PĀ GƏ̄ 18:9 - Bibəl ta Sar̄

⁹ Sa kógə̄ḿ teē kó̰ń Kɔ́ɔ̄ɓē tə́, hor kə́ o̰o̰ bəlim bəlim ō, yā̰l̄ hor ō teēn̄ tan tə́.

Bible sar

⁹ Sa kógə̄ḿ teē kó̰ń Kɔ́ɔ̄ɓē tə́, hor kə́ o̰o̰ bəlim bəlim ō, yā̰l̄ hor ō teēn̄ tan tə́.

PĀ GƏ̄ 18:9 Referans Kwoze

NDŪ NAJƏ̄ 33:26

Gō tə́ anī Moijə əda ɓáý to̰ na: Yesurun, nə́ɓā kə́ rang kə́ to tītə̄ Nə́ɓā yāí gətóo. Ni-al̄ kil̄ man̄ sə́ndá tə́ kə tɔ́gɔ́ əndań dɔ rā̰ gān̄g ba mān̄ reē gōí tə́ yā dḭḭ̄.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

2 PIYER 3:10

Ndɔ̄ yā Kɔ́ɔ̄ɓē a reē i tītə̄ nge ɓogə beé. Ndɔ̄ ngeé ń noō tə́ ní, dɔ rā̰ a hində̄ lim kə kōō yá̰á̰ kógə̄ḿ kə́ ɓār̄ to ɓōĺ ngá̰ý ō, yá̰a̰ gə̄ ń Nə́ɓā əndādə́ á hor i tū tə́ ní a nujən̄ kɔ̄ɔ́ ō, dɔ nang kə yá̰a̰ malang kə́ tū tə́ a gətóo kɔ̄ɔ́ ō.

HEBƏRO 12:26

Dan ngeé ń noō tə́ ní ndūn yéȳ dɔ nang. Ba ngɔlaā ni-ənī míndən əda beé na: M-ā m̄-yéȳ dɔ nang nja kógə̄ḿ ɓáý to̰, ba i dɔ nang ngóy alé, m-ā m̄-yéȳ dɔ rā̰ ō.

JA̰A̰ 13:7

Jeju tél ədan na: Kə́ ngɔŕ ń toō tə́ ní yá̰á̰ ń m̄-rāā toó ī-ger̄ alé, banī ndɔ̄ń tə́ anī ā ī-ger̄ kum.

MARK 15:33

Loo ń mbang i dan ɓēé ní, loo gān̄g tíbə ripə, adə̄ loo kə́ risə til taā loo dɔ nang tə́ malang, bátə́ ugə̄ń mbang kə́ mətá kə́ loo sɔlí tə́.

MATIYE 24:29

Sḛ́ý gō wur kɔl gə̄ kə́ kem ndɔ̄ gə̄ ngeé ń noō tə́ anī, mbang a ndul ō, nāā a ndaa to̰ aĺ ō, tə́yō̰ kə́ dɔ rā̰ tə́ gə̄ a tə́sōn̄ dɔ nang tə́ ō, ngé tɔ́gə́ kə́ dɔ rā̰ tə́ gə̄ a ndewn̄ ō.

2 SAMUEL 22:10

Kɔ́ɔ̄ɓē tetə ta dɔ rā̰ kə̄ nang tə́ ba risə nang tə́. Kil̄ man̄ kə́ ndul ndí ndḭ́ i gír njan tə́.

IJAI 51:6

Ə̄nī kumsí kə̄ dɔɔ́ á̰a̰īń loo kum kə̄ dɔ rā̰ tə́, ba ī-téĺ á̰a̰ī loo kum kə̄ nang tə́. Dɔ rā̰ a gətóo kɔ̄ɔ́ tītə̄ sa hor beé ō, dɔ nang a əsō ngisə tītə̄ kūbə̄ beé ō, de kə́ tū tə́ gə̄ a oyn̄ tītə̄ kón̄g gə̄ beé ō. Banī teē ɓəloó a to i kə́ njɔ́ḿ gə̄ tə́, kajə ń m̄-reēń ní ta tɔ̄l̄ tan a gətóo.

PĀ GƏ̄ 68:4

Banī de kə́ súmūú gə̄ rāān̄ rɔ̄nel̄, tḭ́ḭ̄n̄ bal walya ta kum Nə́ɓā tə́. Nin̄ ndāmə̄n̄ ndām̄ rɔ̄nel̄.

Teē Ngán Israel gə̄ 19:18

Dɔ mbal̄ Sinai i sa hor malang, tɔdɔ̄ Kɔ́ɔ̄ɓē risə reē dɔ tə́ kum hor tə́. Sa hor ní əɓa luk luk tītə̄ sa hor nə́ngā katə̄ beé ō, mbal̄ ndebə ngin ngin ō.

PĀ GƏ̄ 50:3

Ādə̄ Nə́ɓā yājí reē ba ndi tan mbóo alé! Hor kógə̄ḿ a o̰o̰ loo kété non tə́ ō, néĺ kə́ ngan̄g ngá̰ý əla kə gō gidəneé ō.

PĀ GƏ̄ 97:3

Hor kógə̄ḿ njə̄rā non tə́, o̰o̰ madə̄ ba̰ā̰n gə̄ kə gō gidəneé.

IJAI 66:15

Tām̄ á̰a̰ī Kɔ́ɔ̄ɓē n toó: Ni a reē i kum hor tə́, púsə rɔ̄ɔ̄ yān gə̄ ton̄ tītə̄ nél man̄ kə́ əla kə ngangá ngá̰ý beē. Ni-reē i kɔjə wōn̄g yān kə́ to ɓōĺ ngá̰ý tə́ ō, i kəla ɓōló kem de gə̄ tə́ tə́ kə ta ndo̰ hor gēé ō.