PĀ GƏ̄ 16:10 - Bibəl ta Sar̄

¹⁰ Tɔdɔ̄ ā ə́ya̰m̄ ɓádá alé, ā ə́ya̰ deē yāí kadə̄ a̰a̰ bāá yon kə kumneé alé.

Bible sar

¹⁰ Tɔdɔ̄ ā ə́ya̰m̄ ɓádá alé, ā ə́ya̰ deē yāí kadə̄ a̰a̰ bāá yon kə kumneé alé.

PĀ GƏ̄ 16:10 Referans Kwoze

PĀ GƏ̄ 49:15

Kánə̄n̄də́ ɓádá tītə̄ batə̄ gə̄, i yo n i nge kaw̄ sedə́ dɔ mu tə́ ní. Teē kə ndɔ̄ kə́ noō anī de kə́ súmūú gə̄ tə́ɓān̄də́ njadə́ tə́. Deē asə ger̄ ta kumdə́ ɓádá to̰ alé. Nin̄ i sa̰y ngá̰ý kadə kújə́ kə́ ngáā ngáā yādə́ gə̄ tə́.

JEJU TEĒ KUM JA̰A̰ 1:18

deē ń ndi kə kumneé ní ō. Kété ní m-óy, banī ngɔlaā m̄-ndi kə kumḿ kə dɔ ɓāl̄ gə̄ ɓāl̄ gə̄. Tá kélé gə̄ yā yo ō, yā loo kə́ ɓádá ō, i jīḿ tə́.

JEJU TEĒ KUM JA̰A̰ 20:13

De gə̄ ń oyn̄ kum bā bo tə́ ní bā bo teē sedə́ ō, yo teē kə de gə̄ ń oyn̄ ní ō. De gə̄ ń oyn̄ á ton̄ ɓádá ní, loo kə́ ɓádá teē sedə́ ō. Ba gāngə̄n̄ sarya dɔ de gə̄ tə́ kógə̄ḿ kógə̄ḿ i kə gō kəla rāādə́ gēé.

Najə̄ kə́ Majə yā Jeju ń Luk ndang ní 16:23

Dan ń nge kənge yá̰a̰ ngeé ń toō a̰a̰ tápə̄ ngá̰ý loo kə́ ɓádá tə́ ní a, ənī kumən kə̄ dɔɔ́ anī, a̰a̰ Abəraham sa̰y ō, Lajar kə́ ndi kadən tə́ ngɔr ō.

Najə̄ kə́ Majə yā Jeju ń Luk ndang ní 1:35

De kə́ dɔ rā̰ tə́ ní tél ədan na: Ndíĺ kə́ Táĺ a reē dɔí tə́ ō, tɔ́gə yā Nə́ɓā kə́ dɔɔ́ a il̄ dɔí tə́ nding ō. I tām̄ najə̄ ń noō tə́ n ngōn̄ ń ā ójən ní i de kə́ táĺ ō, a ɓāŕnən̄ na i Ngōn̄ Nə́ɓā ō ní.

IJAI 14:9

De kə́ koy kɔ̄ɔ́ gə̄ ń nin̄ i kem loo kə́ gírí nang tə́ ní, rāān̄ rɔ̄də́ yā reē tə́nī taí dan ń ā ī-reē ní. Ni ndól̄ de kə́ koy gə̄ tām̄ yāí tə́, de kə́ bo gə̄ malang kə́ dɔ nang ń toō tə́. Ni-rāā adə̄ mban̄g gə̄ malang yā nápar de gə̄ ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́.

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

1 KORḚNTƏ 15:42

A to i beé ndɔ̄ ń de kə́ koy gə̄ a ndólə̄n̄neé tə́ ní ō. Rɔ̄ ń dubə̄n̄ ní i rɔ̄ kə́ a oy, banī rɔ̄ ń oy tá ndól̄ ní, i rɔ̄ kə́ a oy to̰ alé.

TƏ́DA 6:6

Kem ndɔ̄ gə̄ ń ɔrə̄ń kam̄ rɔ̄n tām̄ yā Kɔ́ɔ̄ɓē tə́ ní, a aw̄ rɔ̄ nīń deē tə́ alé.

LEBI GƏ̄ 19:28

Ī-tə́jāī rɔ̄sí kə doó loo wōn̄g yo tə́ aĺ ō, ə̄ndāī tə́ra rɔ̄sí tə́ aĺ ō. Mā i Kɔ́ɔ̄ɓē.

Najə̄ kə́ Majə yā Jeju ń Luk ndang ní 4:34

Ajá, Jeju kə́ Najaret, yāí i rí sejí? Ī-reē i nujə sejí tə́ kɔ̄ɔ́ a? m̄-gerī majə, ḭ̄ i Nge kə́ táĺ yā Nə́ɓā.

AMOS 9:2

Ré nin̄ rāān̄ bátə́ ba udən̄ dan de kə́ koy kɔ̄ɔ́ gə̄ tə́ anī, m-ā m-āw̄ gōdə́ tə́ yā kɔydə́. Ré nin̄ alə̄n̄ bátə́ aw̄ ugə̄n̄ dɔ rā̰ tə́ anī, m-ā m-āw̄ gōdə́ tə́ dɔɔ́ yā rāādə́ kadə̄ risən̄.

DANIEL 9:24

Gāngə̄n̄ ɓāl̄ sīrí dɔ gír deē yāí gə̄ tə́ ō, dɔ ɓē yāí kə́ táĺ tə́ ō, yā rāań kadə̄ gír mbātə́ najə̄ gān̄g, kadə̄ gír rāā yá̰á̰ kə́ majaĺ gān̄g ō, kadə̄ Nə́ɓā mā̰yń rɔ̄n dɔ majaĺ gə̄ tə́ ō, kadə̄ yá̰á̰ kə́ gōtə́ kə́ ngándáńg ɔjəń rɔ̄n kə̄ ndágá ō, kadə̄ yá̰á̰ kə́ ka̰ā̰ ō najə̄ ń nge koō ta əda ní ō reē udən̄neé gíŕ kə́ rɔ̄ tə́ ō, kadə̄ urən̄neé yibə̄ dɔ loo kə́ táĺ ngá̰ý tə́ ō.

IJAI 5:14

I tām̄ najə̄ ń toō tə́ n loo kə́ ɓádá a teē tan kadə̄ laa ngá̰ý ní, tan kə́ bo ngá̰ý ní, ni a teē. De kə́ bo gə̄ ō, kósə de gə̄ ō, a risən̄ kemeé ndɔ̄ naā tə́, dan ń nin̄ a rāān̄ rɔ̄nel̄ kə́ kōōdə́ ɓār̄ gijə gijə ní tə́.

Gōsə̄ najə̄ gə̄ 27:20

Loo kə́ ɓádá ń i bəlo kə́ bo ní, yá̰á̰ asən alé. Kum deē i yá̰á̰ kə́ yá̰a̰ asən aĺ ō.

Gōsə̄ najə̄ gə̄ 15:11

Loo kə́ ɓádá ń i bəlo kə́ bo ní to i kə̄ dɔ ndágá ta kum Kɔ́ɔ̄ɓē tə́, banī ngarā̰ kem de gə̄ to i kə̄ dɔ ndágá ta kumən tə́ tɔȳdə́ mbak.

PĀ GƏ̄ 139:8

Ré m-āw̄ i dɔ rā̰ tə́ a ḭ̄ i noó ō, ré m̄-to i ɓádá a ḭ̄ i noó ō!

PĀ GƏ̄ 9:17

Kɔ́ɔ̄ɓē rāā adə̄ de gə̄ ger̄nən̄ i kə ta kūl̄ sarya ń nəkɔ́ gān̄g ní. Gūmbə̄ yā de kə́ sew aĺ tél əhɔn nəkɔ́.

Makətūbə̄ yā Job 11:8

I dɔɔ́ sa̰y tītə̄ dɔ rā̰ ní ā ī-rāā i ba̰ý? Lúu tɔȳ loo kə́ ɓádá ní ā ī-ger̄ i rí tū tə́?