PĀ GƏ̄ 19:7 - Bibəl ta Sar̄

⁷ Ni teē ta ngóy dɔ rā̰ kə́ dām̄ kə́rēý tə́, njə̄rā bátə́ ugə̄ ta ngóy dɔ rā̰ kə́ dām̄ kə́ noō tə́ ō, yá̰á̰ kə́ kəngān ɔdən aĺ gətóo ō.

Bible sar

⁷ Ni teē ta ngóy dɔ rā̰ kə́ dām̄ kə́rēý tə́, njə̄rā bátə́ ugə̄ ta ngóy dɔ rā̰ kə́ dām̄ kə́ noō tə́ ō, yá̰á̰ kə́ kəngān ɔdən aĺ gətóo ō.

PĀ GƏ̄ 19:7 Referans Kwoze

PĀ GƏ̄ 119:130

Najə̄ yāí kə́ teē dɔ tə́ teē kum deē dɔ yá̰á̰ tə́, rāā adə̄ ngé kum gān̄g aĺ gə̄ gerə̄n̄ kəndā ma̰ȳ yá̰a̰.

PĀ GƏ̄ 111:7

Yá̰a̰ gə̄ ń ni rāādə́ kə jīneé ní, i yá̰á̰ kə́ rɔ̄kum gə̄ ō kə́ gōtə́ gə̄ ō. Yá̰a̰ malang ń ra kə de gēé ta rāā ní i yá̰á̰ kə́ rɔ̄kum gə̄.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

Gōsə̄ najə̄ gə̄ 1:4

kadə̄ ɔjənə̄ń de gə̄ kə́ kumdə́ gān̄g aĺ gə̄ loo gōn̄g yá̰a̰ ō, kadə̄ balsáa gə̄ kə mandə gə̄ gerə̄nneé yá̰a̰ ō, əndān̄neé ma̰ȳ yá̰a̰ ō.

PĀ GƏ̄ 23:3

Rāām̄ adə̄ m̄-tél m̄-ngan̄g májə́ májə́. Njə̄rā seḿ dɔ róbə́ kə́ gōtə́ gə̄ tə́ i tām̄ yā rīn kə́ bo tə́.

PĀ GƏ̄ 119:105

Najə̄ yāí i hor lámbá kə́ unjə̄ kété noḿ tə́, kadə̄ m-á̰a̰ń loo m-ə̄ndań njaḿ. I hor kə́ unjə̄ dɔ róbə yāḿ tə́.

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

PĀ GƏ̄ 93:5

Yá̰a̰ gə̄ ń ī-ndang kadə̄ yā rāā ní i yá̰á̰ kə́ rɔ̄kum gə̄. Kɔ́ɔ̄ɓē, yá̰á̰ malang kə́ táĺ əhɔn̄ naā kə kújə yāí kə ndɔ̄ gə̄ ndɔ̄ gə̄.

2 TIMOTE 1:8

Adə̄ ī-lōō kadə̄ rɔ̄í sɔlī loo kəda yá̰a̰ gə̄ kə́ dɔ Kɔ́ɔ̄ɓē yājí tə́ ń ī-ger̄ ní. Mā ń m̄-to dəngáyá najə̄ yān tə́ ní, ī-lōō kadə̄ rɔ̄í sɔlī najə̄ yāḿ tə́ ō. Ə̄ndā kemií dɔ tɔ́gə yā Nə́ɓā tə́, ba á̰á̰ tápə̄ tītə̄ yāḿ loo kɔjə Najə̄ kə́ Majə tə́.

IJAI 8:20

ī-tūr̄ ə́dain̄ na: Yá̰á̰ ń kadə̄ deē tél reē dɔ tə́ ní, i yá̰á̰ ndóō yā Kɔ́ɔ̄ɓē ō, i najə̄ yā Kɔ́ɔ̄ɓē ō. Deē ń a əda najə̄ ń noō aĺ ní, a a̰a̰ loo kə́ atə wororo kə́ ta gír loo tə́ alé.

JAKƏ 1:17

Yá̰á̰ kə́ majə gə̄ malang ń adə̄n̄jí ní ō, kadə̄ karī kə́ majə ɔtə̄ kə taá mámák gə̄ malang ō ní, i yá̰a̰ gə̄ kə́ ḭḭn̄ i dɔ rā̰ tə́, ba teēn̄ i rɔ̄ Bɔbə̄ Ngōn̄ kə́ nge rāā loo kə́ unjə̄ kow tə́. Nə́ɓā tūr̄ aĺ ō, ni a ndɔ́tə̄ á a rāā ndíl dɔ yá̰a̰ gə̄ tə́ aĺ ō.

Makətūbə̄ ń Pol ndang adə̄ Rom gə̄ ní 15:4

Najə̄ gə̄ ń ndangən̄ kété malang ní i yā kɔjəńjí yá̰a̰, i gáŕ kadə̄ najə̄ gə̄ ní rāān̄jí adə̄ jə-tə́gāī tají ō, j-əhɔī rɔ̄jí tɔgə ō, j-əndāī kemjí dɔ Nə́ɓā tə́ ō.

PĀ GƏ̄ 119:111

Yá̰a̰ gə̄ ń ə́dá ní i yá̰a̰ kənge yāḿ gə̄ kə́ njɔ́ḿ gə̄ tə́, nin̄ rāān̄ adə̄ kemḿ nelə̄m̄.

JOJUE 1:8

Yá̰á̰ ndóō gə̄ ń ton̄ kem makətūbə̄ ndū najə̄ ń toō tə́ ní, ādə̄ i sa̰y rɔ̄í tə́ aĺ ō, ī-toń taí tə́ ndɔ̄ɔ́ ō, kadaá ō, kadə̄ ī-rāań yá̰a̰ malang ń i kə́ ndang kemeé ní. Loo ń noō tə́ yá̰a̰ gə̄ ń ā ī-rāā ní a majən̄ ō, a teēn̄ yá̰a̰ ō.

KƏLA RĀĀ 10:43

Ngé koō ta gə̄ malang ɔrə̄n̄ najə̄ yān ədan̄ na náā nəkɔ́ ń taā kemən ní mā̰ȳn̄ rɔ̄də́ dɔ majaĺ yān gə̄ tə́ kə ta kūl̄ rīneé.

PĀ GƏ̄ 119:72

Ndū najə̄ kə́ teē taí tə́ majə ngá̰ý tām̄ yāḿ tə́ tɔȳ yá̰a̰ gə̄ dūbú ngá̰ý kə́ rāā kə lɔ́rɔ́ ō kə arjā̰a̰á̰ ō.

PĀ GƏ̄ 18:30

M-ḭ́ḭ bal dɔ bəlo tə́ i seí ḭ̄ḭ́. M-ḭ́ḭ bal dɔ ndogə̄ mbal̄ tə́ i kə Nə́ɓā yāḿ.

Makətūbə̄ yā Job 23:12

Yá̰á̰ ń ni-əda na kə m̄-rāā ní, m̄-mbātə́ alé. m̄-ndigə yá̰a̰ gə̄ ń ni ndang kadə̄ yā rāā ní tɔȳ gír̄ yāḿ mə̄kɔ́ ń m̄-rā dɔ tə́ yā rāań yá̰á̰ ní.

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

PĀ GƏ̄ 119:24

Yá̰a̰ gə̄ ń ə́dá ní adə̄mə̄n̄ rɔ̄nel̄ ngá̰ý, m-ə́nge kɔjə̄ kə́ majə gə̄ tū tə́.

PĀ GƏ̄ 119:14

M-ə́nge rɔ̄nel̄ loo rāā yá̰a̰ gə̄ ń ə́dá tə́ ní, tītə̄ rɔ̄nel̄ yá̰a̰ kənge kə́ ngá̰ý beē.

JA̰A̰ 5:39

Sḭḭ̄ ī-ndəleī gír najə̄ yā Nə́ɓā, tɔdɔ̄ ī-gírī kadə̄ ā ī-ndiī kə́ kumsí ngándáńg i kə ta kūl̄neé. I makətūbə̄ gə̄ ngeé ń noō n ɔrə̄n̄ najə̄ kə́ kum tə́ yāḿ ní.

IJAI 8:16

m̄-ngɔ̄m̄ najə̄ ní gíŕ yá̰á̰ kógə̄ḿ tə́, m-ə̄nī yá̰á̰ ndóō ní loo kógə̄ḿ kə́ yá̰a̰ a ɔdə rɔ̄ tū tə́ aĺ tə́. I ngé kun gō yá̰á̰ ndóō gə̄ ngóy n m-ɔ́jə́də́ ní.

PĀ GƏ̄ 119:152

Yá̰a̰ gə̄ ń ə́dá ní, m̄-ger̄ i jóó ngá̰ý kadə̄ ə̄ndādə́ i kə́ njɔ́ḿ gə̄ tə́.

PĀ GƏ̄ 119:9

Dan ń deē na̰y ngōn̄ ɓáý ní loo kadə̄ hálən majə ɔtə̄ kə taá i ba̰ý? Kɔ́ɔ̄ɓē, hálən a majə i kə ta kūl̄ rāā yá̰á̰ ń ə́dá ní.

2 SAMUEL 23:5

Yá̰á̰ ń Nə́ɓā rāā kə kojə yāḿ ní n toó. Ni-əhɔ madə̄ naā kə́ a to ngándáńg seḿ. tə́ndā ndū najə̄ gə̄ dɔ tə́ ō, ɔjə loo ngɔ̄mən majə ō. I ni n rāā adə̄ m̄-tetə rɔ̄ɔ̄ ō, rāā yá̰a̰ malang kə́ nel̄ de gə̄ ō ní.

JEJU TEĒ KUM JA̰A̰ 19:10

Loo ń noō tə́ m-ə̄sō m-ɔ́sə noḿ nang tə́ kə̄ njan tə́ yā rɔȳnəń, anī ni-ədam̄ na kə m̄-lōō rāā beé na ni na i nge kəla madə́ḿ ō, nge kəla madə̄ ngákó̰ó̰ḿ gə̄ kə́ ngé ngɔ̄m̄ najə̄ kə́ kum tə́ yā Jeju ō. I Nə́ɓā n kadə̄ ī-rɔȳn ní. Tɔdɔ̄ najə̄ kə́ kum tə́ yā Jeju, i ndíĺ ń a rāā kadə̄ deē əda najə̄ kə́ Nə́ɓā əndā tan tə́ ní.

Makətūbə̄ ń Pol ndang adə̄ Rom gə̄ ní 3:2

Jipə gə̄ tɔȳn̄ de kə́ rang gə̄ i kə yá̰a̰ malang. Tɔdɔ̄ i nin̄ n Nə́ɓā ədadə́ najə̄ kété kadə̄ ngɔ̄mə̄n̄ ní.