PĀ GƏ̄ 149:4 - Bibəl ta Sar̄

⁴ Tɔdɔ̄ Kɔ́ɔ̄ɓē rāā majə kə gír deē yān gēé, ni ajə ngé gə̄ ń télən̄ kə rɔ̄də́ kə̄ nang tə́ ní ɔsəń gɔndə́.

Bible sar

⁴ Tɔdɔ̄ Kɔ́ɔ̄ɓē rāā majə kə gír deē yān gēé, ni ajə ngé gə̄ ń télən̄ kə rɔ̄də́ kə̄ nang tə́ ní ɔsəń gɔndə́.

PĀ GƏ̄ 149:4 Referans Kwoze

PĀ GƏ̄ 147:11

Ba o̰o̰n tɔdɔ̄ ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

1 PIYER 3:4

Ba ādī majə yāsí i majə kə́ ngarān̄g kemsí tə́. Ādī i majə kə́ a nujə aĺ bátə́ ń i majə yā háĺ kə́ sɔl̄ lɔ́ḿ lɔ́ḿ ō, yā ndíl de kə́ ndi jəke ō ní tá. I majə ń noō n i majə kə́ gātə̄n i ngá̰ý ta kum Nə́ɓā tə́ ní.

PĀ GƏ̄ 35:27

Ngé gə̄ ń ndigən̄ kadə̄ gāngə̄n̄ sarya yāḿ kə gōó ní, a əgan̄ kɔr̄ rɔ̄nel̄. Nin̄ a ədan̄, ba tél a ədan̄ ɓáý to̰ na: Kɔ́ɔ̄ɓē tetə rɔ̄ɔ̄, ni ndigə kadə̄ nge kəla yān ndi majə.

PĀ GƏ̄ 132:16

M-ā m-ə́la kajə rɔ̄ ngé tun̄ yá̰a̰ yān gə̄ tə́ tītə̄ kūbə̄ beé ō, deē yān gə̄ a túrə̄n̄ kɔĺ rɔ̄nel̄ ō.

PĀ GƏ̄ 22:8

De gə̄ malang ń a̰a̰mə̄n̄ ní mbóon̄ seḿ. Əgōmə̄n̄ ō tə́gān̄ dɔdə́ nek nek ō.

SOPONI 3:17

Kɔ́ɔ̄ɓē Nə́ɓā yāí i kemií tə́ danaá bang. I ni n i go̰ rɔ̄ɔ̄ kə́ nge tetə rɔ̄ɔ̄ ní. Rɔ̄n nelə̄n ngá̰ý najə̄ yāí tə́. Tár yān adī ndi kə kumuú kə́ kijə. Ni ndām̄ tām̄ yāí tə́ kə kɔŕ rɔ̄nelēé

JEREMI 32:41

Rɔ̄ḿ a nelə̄m̄ tām̄ majə kə́ m̄-rāā sedə́ tə́. Rɔ̄kum, m-ā m-ə̄ndādə́ kə́ rɔ̄ rɔ́ gə̄ tə́ kem ɓē ń toō tə́ kadə̄ tə́lan̄ ngəradə́ ngan̄g. M-a m̄-rāā yá̰á̰ ń noō i kə ngarā̰ kemḿ malang ō, i kə rɔ̄ḿ kə taá ō.

PĀ GƏ̄ 117:2

Tɔdɔ̄ ni-rāā kem majə sejí ngá̰ý ō, Kɔ́ɔ̄ɓē ra dɔ ndūn tə́ ngándáńg ō. Aleluya!

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

Gōsə̄ najə̄ gə̄ 11:20

De gə̄ ń gól̄ loo rosə kemdə́ ní nin̄ i de kə́ yḛr gə̄ ta kum Kɔ́ɔ̄ɓē tə́, banī Kɔ́ɔ̄ɓē ndigə najə̄ yā de kə́ sew gə̄.

PĀ GƏ̄ 90:17

Ādə̄ háĺ kə́ sɔl̄ lɔm yā Kɔ́ɔ̄ɓē Nə́ɓā yājí i sejí! Ī-rāā ādə̄ kəla ń jə-rāā kə jījí ní əla ngəran ngan̄g, a̰á̰ā̰, kəla ń toō ń jə-rāā kə jījí ní, ī-rāā ādə̄ ra ngan̄g.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

HEBƏRO 12:10

Bɔbə̄jí kə́ dɔ nang tə́ laā gə̄ əndan̄jí i tām̄ yā kum mbang kə́ ngá̰ý aĺ tə́ kə gō gír̄ ń nin̄-gírə̄n̄ ní. Banī Nə́ɓā əndají i yā kadə̄ rāā majə sejí. Ni gḛy rāājí kadə̄ jə-téliī de kə́ táĺ gə̄, tītə̄ ń ni i de kə́ táĺ ní.

JEJU TEĒ KUM JA̰A̰ 7:14

Anī m̄-téĺ m-ə́dan na: Kɔ́ɔ̄ḿ, īkɔ́ ī-ger̄ mbak aĺ a. Loo ń noō tə́ ni ədam̄ na: I de gə̄ ń teēn̄ kum yá̰a̰ nāā kə́ bo ngá̰ý tə́ ní. Nin̄-tə́gon̄ kūbə̄ ngāl̄ yādə́ gə̄ adə̄ unjə̄ i kum mósə Ngōn̄ batə̄ tə́.

PĀ KƏ́ MAJƏ 1:11

J-a jə-rāā yá̰a̰ ta mbī gə̄ kə lɔ́ŕ kə́ tə́la gində̄ arjā̰a̰ danaá yā kadī.