PĀ GƏ̄ 18:2 - Bibəl ta Sar̄

² Kɔ́ɔ̄ɓē, ḭ̄ i tɔ́gə yāḿ, o̰o̰m̄ tɔdɔ̄í ngá̰ý!

Bible sar

² Kɔ́ɔ̄ɓē, ḭ̄ i tɔ́gə yāḿ, o̰o̰m̄ tɔdɔ̄í ngá̰ý!

PĀ GƏ̄ 18:2 Referans Kwoze

PĀ GƏ̄ 144:2

I ni n i nge rāā kem majə seḿ ní ō, ni i loo ɓɔ̄ɔ̄ rɔ̄ yāḿ ō, i ni n i loo ndi kə́ ngan̄g ngá̰ý ō, nge kajəḿ ō ní. Ni i der yāḿ ō, m-ā m̄-ɓɔ̄ɔ̄ rɔ̄ḿ i rɔ̄n tə́ ō. Ni-əla dɔ gír deē yāḿ gə̄ gíŕ tɔ́gə yāḿ tə́ ō.

PĀ GƏ̄ 62:7

A̰á̰ā̰, ni i mbal̄ yāḿ ō, nge kajəḿ ō, loo ndiḿ kə́ ngan̄g ō. Adə̄ m-ā m̄-yéȳ alé.

PĀ GƏ̄ 91:2

M-ə́da najə̄ kə́ dɔ Kɔ́ɔ̄ɓē tə́ na: Ni i loo ɓɔ̄ɔ̄ rɔ̄ yāḿ, ndogə̄ mbal̄ kə́ ngan̄g ngá̰ý yāḿ, Nə́ɓā yāḿ: Adə̄ m-ə̄ndā kemḿ i dɔn ni tə́!

PĀ GƏ̄ 19:14

Ɔ̄r̄ nge kəla yāí kɔ̄ɔ́ dan ngé kɔjə rɔ̄də́ gə̄ tə́. Ī-rāā ādə̄ asən̄ yá̰a̰ rɔ̄n tə́ alé. Ɓá anī najə̄ a gətóo dɔn tə́ ō, deē a ɓār̄ rī majaĺ kə́ ngá̰ý dɔn tə́ aĺ ō.

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

PĀ GƏ̄ 62:2

Ndi lɔm yāḿ i rɔ̄ Nə́ɓā tə́ ngóy. M-ájə i kə ta kūl̄neé.

2 SAMUEL 22:3

Nə́ɓā i mbal̄ ɓɔ̄ɔ̄ rɔ̄ yāḿ. Ni i der yāḿ ō, gində̄ ń m-ā m̄-tetəń rɔ̄ɔ̄ ní ō. Ni i kújə́ kə́ ngan̄g yāḿ ō, kə́ m̄-ndi kemeé anī m-ájə, loo ɓɔ̄ɔ̄ rɔ̄ yāḿ ō, nge kajəḿ ō. Ni i nge kɔrə̄m̄ kɔ̄ɔ́ jī ngé dɔ́nɔ gə̄ tə́.

JEREMI 16:19

Kɔ́ɔ̄ɓē, ḭ̄ ń i tɔ́gə́ḿ ō, nge ngɔ̄mə̄ḿ ō, loo ɓɔ̄ɔ̄ rɔ̄ yāḿ ndɔ̄ wur kɔl tə́ ō ní, nápar de gə̄ a ḭḭn̄ ta ngóy dɔ nang tə́ yā reē rɔ̄í tə́ yā kəda na: Yá̰á̰ ń kaají gə̄ əngen̄ loo nə̄ɓō naā yá̰á̰ tə́ ní, i yá̰á̰ kə́ rɔ̄kum alé ō, i yá̰á̰ kə́ kanjə̄ kumən kə́ yá̰á̰ kə́ yā rāań gətóo ō.

IJAI 32:2

Nin̄ kógə̄ḿ kógə̄ḿ a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā néĺ tə́ beē, a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā man̄ kə́ a edə tə́ beē, a ton̄ i tītə̄ man̄ kə́ a nūgə́ dəla loo tə́ beē, a ton̄ i tītə̄ ndíl mbal̄ kə́ bo kə́ kem ɓē kə́ loo təngā tū tə́ beē.

PĀ GƏ̄ 91:4

Ni a ngɔ̄mī. Ā ə́nge loo ɓēé looneé kadə̄ ī-ɓɔ̄ɔń rɔ̄í, tītə̄ ngōn̄ kə̄njá kə́ ɓɔ̄ɔ̄ rɔ̄n gír bɔ̄gə̄ kó̰o̰n tə́ beē. Kem majə yān rāā rɔ̄n i der tə́ ō, kūbə̄ gində̄ tə́ ō.

HEBƏRO 2:13

Əda ɓáý to̰ na: M-ā m-ə̄ndā kemḿ dɔn tə́. Tá əda ɓáý to̰ na: Mā n toó kə ngán gə̄ ń Nə́ɓā adə̄m̄ ní.

Gōsə̄ najə̄ gə̄ 2:7

Ni i nge rāā kadə̄ kəla rāā de kə́ súmūú gə̄ teē majə. Ni to i tītə̄ der beé tām̄ yā nge rāā háĺ kə́ gōtə́ tə́.

PĀ GƏ̄ 28:1

I pā yā Dabid. Kɔ́ɔ̄ɓē, m̄-ɓāríī, ḭ̄ mbal̄ yāḿ, ī-nēl̄ mbīí ōoń ndūḿ! Ré ī-ndi mándáńg anī, mā i de kə́ gír yāḿ gān̄g kɔ̄ɔ́.

PĀ GƏ̄ 59:11

Nə́ɓā kə́ nge ra dɔ ndūn tə́ tə́nī taḿ. Ni-rāā adə̄ m-ídə taḿ gíŕ ngé kumə̄ḿ gə̄ tə́.

PĀ GƏ̄ 75:10

Banī mā m-ā m-ə̄nī gotə yá̰a̰ gə̄ ń noō ngándáńg. M-ā m-ə̄nī pā yā rɔȳń Nə́ɓā yā Jakob.

PĀ GƏ̄ 132:17

M-ā m̄-rāā kadə̄ a ojən̄ mban̄g kógə̄ḿ kə́ tɔ́gən i ngá̰ý, gír yā Dabid tə́ kem ɓē kə́ Siyo̰ tə́ ō, m-ā m̄-rāā gō lámba tām̄ yā nge ń m-úr yibə̄ dɔn tə́ ní ō.

Teē Ngán Israel gə̄ 15:2

Tɔ́gə́ḿ kə́ ngá̰ý i Kɔ́ɔ̄ɓē, ni dḭḭ̄m̄. Ni i Nə́ɓā yāḿ, m-ā m̄-tɔ̄ȳn. Ni i Nə́ɓā yā bɔbə́ḿ, m-ā m-ɔ́jə kə̄ ndágá kadə̄ ni i de kə́ bo.

PĀ GƏ̄ 116:1

m̄-táŕ Kɔ́ɔ̄ɓē, tām̄ ni oō ndūḿ loo rāān ɓɔ́ tə́.