PĀ GƏ̄ 16:3 - Bibəl ta Sar̄

³ Ɓesə̄ gə̄ kə́ dɔ nang tə́ laā, adə̄ i tɔ́gə gə̄ ń nelə̄m̄ sedə́ kété ngá̰ý ní,

Bible sar

³ Ɓesə̄ gə̄ kə́ dɔ nang tə́ laā, adə̄ i tɔ́gə gə̄ ń nelə̄m̄ sedə́ kété ngá̰ý ní,

PĀ GƏ̄ 16:3 Referans Kwoze

HEBƏRO 6:10

Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.

Gōsə̄ najə̄ gə̄ 13:20

Nge njə̄rā kə ngé kum kedə̄ gēé a tél de kə́ nge kum kedə̄, ba nge kaw̄ ɓē de kə́ mbóo gēé ngándáńg a ənge yá̰á̰ kə́ tōr̄.

Gōsə̄ najə̄ gə̄ 12:26

De kə́ súmūú ɔjə madə̄n ta róbə́ kə́ majə, banī háĺ ngé kem ndul gə̄ tḭ̄ḭ̄ tadə́.

2 YÁ̰A̰ GƏ̄ 6:41

Ba ngɔlaā ní Kɔ́ɔ̄ɓē Nə́ɓā, ḭ́ḭ dɔɔ́ ī-reē loo kɔr̄ koō yāí tə́, ḭ̄ ō, sandúkə ń tɔ́gə yāí i kemeé ní ō. Kɔ́ɔ̄ɓē Nə́ɓā, ādə̄ əlan̄ kūbə̄ kajə rɔ̄ ngé tun̄ yá̰a̰ yāí gə̄ tə́ ō, ādə̄ deē yāí gə̄ ń ran̄ dɔ ndūdə́ tə́ ní ndin̄ majə kə rɔ̄nelēé ō.

KƏLA RĀĀ 9:13

Anī Ananias tél əda na: Kɔ́ɔ̄ɓē, de gə̄ ngá̰ý ədamə̄n̄ najə̄ kə́ dɔ deē ń noō tə́, ədan̄ na ni na rāā ngé yāí gə̄ majaĺ ngá̰ý kem ɓē kə́ Jerusalem tə́.

MALASI 3:17

Gō tə́ anī, Kɔ́ɔ̄ɓē kə́ bo kə́ tɔ́gən i ngá̰ý əda na: Ndɔ̄ ń m-ā m-ɔ́jəń tɔ́gə́ḿ ní, m-ā m̄-rāādə́ i deē yāḿ gə̄ tə́. M-ā m̄-rāā majə sedə́, tītə̄ ń bɔbə̄ ngōn̄ a rāań majə kə ngōnən kə́ dəngam kə́ nge rāā kəla kadə̄n ní.

IJAI 62:4

A ɓāríīn̄ na i dəyá̰ kə́ əya̰nən̄ kɔ̄ɔ́ to̰ alé, a ədan̄ na ɓē yāí na i dəla loo kə́ rɔ̄nelāĺ i tū tə́ to̰ alé. Banī a ɓāríīn̄ na i dəyá̰ kə́ taā dəngam majə ō. A̰á̰ā̰, a nel̄ Kɔ́ɔ̄ɓē seí rɔ̄kum ō, dɔ nang yāí a ənge dəngam yā taā ō.

Gōsə̄ najə̄ gə̄ 8:31

M-ágə naā kə gō loo gə̄ malang ń ni-rāā dɔ nang tə́ ní ō, m-ə́nge rɔ̄nel̄ dan ngán deē ndul gə̄ tə́ ō.

PĀ GƏ̄ 119:63

Mā i madə̄ de gə̄ malang ń a ɓōlə́n̄ ndílí ō, a rāān̄ yá̰a̰ gə̄ ń ī-ra kə de gēé ta rāā ní ō.

PĀ GƏ̄ 116:15

Ka̰a̰ deē yān gə̄ loo koy tə́ i yá̰á̰ kə́ tōr̄ rɔ̄ Kɔ́ɔ̄ɓē.

PĀ GƏ̄ 101:6

M-ā m-á̰á̰ ngé ra dɔ ndūdə́ tə́ gə̄ kə́ kem ɓēé yā ger̄də́, yā kadə̄ nin̄ ndin̄ kadəḿ tə́. De kə́ nge rāā yá̰á̰ kə́ gōtə́ a rāā kəla yāḿ.

PĀ GƏ̄ 30:4

Kɔ́ɔ̄ɓē, ḭ̄ ī-teē seḿ ɓádá kɔ̄ɔ́. Mā i de kə́ gír yāḿ gān̄g kɔ̄ɔ́, banī rāā adə̄ m̄-ndi kə kumḿ gogə́.

TITƏ 3:8

Najə̄ ń noō i Najə̄ kə́ Majə kadə̄ deē taā kem. Adə̄ m-gḛy kadə̄ ī-ra dɔ tə́ ngá̰ý, yā kadə̄ de gə̄ ń taān̄ kem Nə́ɓā ní, əndān̄ kumdə́ gíŕ yá̰á̰ kə́ majə gə̄ tə́ rāān̄. Nge ń noō i yá̰á̰ kə́ majə ō, a rāā majə kə de gēé malang ō.

EPEJƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní n m-ə́la kə makətūbə̄ ń toó m-ādə̄sí, sḭḭ̄ de gə̄ yā Nə́ɓā ń ī-ndiī Epejə ba ī-taāī kem Jeju Kərist ní.

GALATƏ 6:10

I tām̄ ń toō tə́ n, dan ń j-əngeī loon ɓáý ní, ādə̄ jə-rāāī yá̰á̰ kə́ majə kə de gēé malang. Ba mandang ɓáa ādə̄ i kə ngákó̰ó̰jí kə́ ngé taā kem madə̄jí gēé.

PĀ KƏ́ MAJƏ 7:10

nga ngaāí to tītə̄ kasə nduú kə́ majə ō! A̰á̰ā̰, kasə nduú kə́ majə kə́ ngɔ̄m̄ tām̄ yā kó tár yāḿ tə́ ō, kə́ a də̄yā̰ tají tə́ dan ń j-a jə-ɓīī ní ō.

PĀ GƏ̄ 122:8

m̄-ndə̄ngā kadə̄ lápə́ya to looí, najə̄ yā ngákó̰ó̰ḿ gə̄ tə́ ō, madə̄ taḿ gə̄ tə́ ō.