7 m̄-ndadə̄ m-ādə̄ Kɔ́ɔ̄ɓē nge kadə̄m̄ kɔjə̄, m̄-to ndɔ̄ɔ́ anī gír̄ yāḿ ɔjəm̄.
Ḭ̄ ɔ́r noḿ kə gō yá̰á̰ ń ḭ̄ ī-nóm̄ ní, gō tə́ anī ā únəm̄ dan kɔsə gɔn yāí tə́.
Kɔ́ɔ̄ɓē Nə́ɓā ndóōm̄ yá̰á̰ ń sɔɔ̄ kadə̄ m-ə́da yā kəlań go̰ kem deē ń tɔ́gən gətóo kɔ̄ɔ́ tə́ ní. Ni ndólə̄m̄ dɔ ɓīī tə́ dəloí kə dɔ ndɔ̄ gə̄, yā kadə̄ m-ōō loo tītə̄ ngōn̄ nge ndoō kə́ majə beé.
Əga kemḿ dɔ ndɔ̄ kə́ kété gə̄ tə́, dɔ ɓāl̄ kə́ kété jóo gə̄ tə́.
Ḭ̄ ī-reē dan ndɔ̄ɔ́ ə̄ndā ma̰ȳḿ ō, i-nāām̄ ō, banī ə́nge najə̄ kə́ yā kəda dɔḿ tə́ alé. Mā m̄-tə́da najə̄ dɔ yá̰a̰ rāā deē tə́ alé.
M-ā m̄-ndān̄ tītə̄ kə́ m-ə́sa i mból dā̰ ō, yibə̄n ō beé. M-ā m-ə̄nī pā kə rɔ̄nelēé yā kɔsəń gɔnií.
Ḭ̄ ī-rāā ādə̄ kōō man̄ gə̄ ɓārə̄n̄ pukətu pukətu, man̄ kógə̄ḿ ɓāŕ man̄ madə̄n. Ḭ̄ ī-rāā ādə̄ man̄ gə̄ ní reēn̄ dɔḿ tə́ malang, taān̄ dɔḿ kɔ̄ɔ́.
Najə̄ ń nge gān̄g dɔí, Kɔ́ɔ̄ɓē, Nə́ɓā kə́ táĺ yā Israel, əda ní n toó: Nə́ɓā yāí i mā Kɔ́ɔ̄ɓē. I yá̰á̰ kə́ majə tām̄ yāí tə́ tɔȳ gotə gə̄ n m̄-ndóōī ní. I mā n i nge kɔriī ta róbə dɔ róbə́ ń ā ī-njə̄rā tū tə́ ní.
Ndɔ̄ɔ́ anī, mā m̄-sāāī kə ngarā̰ kemḿ ō. Dan ń ún sarya gāngīí gə̄ ī-rāań kəla dɔ nang tə́ anī, de kə́ dɔ nang tə́ gə̄ malang ndóōn̄ rāā yá̰á̰ kə́ nelī ō.
Kadə̄ kɔjə̄ ō, yá̰á̰ kə́ teē majə ō, i yá̰á̰ kə́ gír jīḿ tə́ gə̄. Ger̄ kum yá̰a̰ i yá̰a̰ yāḿ ō, ngan̄g i yá̰a̰ yāḿ ō.
Kɔ́ɔ̄ɓē, ndɔ̄ɔ́ anī əga kemḿ dɔ rīí tə́ yā kadə̄ m̄-ngɔ̄məń ndū najə̄ yāí.
I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.
Dan ngeé ń noō tə́ ní Jeju aw̄ ndɔ̄yɔ̄ɔ́ dɔ mbalá. Ni ndɔ̄ȳ Nə́ɓā bátə́ loo tīī dɔn tə́.
Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.
M-ā m̄-ɓōkíī tɔ̄ȳ kanjə̄ gír̄ yá̰á̰ kə́ rang kemḿ tə́, dan ń m-ā m̄-ndóō ndū gə̄ ń ḭ̄ ī-ra dɔ tə́ á i kə́ gōtə́ gə̄ ní.
Kété pá tá kadə̄ gír loo kə́ ndɔ̄ɔ́ gān̄g ní, m̄-tḛḛ̄ kumḿ yā gírəń yá̰á̰ ngá̰ý dɔ yá̰a̰ gə̄ ń ɔ́sə kə de gēé ta rāā ní tə́.
I Nə́ɓā n m̄-ɓārə́n ō, m̄-nōō kə̄ dɔn tə́ ō ní. I Nə́ɓā n m̄-ɓārə́n ní, ni a oō ndūḿ.
Nə́ɓā yāḿ, Nə́ɓā yāḿ, ə́ya̰m̄ kɔ̄ɔ́ i tām̄ rí tə́? Ī-ra dan sa̰y kanjə̄ dḭḭ̄m̄ ō, kanjə̄ koō nōō yāḿ ō i tām̄ rí tə́?
Ə̄ndādə́ tītə̄ kāgə̄ adə̄ tə́lan̄ ngəradə́ ō, tɔgən̄ bátə́ anə̄n̄ ō. Ḭ̄ i tāādə́ ɓa ɓang ba ī-gətóo ngarā̰ kemdə́ tə́.
Kété dan ń wurəḿ atə̄m̄ kárárá ō, najə̄ tōr̄ kemḿ ngá̰ý ō ní,