PĀ GƏ̄ 19:13 - Bibəl ta Sar̄

¹³ I náā n kumən teē dɔ yá̰á̰ kə́ rāā gō ger̄ aĺ tə́ ní? Ī-māȳ rɔ̄í dɔ yá̰á̰ kə́ gōtə́ aĺ ń m̄-rāā ba m̄-ger̄ alé ní tə́.

Bible sar

¹³ I náā n kumən teē dɔ yá̰á̰ kə́ rāā gō ger̄ aĺ tə́ ní? Ī-māȳ rɔ̄í dɔ yá̰á̰ kə́ gōtə́ aĺ ń m̄-rāā ba m̄-ger̄ alé ní tə́.

PĀ GƏ̄ 19:13 Referans Kwoze

PĀ GƏ̄ 119:133

Ī-rāā ādə̄ njaḿ əhɔ dɔ nang majə kə ta kūl̄ yá̰a̰ gə̄ ń ɔ́sə kə de gēé ta rāā ní ō, ī-lōō kəya̰ yá̰á̰ kə́ majaĺ kógə̄ḿ kadə̄ o̰o̰ ɓē dɔḿ tə́ ō.

KƏLA RĀĀ 24:16

I tām̄ najə̄ ń noō tə́ n m-ā m-ə́hɔń rɔ̄ḿ tɔgə ngándáńg kadə̄ najə̄ gətóoń dɔḿ tə́ ta kum Nə́ɓā tə́ ō, ta kum de gə̄ tə́ ō ní.

1 SAMUEL 25:39

Dan ń Dabid oō kadə̄ Nabal oy anī əda na: m̄-ndadə̄ m-ādə̄ Kɔ́ɔ̄ɓē ń rɔ̄ dɔḿ tə́ dan ń Nabal tájə̄m̄neé tə́ ní. m̄-ndadə̄ m-ādə̄n tām̄ kɔgə̄ ń ni ɔgə̄m̄ rāā majaĺ tə́ ní ō tām̄ rāā ń ni-rāā adə̄ kem ndul yā Nabal tél əsō i dɔn nəkɔ́ tə́ ní ō. Gō tə́ anī Dabid əla de gə̄ kəda Abigail tə́ na n-ndigə taān.

PĀ GƏ̄ 7:10

Ī-ɗogə́rō ta kəla yā ngé kem ndul gə̄! Ī-mbūsə̄ de kə́ súmūú adə̄ ra ngan̄g! Tɔdɔ̄ nge ger̄ gír̄ kə́ kem deē tə́ i Nə́ɓā kə́ súmūú.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

TA KƏLA 20:6

Kem nī nəkɔ́ kə́ kógə̄ḿ beē ń noō tə́, Nə́ɓā tél əda Abimelek na: Mə̄kɔ́ m̄-ger̄ kadə̄ yá̰á̰ ń ī-rāā ní i kə kem kə́ unjə̄ njáý njáý ō, i mə̄kɔ́ n m-ə́hɔī gotoó m-ɔ̄gī rāā yá̰á̰ kə́ majaĺ seḿ ní ō. I tām̄ ń noō tə́ n m-ə́ya̰ī adə̄ ɔ́dəń rɔ̄n aĺ ní.

2 PIYER 2:10

Ba kə́ bo ngá̰ý ɓáa i ngé kun gō ngur yá̰á̰ kə́ yḛr gə̄ kə́ rāādə́ ba mbātə́nń kadə̄ Nə́ɓā o̰o̰ ɓē dɔdə́ tə́ gə̄. Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ní, nin̄ i de kə́ ngé ɓōĺ yá̰a̰ aĺ gə̄ ō, ngé ndájə̄ najə̄ gə̄ ō. De kə́ dɔ rā̰ tə́ kə́ to kɔsə gɔndə́ gə̄ ní, nin̄-ɓōlə́n̄ ndíĺdə́ alé, banī tájə̄n̄də́.

PĀ GƏ̄ 18:23

m̄-ngɔ̄m̄ ndū najə̄ yān gə̄ malang ta kumḿ tə́ ngándáńg ō, gō míndən gə̄ ní m̄-ḭ́ḭ bal dɔ tə́ aĺ ō.

PĀ GƏ̄ 11:7

Tɔdɔ̄ Kɔ́ɔ̄ɓē i de kə́ súmūú, ni gḛy yá̰a̰ malang ń i yá̰á̰ kə́ gōtə́ ní ō, de kə́ súmūú gə̄ a a̰a̰n̄ ta kumən ō.

Teē Ngán Israel gə̄ 21:14

Ba ré deē núm̄ madə̄n kemən tə́ tá tɔ̄lən kə kum kedēé anī, ká ré a̰ȳ nam̄ i loo tun̄ yá̰a̰ yāḿ gə̄gē anī, ā ɔ̄rīin̄ kə̄ gogə́ yā tɔ̄lən.

LEBI GƏ̄ 4:2

kəda ngán Israel gə̄ n: Ré deē kógə̄ḿ rāā yá̰á̰ ń ndū najə̄ yā Kɔ́ɔ̄ɓē ɔgə̄ rāā ní, ba rāā i kə gō ndigə yānneé alé, mān̄ i dɔ ndū najə̄ kógə̄ḿ beē ngóy anī,

LEBI GƏ̄ 4:13

Ré ngán Israel gə̄ malang n rāān̄ yá̰á̰ kógə̄ḿ kə́ ndū najə̄ yā Kɔ́ɔ̄ɓē ɔgə̄ rāā, ká ré rāān̄ yá̰á̰ ní i kə gō kem ndigə yādə́ aĺ ō, gerə̄n̄ gō aĺ ō, anī nin̄-mānə̄n̄ i dɔ ndū najə̄ kógə̄ḿ yā Kɔ́ɔ̄ɓē tə́, adə̄ najə̄ i dɔdə́ tə́,

LEBI GƏ̄ 4:22

Ré i ngār n mān̄ dɔ ndū najə̄ yā Kɔ́ɔ̄ɓē Nə́ɓā yān ba i kə gō kem ndigə̄ yānneé aĺ gə̄gē, adə̄ ni-rāā yá̰á̰ kə́ ndū najə̄ kógə̄ḿ yā Kɔ́ɔ̄ɓē ɔgə̄ rāā anī, najə̄ i dɔn tə́.

LEBI GƏ̄ 4:27

Ré i de kə́ karī kə́ kem ɓēé n mān̄ dɔ ndū najə̄ yā Kɔ́ɔ̄ɓē kə gō kem ndigə yānneé alé, adə̄ rāā yá̰á̰ kə́ ndū najə̄ kógə̄ḿ yā Kɔ́ɔ̄ɓē ɔgə̄ rāā anī, najə̄ i dɔn tə́.

Makətūbə̄ yā Job 34:32

Banī yá̰á̰ kə́ majaĺ ń na n-rāā ba kumən teē dɔ tə́ aĺ ní, kə Nə́ɓā nəkɔ́ kə ɔjən kum. Ré n-rāā yá̰á̰ kə́ majaĺ anī, na n-tél yā rāā gogə́ to̰ alé.