PĀ GƏ̄ 149:3 - Bibəl ta Sar̄

³ Ādə̄ ɔsən̄ gɔnən kə ndāmāá ō, əndan̄ kɔdə ō, ugən̄ kənde ō, tām̄ yān tə́.

Bible sar

³ Ādə̄ ɔsən̄ gɔnən kə ndāmāá ō, əndan̄ kɔdə ō, ugən̄ kənde ō, tām̄ yān tə́.

PĀ GƏ̄ 149:3 Referans Kwoze

JEREMI 31:13

Dan ń noō tə́ ní, ngáń kə́ mandə gə̄ a tḭ̄ḭ̄n̄ rɔ̄də́ yā ndāməń. Balsáa gə̄ ō, ɓə́ga gə̄ ō, a rāān̄ rɔ̄nel̄. M-ā m̄-mbél gír kəhɔ ndoō yādə́ kə rāā rɔ̄nelēé ō, m-ā m-ādə̄də́ tɔ́gə ō. M-ā m̄-rāā kadə̄ ngé gə̄ ń wurdə́ ɔldə́ ní tḭḭ̄n̄ rɔ̄də́.

PĀ GƏ̄ 81:2

Úriī kɔĺ rɔ̄nel̄ kə̄ dɔ Nə́ɓā tə́, ni ń i tɔ́gə́jí ní. Ə́laī ndīĺ dɔ Nə́ɓā yā Jakob tə́.

Teē Ngán Israel gə̄ 15:20

Tā anī Miriam kə́ nge koō ta yā Nə́ɓā ń i ngōkó̰o̰ Aaro̰ kə́ dəyá̰ ní, un kɔdə kə̄ jīn tə́. Dəyá̰ gə̄ teēn̄ gōn tə́ malang kə ndāmāá kə gō ndū kɔdɔɔ́.

PĀ GƏ̄ 30:11

Kɔ́ɔ̄ɓē, ōō ndūḿ, á̰a̰ kum tō ndoō yāḿ! Kɔ́ɔ̄ɓē, ī-rāā seḿ!

2 SAMUEL 6:16

Dan ń sandúkə yā Kɔ́ɔ̄ɓē udə kem ɓē yā Dabid tə́ ní a, Mikal kə́ ngōn̄ Saul a̰a̰ loo ko̰rō̰ kújə tə́. Ni-a̰a̰ mban̄g Dabid loo ndām̄ tə́ ō, loo kənī gir̄ gində̄ tə́ no sandúkə tə́ ō anī ni idə tan gírən tə́.

2 SAMUEL 6:14

Gō tə́ anī ni ndām̄ kə tɔ́gən gēé malang ta kum Kɔ́ɔ̄ɓē tə́ ɔsəń gɔn Kɔ́ɔ̄ɓē. Kūbə̄ ń do̰ō̰ gírən tə́ ní i ta kūbə̄ lḛ́ḛ.

NGÉ SARYA 11:34

Dan ń Jepte a tél a aw̄ kə̄ gogə́ ɓēé Misəpa anī, ngōnən kə́ dəyá̰ teē a tə́nī tan kə kɔdɔɔ́ ō, kə ndāmāá ō. I ngōnən kə́ kal kógə̄ḿ beē, ngōnən kə́ rang kə́ dəyá̰ aláa kə́ dəngam gətóo.

PĀ GƏ̄ 33:2

Úgiī kənde ī-ɓōkíīneé Kɔ́ɔ̄ɓē tɔ̄ȳ. Úgiī kənde kə́ kəlān i kutə ādə̄niī!

ESDRAS 3:10

Dan ń ngé kəndā kújə gə̄ ra a əndān̄ ngəra kújə yā Kɔ́ɔ̄ɓē anī, adə̄n̄ ngé tun̄ yá̰a̰ gə̄ ndɔ́tə̄n̄ kə̄ kété kə kūbə̄ gēé rɔ̄də́ tə́ ō, kə bərúnjə yādə́ gēé ō, adə̄n̄ ngán Lebi gə̄ kə́ ngán kaa Asap gə̄ ndɔ́tə̄n̄ kə̄ kété kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, yā ɓōkə́nń Kɔ́ɔ̄ɓē tɔ̄ȳ kə gō ń Dabid mban̄g kə́ Israel tə́ ɔjəń ní.

1 YÁ̰A̰ GƏ̄ 16:42

Kəla rā Heman nin̄ kə Yedutun i ka̰a̰ gō bərúnjə gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, yá̰á̰ kə́ rang kə́ ɓār̄ gōsə̄ gə̄ ń a dānə̄nəń gō pā gə̄ yā Nə́ɓā ní ō. Ngán Yedutun gə̄ i ngé ngɔ̄m̄ ta róbə gə̄.

2 YÁ̰A̰ GƏ̄ 29:25

Gō tə́ anī mban̄g tə́nī ngán Lebi gə̄ kem kújə yā Kɔ́ɔ̄ɓē tə́ kə gində̄ kə́ laa gə̄ kə́ yā kənda naā tə́ kadə̄ ɓār̄ gēé ō, kə kənde gə̄ kə́ kəlādə́ i ngá̰ý gēé ō, kə ngé kə́ kəlādə́ i ngá̰ý aĺ gēé ō, jīdə́ tə́, kə gō ń Dabid ō, Gad nge ka̰a̰ yá̰a̰ yā mban̄g ō, Natan nge koō ta ō, ədan̄neé kadə̄ rāān̄ ní. Tɔdɔ̄ i Kɔ́ɔ̄ɓē n əda kadə̄ yā rāā ní. Ni-əndā najə̄ ní i ta ngé koō ta yān gə̄ tə́ kadə̄ ədan̄.

1 YÁ̰A̰ GƏ̄ 25:6

De gə̄ malang ń noó i bɔbə̄də́ n i nge kɔr̄də́ ta róbə́ á a ənīn̄neé pā kem kújə yā Kɔ́ɔ̄ɓē tə́ ní. A dānə̄n̄ gō pā yādə́ i kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, i kə kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō. I mban̄g ō, Asap ō, Yedutun ō, Heman ō n i ngé kɔr nodə́ loo rāā kəla yādə́ tə́ tām̄ yā kújə yā Nə́ɓā tə́ ní.

2 YÁ̰A̰ GƏ̄ 20:28

Nin̄ ugən̄ i kənde gə̄ kə́ kəlādə́ i ngá̰ý aĺ gə̄ ō, kə́ kəlādə́ i ngá̰ý gə̄ ō, kɔ̄rə́n̄ bərúnjə gə̄ ō n udən̄neé kem ɓē kə́ Jerusalem tə́ ō, aw̄n̄neé bátə́ ugə̄n̄ ta kújə yā Kɔ́ɔ̄ɓē tə́ ō ní.

PĀ GƏ̄ 81:3

Əndaī yá̰a̰ gō pā tə́, ə́ndaī kɔdə ādī ɓār̄, úgiī kənde kə́ kəlān i ngá̰ý kə́ ɓār̄ majə ō, úgiī kənde kə́ kəlān i ngá̰ý aĺ ō.

PĀ GƏ̄ 87:7

banī nin̄ ndāmə̄n̄ ō, ənīn̄ pā ō ədan̄ na: Siyo̰, jḭḭ malang ní gír ngərají i looí.

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.