PĀ GƏ̄ 17:7 - Bibəl ta Sar̄

⁷ Ḭ̄ ń ájə́ ngé namī gə̄ jī ngé rɔ̄ɔ̄də́ gə̄ tə́ kə jī ko̰í ní, ɔ́jəm̄ kem majə yāí.

Bible sar

⁷ Ḭ̄ ń ájə́ ngé namī gə̄ jī ngé rɔ̄ɔ̄də́ gə̄ tə́ kə jī ko̰í ní, ɔ́jəm̄ kem majə yāí.

PĀ GƏ̄ 17:7 Referans Kwoze

PĀ GƏ̄ 60:5

Ī-rāā ādə̄ yá̰á̰ kə́ ngan̄g rāā gír deē yāí gə̄. Ḭ̄ ādə̄jí kasə kə́ ngan̄g adə̄ j-a̰ȳ.

PĀ GƏ̄ 31:21

Ī-ɓɔ̄də́ i loo ń īkɔ́ ā ī-ɓɔ̄ɔ̄ rɔ̄í tū tə́ ní tə́, adə̄ yá̰á̰ kə́ majaĺ kə́ de gə̄ rāān̄ loo mundə̄ tə́ asə kɔdə rɔ̄də́ alé. Ī-ɓɔ̄də́ i kem kújə yāí tə́, adə̄ najə̄ kə́ majaĺ kə́ ta de gə̄ tə́ asə rāā yá̰a̰ sedə́ alé.

PĀ GƏ̄ 20:6

Loo ń noō tə́ j-a jə-rāā rɔ̄nel̄ rɔ̄ɔ̄ ń ī-tetə ní, j-a j-əhɔ dərapóo rɔ̄ɔ̄ dɔjí tə́ dɔɔ́ yā rɔȳń Nə́ɓā yājí. Ādə̄ Kɔ́ɔ̄ɓē tɔ̄l̄ ta yá̰a̰ malang ń ī-dəjen kadə̄ rāā adī ní.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

PĀ GƏ̄ 44:3

Ḭ̄ ī-taā dɔ nang yā nápar de kə́ rang gə̄ jīdə́ tə́ kə jīí ādə̄də́. Ḭ̄ ī-rāā gír de kə́ rang gə̄ majaĺ yā kadə̄ gír deē yāí gə̄ taān̄neé loo kə̄ loo gə̄ tə́.

2 YÁ̰A̰ GƏ̄ 16:9

Tām̄ kum Kɔ́ɔ̄ɓē a̰a̰ loo dɔ nang tə́ malang i yā kɔsəń kíĺ ngé gə̄ ń kemdə́ i yān kə taá malang ní kə̄ dɔɔ́. I beé n a ī-rāā yá̰a̰ i tītə̄ de kə́ kur̄ dɔn gətóo ní. Adə̄ əla gír ɓōólaā bátə́ kə̄ no tə́ ní ā ī-ra i dan rɔ̄ɔ́.

2 MBAN̄G 19:34

M-ā m̄-ngɔ̄m̄ ɓē kə́ Jerusalem ō, m-ā m-ájən ō, i najə̄ yāḿ mā tə́ ō, i najə̄ yā nge kəla yāḿ Dabid tə́ ō.

Teē Ngán Israel gə̄ 15:6

Kɔ́ɔ̄ɓē, tɔ́gə jī ko̰í i ngá̰ý, I tɔ́gə jīí ngeé ń toō n a tə̄ndā madə̄ ba̰ā̰í gə̄ a tḭ̄ḭ̄də́ kɔ̄ɔ́ ní.

KƏLA RĀĀ 2:33

Nə́ɓā ɔsən kə̄ dɔɔ́ kə tɔ́gəneé, adə̄ ni-ənge Ndíĺ kə́ Táĺ ń Bɔbə̄ Ngōn̄ ənī míndən yā kadə̄ ní. I Ndíĺ kə́ Táĺ ngeé ń ni-ənge ní n ni-rāā adə̄ reē á á̰a̰ī ō, ōōī ō toó.

2 MBAN̄G 19:22

I Náā n ī-tájə̄n ō, ī-tə́da najə̄ kə́ to ngonjə̄ gə̄ dɔn tə́ ní ō? I náā n ún ndūí kə̄ dɔɔ́ ɔ̄rəń najə̄ dɔn tə́ ní? I náā n á̰a̰n kə ngēl̄ kumií ní? Ī-rāā yá̰a̰ gə̄ ń noō i kə kə́ táĺ yā Israel.

JEJU TEĒ KUM JA̰A̰ 15:3

Nin̄-ənīn̄ pā yā Moijə nge kəla yā Nə́ɓā ō, pā yā Ngōn̄ batə̄ ō, ədan̄ na: Kɔ́ɔ̄ɓē Nə́ɓā kə́ bo kə́ tɔ́gən i ngá̰ý, kəla rāāí i kəla kə́ bo gə̄ ō, kə́ to kɔr kum gə̄ ō. Mban̄g kə́ dɔ nápar de gə̄ tə́, gō róbə yāí gə̄ i gō róbə́ kə́ gō tə́ gə̄ ō, kə́ rɔ̄kum gə̄ ō.

PĀ GƏ̄ 78:12

Kété ní Nə́ɓā rāā yá̰á̰ kə́ to kɔr kum gə̄ ta kum kaadə́ gə̄ tə́, dɔ nang kə́ Ejiptə tə́, gō nang kə́ Soan tə́.

PĀ GƏ̄ 31:22

Kɔ́ɔ̄ɓē, m̄-tɔ̄yī tɔdɔ̄ m̄-to tītə̄ ɓē kə́ ngé rɔ̄ɔ̄ gə̄ gīrə̄n̄ yā taā, ba ḭ̄ ī-ra dɔ ndūí tə́ seḿ adə̄ ɔr kumḿ ngá̰ý.