PĀ GƏ̄ 18:6 - Bibəl ta Sar̄

⁶ Loo kə́ ɓádá ɓírə̄m̄ ō, yo əyā gūmbə̄ noḿ tə́ ō.

Bible sar

⁶ Loo kə́ ɓádá ɓírə̄m̄ ō, yo əyā gūmbə̄ noḿ tə́ ō.

PĀ GƏ̄ 18:6 Referans Kwoze

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

2 SAMUEL 22:7

Dan ń wur kɔl kə́ ngá̰ý əsō dɔḿ tə́ ní, m̄-ɓāŕ Kɔ́ɔ̄ɓē, m̄-ɓāŕ Nə́ɓā yāḿ. Anī ni-ndi kem kújə yān tə́ oō ndūḿ. Kɔŕ yāḿ əsō mbīn tə́.

PĀ GƏ̄ 34:15

Ādə̄ kɔ́ɔ̄ ɔr̄ rɔ̄n kɔ̄ɔ́ kadə yá̰á̰ kə́ majaĺ tə́ ō, rāā yá̰á̰ kə́ majə ō, sāā róbə kem sɔl̄ lɔm ō, a̰ȳ ngɔ̄də̄ gō tə́ ō.

PĀ GƏ̄ 120:1

Pā kə́ yā kaw̄ń kə̄ loo kə́ táĺ tə́. Dan ń wur kɔl əsō dɔḿ tə́ ní, m̄-ɓāŕ Kɔ́ɔ̄ɓē, anī ni ndigə ɓār̄ yāḿ.

KƏLA RĀĀ 12:5

Adə̄ Piyer i kújə dəngáyá, banī ngé kán̄ naā gə̄ ndɔ̄ȳn̄ Nə́ɓā kə nja ngárāá tām̄ yān tə́.

2 YÁ̰A̰ GƏ̄ 30:27

Gō tə́ anī ngán Lebi kə́ ngé tun̄ yá̰a̰ gə̄ ḭḭn̄ dɔɔ́ ba tɔ́rə̄n̄ tadə́ dɔ de gə̄ tə́. Ndɔ̄ȳ yādə́ aw̄ bátə́ teē dɔ rā̰ ń i loo ndi kə́ táĺ yā Nə́ɓā ní tə́ ō, Nə́ɓā rāā yá̰á̰ ń dəjen̄ ní ō.

Teē Ngán Israel gə̄ 2:23

Dan i ngá̰ý gō tə́ anī, mban̄g kə́ Ejiptə oy. Ngán Israel gə̄ ń a rāān̄ kəla ɓəlo ní nōōn̄ rɔ̄də́ ō, əgan̄ kɔ̄ŕ ō, adə̄ nōō yādə́ aw̄ ugə̄ rɔ̄ Nə́ɓā tə́.

HABAKUK 2:20

Kɔ́ɔ̄ɓē ni-ndi i kem kújə́ yān kə́ táĺ tə́. Ādə̄ de gə̄ malang kə́ dɔ nang tə́ ndin̄ kə tadə́ kə́ mbóó non tə́!

PĀ GƏ̄ 11:4

Kɔ́ɔ̄ɓē ndi kem kújə yān kə́ táĺ tə́. Kōr̄ kāgə̄ mbang yān ndi i dɔ rā̰ tə́. Ni-əndā ma̰ȳ de gə̄ kə kumneé, anī ger̄ kəla rāā deē ndul gə̄ kógə̄ḿ kógə̄ḿ.

PĀ GƏ̄ 5:7

Ḭ̄ i nge rāā kadə̄ ngé kɔr̄ najə̄ kə́ sor̄ gə̄ oyn̄. De kə́ nge gól̄ de gə̄ ō, ɓōkə́ mósə de gə̄ nang tə́ ō ní nel̄ Kɔ́ɔ̄ɓē seneé aĺ bátə́.

JEJU TEĒ KUM JA̰A̰ 11:19

Ta kújə yā Nə́ɓā kə́ dɔ rā̰ tə́ teē ra wōyōó, anī m-á̰a̰ sandúkə madə̄ naā yān kemeé. Loo ń noō tə́ man̄ tel̄ ō, ndū de gə̄ ɓār̄ ō, man̄ ndang ō, dɔ nang ndew ō, kɔ̄sə̄ tə́sō ngá̰ý ō.

MARK 14:36

Ni-əda na: Aba, Bɔbə́ḿ, ḭ̄ ásə rāā yá̰a̰ malang, úń kópə́ ń toō dɔḿ tə́ kɔ̄ɔ́. Banī kadə̄ i kə gō kem ndigə yāḿ alé, ba kadə̄ i kə gō kem ndigə yāí ḭ̄ kɔ́ tá.

PĀ GƏ̄ 55:5

m̄-ndi i kə sōlōó kekəre kemḿ tə́, ɓōĺ yo asəm̄ nák.