PĀ GƏ̄ 18:7 - Bibəl ta Sar̄

⁷ Dan ń wur kɔl əsō dɔḿ tə́ ní m̄-ɓāŕ Kɔ́ɔ̄ɓē, m̄-nōō kə̄ dɔ Nə́ɓā yāḿ tə́ kadə̄ dḭḭ̄m̄. Ni-ndi kem kújə yān tə́ oō ndūḿ. Nōō yāḿ əsō mbīn tə́.

Bible sar

⁷ Dan ń wur kɔl əsō dɔḿ tə́ ní m̄-ɓāŕ Kɔ́ɔ̄ɓē, m̄-nōō kə̄ dɔ Nə́ɓā yāḿ tə́ kadə̄ dḭḭ̄m̄. Ni-ndi kem kújə yān tə́ oō ndūḿ. Nōō yāḿ əsō mbīn tə́.

PĀ GƏ̄ 18:7 Referans Kwoze

KƏLA RĀĀ 4:31

Dan ń nin̄-ndɔ̄ȳn̄ oy anī, loo ń kánə̄n̄ naā tū tə́ ní ndebə. Ndíĺ kə́ Táĺ rosə kemdə́ malang ō, nin̄-ənīn̄ kemdə́ ɔjən̄neé najə̄ yā Nə́ɓā kanjə̄ ɓōĺ ō.

MATIYE 28:2

Anī dɔ nang yéȳ ngá̰ý. De kə́ dɔ rā̰ tə́ kógə̄ḿ yā Kɔ́ɔ̄ɓē ḭḭ dɔ rā̰ tə́ jə̄ngā. Ni-reē ndūbə̄rū mbal̄ ń utə̄n̄neé ta bəlo ɓádə́ ní kɔ̄ɔ́, ba ndi dɔ tə́.

JEREMI 4:24

M-á̰a̰ mbal̄ gə̄ anī, m-á̰a̰ kadə̄ a ndewn̄ ō, kadə̄ ngán mbal̄ gə̄ malang a yéȳn̄ ō.

NGÉ SARYA 5:4

Kɔ́ɔ̄ɓē, dan ń ḭ́ḭ dɔ nang kə́ Edom tə́ ī-reē ní, dan ń ḭ́ḭ dɔ mbal̄ gə̄ kə́ Seir tə́ ī-reē ní, dɔ nang ndew ō, dɔ rā̰ yéȳ ō, kil̄ man̄ gə̄ tetən̄ man̄ adə̄ man̄ edə ō,

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

1 KORḚNTƏ 13:2

Ká ré m-ə́dań i najə̄ kə́ Nə́ɓā əndā taḿ tə́ aláa m̄-gerə̄ń i yá̰á̰ kə́ to loo mundə̄ tə́ gə̄ malang, aláa m̄-gerə̄ń yá̰a̰ malang, aláa taā kem yāḿ i kə́ mámák, adə̄ i nge ń a ndɔ́tə̄ kə mbal̄ bo gēé loo ndadə́ tə́ ní gə̄gē, ba m̄-tár aĺ anī, mā i yá̰á̰ kógə̄ḿ alé.

JAKARI 14:4

Ndɔ̄ ngeé ń noō tə́ ní, ni a ra dɔ ngōn̄ mbal̄ kāgə̄ olibə gə̄ tə́, kadə ɓē kə́ Jerusalem tə́ ngɔr, dām̄ kə́ gír ɓē tə́. Ngōn̄ mbal̄ kāgə̄ olibə gə̄ ní a njar danaá bang ō, wól loo kə́ bo a to ō, a ḭḭ dām̄ kə́ gír ɓē tə́ bátə́ dām̄ kə́ no ɓē tə́. Ngōn̄ mbal̄ ní núsən kógə̄ḿ a aw̄ kum kə̄ dām̄ mbɔ́r ɓē kə́ ko̰ó̰ tə́, ba núsən kə́rēý a aw̄ kum kə̄ dām̄ mbɔ́r ɓē kə́ geleé tə́.

HABAKUK 3:10

Mbal̄ bo gə̄ a̰a̰īn̄ anī, ɓōĺ rāādə́ adə̄ ndewn̄. Man̄ edə kə tɔ́gɔ́ ō, bā bo nōō tītə̄ ɓɔl beé ō. Ni-rāā adə̄ bəngálən gə̄ ḭḭn̄ bátə́ aw̄ ugə̄n̄ dɔ rā̰ tə́.

HABAKUK 3:6

Dan ń ni dəba anī dɔ nang ndew. Dan ń ni-a̰a̰ gír nápar de gə̄ anī, nin̄ ɓōlə́nən̄ ō. Mbal̄ bo gə̄ ń ran̄ ngándáńg ní, njárə̄n̄ ō, ngán mbal̄ kə́ jóó ngá̰ý gə̄ téē tə̄sōn̄ ō, nin̄ ń kété jóo rāān̄ rɔ̄də́ i kə̄lá róbə yān gə̄ tə́ ní.

PĀ GƏ̄ 46:2

Nə́ɓā i loo ɓɔ̄ɔ̄ rɔ̄ yājí kə́ ngan̄g. Ni i nge dḭḭ̄jí kə́ ndi dɔ rɔ̄n tə́ ngándáńg yā rāā sejí ndɔ̄ kə́ wur kɔl əsōń dɔjí tə́.

PĀ GƏ̄ 34:16

Kum Kɔ́ɔ̄ɓē i kə̄ dɔ de kə́ gōtə́ gə̄ tə́ ō, nēl̄ mbīn yā koōń nōō yādə́ ō.

PĀ GƏ̄ 34:18

De kə́ sew gə̄ əgan̄ kɔŕ anī Kɔ́ɔ̄ɓē oō ō, ɔr̄də́ kɔ̄ɔ́ kem wur kɔl yādə́ gə̄ tə́ malang ō.

PĀ GƏ̄ 39:13

Kɔ́ɔ̄ɓē, ōō ndɔ̄ȳ yāḿ ō nōō yāḿ ō. Ī-nēl̄ mbīí ōoń nōō yāḿ. Tɔdɔ̄ mā i de kə́ nge nam̄ ɓēé looí, mā i mbā tītə̄ yā kaaḿ gə̄ malang.

PĀ GƏ̄ 40:2

M-ə̄ndā kemḿ dɔ Kɔ́ɔ̄ɓē tə́ adə̄ ngan̄g ngá̰ý, anī ni nēl̄ mbīn oōń nōō yāḿ.