PĀ GƏ̄ 16:11 - Bibəl ta Sar̄

¹¹ Ḭ̄ ɔ́jəm̄ róbə́ kə́ aw̄ kə deé tū ndi kə kumuú tə́ adə̄ m̄-ger̄. Ré deē i rɔ̄í tə́ ngɔr anī rɔ̄n nelə̄n ngá̰ý. Rɔ̄nel̄ kə́ ngándáńg i dɔ jī ko̰í tə́.

Bible sar

¹¹ Ḭ̄ ɔ́jəm̄ róbə́ kə́ aw̄ kə deé tū ndi kə kumuú tə́ adə̄ m̄-ger̄. Ré deē i rɔ̄í tə́ ngɔr anī rɔ̄n nelə̄n ngá̰ý. Rɔ̄nel̄ kə́ ngándáńg i dɔ jī ko̰í tə́.

PĀ GƏ̄ 16:11 Referans Kwoze

KƏLA RĀĀ 2:28

Ḭ̄ ɔ́jəm̄ róbə gə̄ kə́ ta kaw̄ kə̄ loo kə́ deē a ndi kə kumneé tū tə́ tə́. Ā ī-rāā kadə̄ rɔ̄nel̄ rosə kemḿ kə ta kūl̄ ndi kə́ jə-ndi ta kum naā tə́ seí.

Makətūbə̄ ń Jud ndang ní 1:24

Nə́ɓā kə́ to kɔsə gɔn ń asə ngɔ̄m̄sí kadə̄ ə̄sōī aĺ ō, asə rāā kadə̄ ī-raī kə rɔ̄nelēé kanjə̄ najə̄ dɔsí tə́ ta kumən tə́ ō ní,

EPEJƏ 3:19

Ā ī-gerī tár yā Kərist kə́ tɔȳ yá̰a̰ gə̄ malang, loo ń noō tə́ Nə́ɓā a ndi kemsí tə́ kə taá kə ta kūl̄ Ndílneé.

Gōsə̄ najə̄ gə̄ 4:18

Hál de kə́ súmūú gə̄ to i tītə̄ loo kə́ unjə̄ kow kə́ ta gír loo tə́, kə́ unjə̄ kum kə̄ kété kété bátə́ dan kadaá.

PĀ GƏ̄ 17:15

Ba mā m-ā m-á̰a̰ kumií, tɔdɔ̄ i yá̰á̰ kə́ gōtə́. Dan ń m-ā m̄-ndól̄ dɔ ɓīī tə́ anī, m-ā m-á̰á̰ ndílí kadə̄ tɔ̄l̄ ɓōḿ.

MATIYE 7:14

Ba i ta róbə́ kə́ dūú ō, róbə́ kə́ kunən tōr̄ ngá̰ý ō n a aw̄ kə deé tū kajə tə́ ní, ba ngé kənge ta gə̄ i sḛ́ý beē.

IJAI 2:3

Gír de gə̄ ngá̰ý a əsōn̄ róbó. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń ni a sāā rɔ̄jí tə́ ní ō, róbə́ ń ni ɔjəjí ní, j-a j-uniī ō. Tām̄ yá̰á̰ ndóō yā Kɔ́ɔ̄ɓē ḭḭ i Siyo̰ n reē ní. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

2 KORḚNTƏ 4:17

Wur kɔl gə̄ ń əsōn̄ dɔjí tə́ kum ngōn̄ mbang kə́ sḛ́ý beē tə́ ní, ré deē əndādə́ kadə naā tə́ kə kɔsə gɔn kə́ a to ngándáńg ń yá̰á̰ kə́ tōr̄ gə̄ ngeé ń toō rāān̄ loon tām̄ yājí tə́ ní anī, asən̄ naā aĺ bátə́, tɔdɔ̄ kɔsə gɔn ní i kɔsə gɔn kə́ ngá̰ý tɔȳ yá̰á̰ kə́ tōr̄ gə̄ ń rāān̄jí ní.

MATIYE 5:8

Rɔ̄nel̄ i kə ngé gə̄ ń kemdə́ unjə̄ njáý njáý ní, tɔdɔ̄ a a̰a̰n̄ Nə́ɓā.

JEJU TEĒ KUM JA̰A̰ 22:5

Loo kə́ ndɔ̄ɔ́ a gətóo ō, a sāān̄ i hor lámbá tá yā ka̰a̰ń loo aĺ ō, a sāān̄ i mbang tá yā ka̰a̰ń loo aĺ ō. Tām̄ i Kɔ́ɔ̄ɓē Nə́ɓā n i loo kə́ unjə̄ kow dɔdə́ tə́ kadə̄ a̰a̰n̄neé loo ō, nin̄ a o̰o̰n̄ ɓē i kə dɔ ɓāl̄ gə̄ ɓāl̄ gə̄ ō.

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

Makətūbə̄ ń Pol ndang adə̄ Rom gə̄ ní 8:11

Ré Ndíl nge ń ndól̄ Jeju dan de kə́ koy gə̄ tə́ ní ndi kemsí tə́ anī, nge ń ndól̄ Jeju Kərist dan de kə́ koy gə̄ tə́ ní, a rāā kadə̄ rɔ̄sí kə́ a oy ń toō a ndi kə kumuú kə ta kūl̄ Ndílən ń ndi kemsí tə́ ní.

1 JA̰A̰ 3:2

Kó tár yāḿ gə̄, ngɔlaā ń toō jḭḭ̄ i ngáń Nə́ɓā, ba jī loo kətojí kə́ ndɔ̄ń tə́ ń j-a jə-toī ní, ɔjən̄ kə̄ ndágá aĺ ɓáý. Jə-gerī kadə̄ ré Kərist a ɔjə rɔ̄n kə̄ ndágá anī, j-a jə-toī tītə̄n. Tɔdɔ̄ j-a j-a̰a̰ī kadə̄ ni a to i kum gotən.

1 KORḚNTƏ 13:12

Kə́ ngɔr ń toō tə́ ɓáa yá̰á̰ ń j-a̰a̰ī ní to i tītə̄ ndíĺ yá̰á̰ kə́ tū kútə́ram tə́ beē, adə̄ j-a̰a̰ī unjə̄ ngá̰ý alé. Banī ndɔ̄ń tə́ anī j-a jə-raī ta naā tə́ yā ka̰a̰ kə kumjí. Kə́ ngɔr ń toō tə́ mā m̄-ger̄ yá̰a̰ malang alé, banī ndɔ̄ń tə́ anī m-ā m̄-ger̄ yá̰a̰ malang tītə̄ ń Nə́ɓā ger̄məń ní.

Gōsə̄ najə̄ gə̄ 12:28

Róbə́ rāā yá̰á̰ kə́ gōtə́ i róbə ndi kə kumuú. Ré deē un anī a ndɔdə̄n̄ naā kə yoó alé.

MARK 16:19

Gō tə́ dan ń Kɔ́ɔ̄ɓē Jeju ɔr̄ najə̄ sedə́ oy anī, un aw̄n̄ seneé dɔ rā̰ tə́, adə̄ ndi dɔ jī ko̰ Nə́ɓā tə́.

MATIYE 25:33

A əndā batə̄ gə̄ dɔ jī ko̰n tə́ ō, bə̄yā̰ gə̄ dɔ jī gelən tə́ ō.

PĀ GƏ̄ 139:24

Á̰a̰ā̰ ké m-ún gō ɓesə̄ gə̄ wa, ɔ́rəm̄ ta róbə ādə̄ m̄-njə̄rā dɔ róbə́ kə́ jóó ń i róbə yāí ní tə́.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

MATIYE 25:46

Anī de gə̄ ní a aw̄n̄ yā kənge ndéý kə́ dan gān̄g aĺ tām̄ yā majaĺ yādə́ tə́ ō, de kə́ súmūú gə̄ a aw̄n̄ loo kə́ deē a ndi kə kumneé tū tə́ ngándáńg tə́ ō.

Gōsə̄ najə̄ gə̄ 2:19

Deē ń aw̄ ɓēé looneé ní a tél aĺ ō, a ɔtə̄ dɔ róbə ndi kə kumuú tə́ aĺ ō.

Gōsə̄ najə̄ gə̄ 5:6

Ni un róbə́ kə́ aw̄ kə deé tū ndi kumuú tə́ alé. Ni ndóm̄ kanjə̄ kadə̄ ger̄ gō.

KƏLA RĀĀ 7:56

Ni-əda na: Á̰a̰ī, m-á̰a̰ dɔ rā̰ teē tan ō, Ngōn̄ Deē ra kə njan kə́ dɔɔ́ dɔ jī ko̰ Nə́ɓā tə́ ō.

PĀ GƏ̄ 4:8

Ḭ̄ ī-rāā ādə̄ kemḿ nelə̄m̄ tɔȳ rɔ̄nel̄ yādə́ kə́ kem ndɔ̄ gə̄ ń gémē yādə́ ō, kasə nduú yādə́ ō, i ngá̰ý tə́ ní.

PĀ GƏ̄ 68:4

Banī de kə́ súmūú gə̄ rāān̄ rɔ̄nel̄, tḭ́ḭ̄n̄ bal walya ta kum Nə́ɓā tə́. Nin̄ ndāmə̄n̄ ndām̄ rɔ̄nel̄.