PĀ GƏ̄ 15:3 - Bibəl ta Sar̄

³ Ni tə́da najə̄ kə́ majaĺ gə̄ dɔ madə̄n gə̄ tə́ aĺ ō, rāā madə̄n yá̰á̰ kə́ majaĺ aĺ ō, tájə̄ deē aĺ ō.

Bible sar

³ Ni tə́da najə̄ kə́ majaĺ gə̄ dɔ madə̄n gə̄ tə́ aĺ ō, rāā madə̄n yá̰á̰ kə́ majaĺ aĺ ō, tájə̄ deē aĺ ō.

PĀ GƏ̄ 15:3 Referans Kwoze

Makətūbə̄ ń Pol ndang adə̄ Rom gə̄ ní 13:10

De kə́ tár madə̄n a rāā yá̰á̰ kə́ majaĺ seneé alé. Adə̄ deē ń tár madə̄n ní, rāā i yá̰a̰ ń ndū najə̄ ɔjə ní kə taá malang.

JAKƏ 4:11

Ngákó̰ó̰ḿ gə̄, ī-lōōī kəda najə̄ kə́ majaĺ dɔ naā tə́. Nge ń əda najə̄ kə́ majaĺ dɔ ngōkó̰o̰n tə́ anī, əda najə̄ kə́ majaĺ i dɔ ndū najə̄ tə́ ō, gān̄g i sarya dɔ tə́ ō. Ba ré ī-gān̄g sarya dɔ ndū najə̄ tə́ anī, ḭ̄ i nge ngɔ̄m̄ ndū najə̄ to̰ alé, banī ḭ̄ i nge gān̄g sarya.

MATIYE 7:12

Yá̰a̰ malang ń ī-gḛyiī kadə̄ de gə̄ rāān̄ sesí ní, ī-rāāī tītə̄ ń noō sedə́ ō. I yá̰á̰ ń toō bang n ndū najə̄ yā Moijə ō, ngé koō ta gə̄ ō, ɔjən̄sí kadə̄ ī-rāāī ní.

LEBI GƏ̄ 19:16

Ī-tétə̄ najə̄ dɔ ngééí gə̄ tə́ alé. Ə̄ndā najə̄ kə́ asə yo deē dɔ madí tə́ alé. Mā i Kɔ́ɔ̄ɓē.

3 JA̰A̰ 1:11

Kó tár yāḿ, ī-lōō ndájə̄ yá̰á̰ kə́ majaĺ, ba ī-ndájə̄ yá̰á̰ kə́ majə. Deē ń rāā yá̰á̰ kə́ majə ní, ni i deē yā Nə́ɓā. Banī deē ń rāā yá̰á̰ kə́ majaĺ ní, a̰a̰ Nə́ɓā alé.

Makətūbə̄ ń Pol ndang adə̄ Rom gə̄ ní 1:30

ngé rāā mə́naā gə̄ ō, madə̄ kɔ̄l̄ Nə́ɓā gə̄ ō. Nin̄ i ngé sāā najə̄ gə̄ ō, ngé kɔjə rɔ̄də́ gə̄ ō, ngé kɔr ta rɔ̄də́ gə̄ ō. Nin̄ i ngé sāā kum kedə̄ kə́ rang gə̄ yā rāāń yá̰á̰ kə́ majaĺ gə̄ ō, ngé mbātə́ najə̄ ta bɔbə̄də́ kə kó̰ó̰də́ gə̄ tə́ ō.

IJAI 56:2

Rɔ̄nel̄ i kə deē ń rāā yá̰á̰ m-ə́dá ní, i kə deē ń ra dɔ tə́ ngan̄g ní. Rɔ̄nel̄ i kə deē ń ɓōĺ gidə ndɔ̄ sabat ō, rā dɔ ndūn tə́ loon tə́ ō ní, deē ń gōn̄g yá̰a̰ rāā kə́ majaĺ ní.

Gōsə̄ najə̄ gə̄ 25:3

Loo ń dɔ rā̰ ḭḭ kum kə̄ dɔɔ́ bátə́ ugə̄ tū tə́ ō, dɔ nang lú bátə́ ugə̄ tū tə́ ō ní, jə-gerī alé. Jə-gerī gír̄ kə́ kem mban̄g gə̄ tə́ aĺ ō.

Gōsə̄ najə̄ gə̄ 22:10

Ī-tə̄ɓā nge ndájə̄ najə̄ kɔ̄ɔ́ anī gír kɔ̄l̄ a gān̄g ō, gíŕ tṵ́ṵ̄ naā a gān̄g ō, gíŕ tájə̄ ndū a gān̄g ō!

TITƏ 3:2

tájə̄nəń deē aĺ ō, rɔ̄ɔ̄nəń deē aĺ ō, kadə̄ nin̄ i ngé mā̰ȳ rɔ̄də́ láẃ ngá̰ý dɔ yá̰a̰ rāā kə́ gō tə́ aĺ yā deē tə́ ō, kadə̄ ɔjənə̄ń háĺ kə́ sɔl̄ lɔ́ḿ lɔ́ḿ yādə́ kə̄ no de gə̄ malang tə́ ō.

Makətūbə̄ ń Pol ndang adə̄ Rom gə̄ ní 12:17

Ī-téliī kə majaĺ kum gotə majaĺ alé. Ādī o̰o̰sí ta rāā yá̰á̰ kə́ majə ta kum de gə̄ tə́ malang.

1 SAMUEL 24:11

Ḭ̄kɔ́ á̰a̰ā̰ kə kumií ɓōólaā kadə̄ Kɔ́ɔ̄ɓē əlaī jīḿ tə́ kem bəlo mbal̄ ń toō tə́. Deē yāḿ gə̄ mēr̄mə̄n̄ tɔ̄lī, banī kumḿ o̰o̰m̄ tām̄ yāí tə́ adə̄ m-ə́da na: M-ā m-ə́la jīḿ yā kɔdəń rɔ̄ kɔ́ɔ̄ḿ alé, tɔdɔ̄ ni i deē ń Kɔ́ɔ̄ɓē ur yibə̄ ngār dɔn tə́ ní.