PĀ GƏ̄ 15:1 - Bibəl ta Sar̄

¹ I pā yā Dabid. Kɔ́ɔ̄ɓē, i náā n a asə kadə̄ ə́hɔn kə̄ rɔ̄í tə́ kem kújə yāí tə́ ní? I náā ń a ndi dɔ mbal̄ kə́ táĺ yāí tə́ ní?

Bible sar

¹ I pā yā Dabid. Kɔ́ɔ̄ɓē, i náā n a asə kadə̄ ə́hɔn kə̄ rɔ̄í tə́ kem kújə yāí tə́ ní? I náā ń a ndi dɔ mbal̄ kə́ *táĺ yāí tə́ ní?

PĀ GƏ̄ 15:1 Referans Kwoze

PĀ GƏ̄ 84:4

Kɔ́ɔ̄ɓē kə́ ɓoo kə́ tɔ́gən i ngá̰ý, Nə́ɓā yāḿ ō, mban̄g yāḿ ō, i kə́lē a ənge ɓē ton ō, i yel̄ gabə kɔsə a a ənge loo kə́ yā ɓōkə́nń ngánən gə̄ ō, kadə loo tun̄ yá̰a̰ yāí gə̄ tə́.

PĀ GƏ̄ 61:4

Tɔdɔ̄ ḭ̄ i loo ɓɔ̄ɔ̄ rɔ̄ yāḿ, kújə yāḿ kə́ ngan̄g ta kum madə̄ ba̰ā̰ḿ tə́.

PĀ GƏ̄ 92:13

Banī de kə́ súmūú tɔgə tītə̄ kāgə̄ túmbur beé. Ta jīn tɔ̄ɔ̄ tītə̄ kāgə̄ sédər kə́ Liban beé.

PĀ GƏ̄ 23:6

A̰á̰ā̰ ndi majə ō, kem majə ō, a unən̄ gōḿ kə dɔ ndɔ̄ gə̄ malang ń m-ā m̄-ndiń kə kumḿ ní. Kɔ́ɔ̄ɓē, m-ā m̄-tél yā rāā ɓē kem kújə yāí tə́ kə́ njɔ́ḿ gə̄ tə́.

HEBƏRO 12:22

Banī sḭḭ̄ ī-ndɔ́tī i kə̄ kadə mbal̄ kə́ Siyo̰ tə́ ō, i kə̄ kadə̄ ɓē yā Nə́ɓā kə́ ndi kə kumneé tə́ ō. Adə̄ i kə̄ kadə Jerusalem kə́ dɔ rā̰ tə́ ń de kə́ dɔ rā̰ tə́ gə̄ kə́ dūbú ngá̰ý i kemeé ní tə́.

JA̰A̰ 17:24

Bɔbə́ḿ, m̄-gḛy kadə̄ loo ń mā i tū tə́ ní, ngé gə̄ ń ḭ̄ ādə̄m̄ sedə́ ní nin̄ i tū tə́ seḿ ō, yā kadə̄ a̰ā̰n̄ kɔsə gɔn yāḿ ń ādə̄m̄ ní. Tɔdɔ̄ ḭ̄ ī-tárəm̄ kété pá tá kadə̄ ī-rāā dɔ rā̰ ō dɔ nang ō ɓáý.

PĀ GƏ̄ 3:4

Banī Kɔ́ɔ̄ɓē, ḭ̄ i der yāḿ. Ḭ̄ i kɔsə gɔn yāḿ, nge kun dɔḿ dɔɔ́.

PĀ GƏ̄ 2:6

Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

JEJU TEĒ KUM JA̰A̰ 14:1

Anī m-á̰a̰ Ngōn̄ batə̄ ra dɔ mbal̄ Siyo̰ tə́, ba de gə̄ 144 000 kə́ ndangən̄ rīn ō, rī Bɔbə̄n ō, nodə́ tə́ i seneé.

JA̰A̰ 14:3

Loo ń ré m-āw̄ m̄-rāā loo tām̄ yāsí tə́ oy anī, m-ā m̄-tél yā kɔysí kə̄ rɔ̄ḿ tə́, yā kadə̄ loo ń mā i tū tə́ ní, sḭḭ̄ i tū tə́ ō.