PĀ GƏ̄ 15:4 - Bibəl ta Sar̄

⁴ Kə́ tām̄ yān tə́ ɓáa de gə̄ ń Nə́ɓā ndigədə́ aĺ ní i de kə́ yā kídə̄də́ kɔ̄ɔ́ gə̄. Banī de gə̄ ń ɓōlə́n̄ ndíĺ Kɔ́ɔ̄ɓē ní ni rɔȳdə́. Ré ni-ənī ndūn, ba i kənī ndū kə́ tōr̄ rɔ̄n ngá̰ý gə̄gē anī ni tūr̄ ndūn alé.

Bible sar

⁴ Kə́ tām̄ yān tə́ ɓáa de gə̄ ń Nə́ɓā ndigədə́ aĺ ní i de kə́ yā kídə̄də́ kɔ̄ɔ́ gə̄. Banī de gə̄ ń ɓōlə́n̄ ndíĺ Kɔ́ɔ̄ɓē ní ni rɔȳdə́. Ré ni-ənī ndūn, ba i kənī ndū kə́ tōr̄ rɔ̄n ngá̰ý gə̄gē anī ni tūr̄ ndūn alé.

PĀ GƏ̄ 15:4 Referans Kwoze

NGÉ SARYA 11:35

Dan ń Jepte a̰a̰n anī əhɔ kūbə̄ kə́ rɔ̄n nəkɔ́ tə́ rə̄yā̰ ba əda na: Aa, ngōnə̄ḿ. ī-rāām̄ ādə̄ rɔ̄ḿ óý yélélé kɔ̄ɔ́. Ḭ̄ i dan ngé reē kə yá̰á̰ kə́ to kum kaȳ aĺ dɔḿ tə́ gə̄. M-ə̄nā ndūḿ m-ādə̄ Kɔ́ɔ̄ɓē kɔ̄ɔ́ ɓá, adə̄ m-ā m̄-tūr̄ to̰ alé.

MATIYE 5:33

Ōōī kadə̄ ədan̄ kaasí gə̄ na: Ī-lōō túy kubə, ba ī-rāā yá̰á̰ ń ī-túbə ə̄niń ndūí ta kum Kɔ́ɔ̄ɓē tə́ yā rāā ní.

PĀ GƏ̄ 101:6

M-ā m-á̰á̰ ngé ra dɔ ndūdə́ tə́ gə̄ kə́ kem ɓēé yā ger̄də́, yā kadə̄ nin̄ ndin̄ kadəḿ tə́. De kə́ nge rāā yá̰á̰ kə́ gōtə́ a rāā kəla yāḿ.

1 JA̰A̰ 3:14

Jə-gerī kadə̄ jə-teēī kɔ̄ɔ́ jī yo tə́ ba j-udiī tū ndi kə kumuú tə́, i tɔdɔ̄ jə-táriī ngákó̰ó̰jí gə̄. Deē ń tár gətóo kemən tə́ ní, ndi i jī yo tə́ ɓáý.

PĀ GƏ̄ 101:4

Kem kə́ súmūú aĺ ndetə kadəḿ ngɔr alé, Yá̰á̰ ń i yá̰á̰ kə́ majaĺ ní, m̄-gḛy gerə̄n alé.

PĀ GƏ̄ 119:63

Mā i madə̄ de gə̄ malang ń a ɓōlə́n̄ ndílí ō, a rāān̄ yá̰a̰ gə̄ ń ī-ra kə de gēé ta rāā ní ō.

PĀ GƏ̄ 16:3

Ɓesə̄ gə̄ kə́ dɔ nang tə́ laā, adə̄ i tɔ́gə gə̄ ń nelə̄m̄ sedə́ kété ngá̰ý ní,

KƏLA RĀĀ 28:10

Nin̄-rɔ̄ȳn̄jí ngá̰ý ō, ta kaw̄jí anī adə̄n̄jí sádə̄ gə̄ ngá̰ý ō.

ESTER 3:2

Ngé kəla gə̄ malang yā mban̄g ń ndin̄ ta róbə yā mban̄g tə́ ní ɔsən̄ kejədə́ nang tə́ no Haman tə́ ō, ɔsən̄ nodə́ nang tə́ non tə́ ō, tītə̄ ń mban̄g ədań ní. Banī Mardose ɔsə kejən nang tə́ non tə́ aĺ ō, ɔsə non nang tə́ non tə́ aĺ ō.

KƏLA RĀĀ 24:25

Ba dan ń Pol a ɔr̄ najə̄ kə́ dɔ háĺ kə́ gōtə́ tə́ ō, dɔ kəhɔ rɔ̄ dɔ yá̰á̰ tə́ ō, dɔ sarya kə́ a reē ɓáý tə́ ō anī, ɓōĺ rāā Peliksə adə̄ əda na: Kə́ ngɔr ń toō tə́ ɓáa ī-tél āw̄ kə̄ naā tə́. Ré m-ə́nge kum mbang anī m-ā m̄-ɓāríī ɓáý.

2 YÁ̰A̰ GƏ̄ 36:13

Mban̄g Nabukodonosor ń ni ənī míndən adə̄n kə rī Nə́ɓāá ní ni mbātə́ kadə̄ ndi dɔn tə́ ō. Ni rāā dɔ ngan̄g, mbātə́ tél kə̄ rɔ̄ Kɔ́ɔ̄ɓē Nə́ɓā yā Israel tə́.