PĀ GƏ̄ 149:2 - Bibəl ta Sar̄

² Ādə̄ Israel rāā rɔ̄nel̄ nge kəndān. Ādə̄ ngáń kə́ Siyo̰ tə́ gə̄ rāān̄ rɔ̄nel̄ ngá̰ý tām̄ yā mban̄g yādə́ tə́.

Bible sar

² Ādə̄ *Israel rāā rɔ̄nel̄ nge kəndān. Ādə̄ ngáń kə́ *Siyo̰ tə́ gə̄ rāān̄ rɔ̄nel̄ ngá̰ý tām̄ yā mban̄g yādə́ tə́.

PĀ GƏ̄ 149:2 Referans Kwoze

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

IJAI 52:7

Ka̰a̰ nge kəla kə́ nge reē kə najə̄ kə́ majaá loo reē tə́ dɔ mbal̄ gə̄ tə́ i yá̰á̰ kə́ to rɔ̄nel̄ ngá̰ý! Ni-əda najə̄ yā lɔm ō, kem majə ō, kajə ō. Ni ədaī ḭ̄ Jerusalem na: Nə́ɓā yāí i mban̄g.

PĀ GƏ̄ 95:6

Údiī! J-aw̄ j-əlaī dɔjí nang tə́ no Kɔ́ɔ̄ɓē tə́. J-aw̄ j-ɔsiī nojí nang tə́ non tə́. Jə-tétī kejəjí nang tə́ no nge kəndājí tə́.

Najə̄ kə́ Majə yā Jeju ń Luk ndang ní 19:38

ba ədan̄ na: Tɔ́r̄ ta i dɔ nge ń reē tə́ ní, dɔ mban̄g ń reē kə rī Kɔ́ɔ̄ɓēé tə́ ní. Kem sɔl̄ lɔm i dɔ rā̰ tə́ ō, kɔsə gɔn i yā Nə́ɓā dɔɔ́ nú ō.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

JOEL 2:23

Sḭḭ̄, de kə́ Siyo̰ tə́ gə̄, adə̄ rɔ̄sí nel̄sí ngá̰ý ō, ī-rāāī walya ō, najə̄ yā Kɔ́ɔ̄ɓē Nə́ɓā yāsí tə́. Tɔdɔ̄ ni-adə̄sí man̄ ta ɓar yā kajəńsí, ni-rāā adə̄ man̄ edə ngá̰ý dɔsí tə́, adə̄ man̄ ta ɓar ō, man̄ ta ɓāl̄ ō, edə dɔsí tə́ tītə̄ kə́ kété jóo.

Makətūbə̄ yā Job 35:10

Ba de kə́ yā kəda na Nə́ɓā ń rāām̄ ní, ni i rá wa ní gətóo. Ni ń i nge kəndā pā ta deē tə́ kadə̄ ənī dan ndɔ̄ɔ́ ō,

PĀ GƏ̄ 47:6

Dan ń Nə́ɓā a aw̄ kə̄ Siyo̰ ní əgan̄ kɔŕ rɔ̄nel̄ dɔn tə́. Kɔ̄rə́n̄ tōw̄ gō Kɔ́ɔ̄ɓē tə́.

1 SAMUEL 12:22

Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

NDŪ NAJƏ̄ 12:7

Ā ə́saī i loo ń noō tə́ ta kum Kɔ́ɔ̄ɓē Nə́ɓā yāsí tə́ kə gír kojə yāsí gēé. Ā ī-rāāī rɔ̄nel̄ dɔ kəla malang ń ī-rāāī á Kɔ́ɔ̄ɓē Nə́ɓā yāsí rāā adə̄ teē yá̰á̰ tə́ ní.

JEJU TEĒ KUM JA̰A̰ 19:6

Gō tə́ anī, m-ōō kōō yá̰á̰ kə́ ɓār̄ tītə̄ kōō kósə de kə́ ngá̰ý gə̄ beé ō, tītə̄ man̄ bā kə́ ngá̰ý ō, tītə̄ kōō man̄ kə́ ndang ngá̰ý ō. Kósə de gə̄ ní ədan̄ na: Aleluya! Tɔdɔ̄ Kɔ́ɔ̄ɓē Nə́ɓā yājí kə́ bo kə́ tɔ́gən i ngá̰ý o̰o̰ ɓē.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

JA̰A̰ 19:15

Banī nin̄-unən̄ ndūdə́ kə̄ dɔɔ́ ngá̰ý ədanə̄ń na: Ādə̄ oy! Ādə̄ oy! Əndan kə máyá̰ tū kāgə̄ kə́ dēsə́ tə́! Pilatə tél ədadə́ na: Kə m-ə́nda mban̄g yāsí kə máyá̰ tū kāgə̄ kə́ dēsə́ tə́ a? Anī Ngol gə̄ kə́ dɔ ngé tun̄ yá̰a̰ gə̄ tə́ tél ədan̄ na: Jḭḭ j-aw̄ kə mban̄g kə́ rang alé, i Sejar ngóy!

Najə̄ kə́ Majə yā Jeju ń Luk ndang ní 19:27

Ba madə̄ ba̰ā̰ḿ gə̄ ń gḛyn̄ kadə̄ m-ó̰o̰ ɓē dɔdə́ tə́ aĺ ní, ī-reēī sedə́ laā, ba ə́jaī míndə́də́ ta kumḿ tə́.

MATIYE 25:34

Anī mban̄g a əda ngé gə̄ ń dɔ jī ko̰n tə́ ní na: Sḭḭ̄ ń Bɔbə́ḿ tɔ́r̄ tan dɔsí tə́ ní, ī-reēī, ī-taāī Ɓē ko̰o̰ ń rāān̄ tām̄ yāsí tə́ ta kəla gír kəndā dɔ rā̰ ō dɔ nang ō tə́ ní.

MATIYE 21:5

Ədaī ngōmandə kə́ Siyo̰ na: Á̰a̰ mban̄g yāí a reē kə̄ rɔ̄í tə́. Ni i de kə́ najə̄n gətóo. Ndi i gidə kərō kə́ dəyá̰ tə́, gidə ngōn̄ kərō tə́.

IJAI 43:15

Mā i Kɔ́ɔ̄ɓē ō, Nə́ɓā yāsí kə́ táĺ nge kəndā Israel, mban̄g yāsí.

HABAKUK 1:12

Nəkɔ́ ń jóo toó ní, i ḭ̄ n i Kɔ́ɔ̄ɓē ní. Ḭ̄ i Nə́ɓā yāḿ. Ḭ̄ i de kə́ Táĺ ō, ḭ̄ óy aĺ ō. Kɔ́ɔ̄ɓē, ḭ̄ ī-gə̄rā Babilon gə̄ yā rāań sarya sejí. Ḭ̄ i mbal̄ yāḿ kə́ ngan̄g. Ḭ̄ ī-mēr̄də́ kəndají, najə̄ yá̰a̰ rāājí kə́ gōtə́ aĺ tə́.

SOPONI 3:14

Ɓē kə́ Siyo̰, ə̄nī pā ō, ī-ndām̄ ō! Sḭḭ̄ de kə́ Israel gə̄, ə́gaī kɔŕ rɔ̄nel̄! A̰á̰ā̰, ɓē kə́ Jerusalem, ī-rāā rɔ̄nel̄ kə dan wurií gēé malang!

SOPONI 3:15

Najə̄ ń əndān̄ dɔsí tə́ á ɔȳsí ní, Kɔ́ɔ̄ɓē un kɔ̄ɔ́. Ni-rāā adə̄ madə̄ ba̰ā̰sí gə̄ aw̄n̄ kɔ̄ɔ́. Kɔ́ɔ̄ɓē ń i mban̄g kə́ Israel tə́ ní, ni i dansí tə́. Adə̄ majə kadə̄ ī-ɓōlíī yá̰á̰ kə́ to kum kaȳ aĺ to̰ alé.