰ ō, ka̰ȳ yá̰a̰ ō. Nin̄ əlan̄ kə núsə yá̰a̰ k əsa yādə́ gēé adə̄n̄ ngé gə̄ ń yādə́ gətóó ní ō, rāān̄ rɔ̄nel̄ ngá̰ý ō, tɔdɔ̄ nin̄ gerə̄n̄ kum najə̄ gə̄ ń ɔjən̄də́ ní majə.

NDŪ NAJƏ̄ 16:14

Ā ī-rāā rɔ̄nel̄ nāā ní i kum naā tə́ kə ngōnīí kə́ dəngam ō, kə́ dəyá̰ ō, nge rāā kəla yāí kə́ dəngam ō, kə́ dəyá̰ ō, ngōn̄ Lebi ō, tə̄rā kə́ nge nam̄ ō, ngōn̄ hal ō, dəyá̰ kə́ ngaa koy ō ń ndin̄ seí ní.

NDŪ NAJƏ̄ 16:11

Ā ī-rāā rɔ̄nel̄ ta kum Kɔ́ɔ̄ɓē Nə́ɓā yāí tə́, naā tə́ kə ngōnīí kə́ dəngam ō, kə́ dəyá̰ ō, nge rāā kəla yāí kə́ dəngam ō, kə́ dəyá̰ ō, ngōn̄ Lebi ń ndi kem ɓē yāí tə́ ní ō, tə̄rā kə́ nge nam̄ ō, ngōn̄ hal ō, dəyá̰ kə́ ngaa koy ō ń ndin̄ seí loo ń Kɔ́ɔ̄ɓē Nə́ɓā yāí a gə̄rā tə́ yā kəndā rīn dɔ tə́ ní.

2 MBAN̄G 17:37

Gō míndə gə̄ ń Kɔ́ɔ̄ɓē əndā dɔ Israel gə̄ tə́ kadə̄ rāān̄ ní ō, yá̰a̰ kāgə̄ ɓē yādə́ gə̄ ō, ndū najə̄ ō, yá̰á̰ ń Kɔ́ɔ̄ɓē əda kadə̄ yā rāā ní ō. Yá̰a̰ malang ń Kɔ́ɔ̄ɓē ndang adə̄də́ ní kə əndān̄ kumdə́ gírí kə rāān̄ kə dɔ ndɔ̄ gə̄ kə rāān̄ ɓesə̄ gə̄ alé.

PĀ GƏ̄ 93:5

Yá̰a̰ gə̄ ń ī-ndang kadə̄ yā rāā ní i yá̰á̰ kə́ rɔ̄kum gə̄. Kɔ́ɔ̄ɓē, yá̰á̰ malang kə́ táĺ əhɔn̄ naā kə kújə yāí kə ndɔ̄ gə̄ ndɔ̄ gə̄.

PĀ GƏ̄ 111:7

Yá̰a̰ gə̄ ń ni rāādə́ kə jīneé ní, i yá̰á̰ kə́ rɔ̄kum gə̄ ō kə́ gōtə́ gə̄ ō. Yá̰a̰ malang ń ra kə de gēé ta rāā ní i yá̰á̰ kə́ rɔ̄kum gə̄.