PĀ GƏ̄ 148:8 - Bibəl ta Sar̄

⁸ hor ō, kɔ̄sə̄ ō, néjə ō, díḿsir ō, nél man̄ kə́ a əla kə tɔ́gɔ́ kə́ a rāā yá̰á̰ ń ni-əda ní ō,

Bible sar

⁸ hor ō, kɔ̄sə̄ ō, néjə ō, díḿsir ō, nél man̄ kə́ a əla kə tɔ́gɔ́ kə́ a rāā yá̰á̰ ń ni-əda ní ō,

PĀ GƏ̄ 148:8 Referans Kwoze

JEJU TEĒ KUM JA̰A̰ 16:21

Kɔ̄sə̄ kə́ kɔȳ ngá̰ý gə̄ ḭḭn̄ dɔ rā̰ tə́ tə́sōn̄ dɔ de gə̄ tə́, adə̄ nin̄-tájə̄n̄ Nə́ɓā najə̄n tə́, tɔdɔ̄ i yá̰á̰ kə́ tōr̄ kə́ to ɓōĺ ngá̰ý.

JONAS 1:4

Banī Kɔ́ɔ̄ɓē rāā adə̄ nél kógə̄ḿ kə́ əla kə ngangá ngá̰ý əsō dɔ bā bo tə́. Nél man̄ ní əla kə tɔ́gɔ́ ngá̰ý kə́ too bo a sāā i tɔ̄ɔ̄.

AMOS 7:4

Yá̰á̰ ń Kɔ́ɔ̄ɓē Nə́ɓā rāā adə̄ m-á̰a̰ā̰ ɓáý to̰ ní n toó: Ni sāā gān̄g sarya kógə̄ḿ kə horoó. Loo təngā rāā adə̄ man̄ kə́ gíŕ nángāá iī kɔ̄ɔ́ ō, loo təngā ní əla hor dɔ ɓē kə́ Israel tə́ ō.

AMOS 4:13

I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.

IJAI 66:16

A̰á̰ā̰, Kɔ́ɔ̄ɓē reē i gān̄g saryaá dɔ deē ndul gə̄ tə́ malang kə horoó ō, kə kaskaraá ō. Yo a to ngá̰ý.

PĀ GƏ̄ 103:20

Sḭḭ̄ de kə́ dɔ rā̰ tə́ gə̄ yā Kɔ́ɔ̄ɓē ń tɔ́gə́sí i ngá̰ý ō, ā ī-rāāī yá̰a̰ gə̄ ń ni ədasí kadə̄ ī-rāāī ní ō, ōōī tan ō ní, ī-ɓōkə́niī tɔ̄ȳ.

PĀ GƏ̄ 18:12

Ni ɓɔ̄ɔ̄ rɔ̄n dan kil̄ man̄ kə́ ndul ndḭ́ ndḭ̄ tə́, utə̄ gidə rɔ̄n kə kil̄ man̄ kə́ risə til ndingií. Kil̄ man̄ gə̄ ní ndulən̄ tītə̄ kum man̄ kə́ rúu ngá̰ý beē.

JOJUE 10:11

Dan ń Amor gə̄ ń a̰ȳn̄ naā no ngán Israel gə̄ tə́ ní, ḭḭn̄ Bet Horon ba a risən̄ kə̄ wól loo tə́ anī, Kɔ́ɔ̄ɓē rāā adə̄ kɔ̄sə̄ kə́ bo tītə̄ kūbə̄rū mbal̄ gə̄ tə́sōn̄ dɔdə́ bátə́ Ajeka. Adə̄ de gə̄ ngá̰ý oyn̄. De gə̄ ń kɔ̄sə̄ tɔ̄ldə́ ní, kutədə́ tɔȳ kutə de gə̄ ń ngán Israel gə̄ tɔ̄lə̄n̄də́ kə kaskaraá ní.

TƏ́DA 16:35

De kə́ ɓú jōó kə kutə mí gə̄ ń ra a ndējə̄n̄ kajaja ní, Kɔ́ɔ̄ɓē adə̄ hor kógə̄ḿ teē róōdə́ malang.

LEBI GƏ̄ 10:2

Ta anī hor teē rɔ̄ Kɔ́ɔ̄ɓē tə́ o̰o̰də́ adə̄ oyn̄ ta kum Kɔ́ɔ̄ɓē tə́.

Teē Ngán Israel gə̄ 14:21

Moijə əla jīn kə̄ dɔ bā bo tə́. Anī Kɔ́ɔ̄ɓē teē dan man̄ kə̄ gogə́ kə néĺ kə́ dūn̄ ɓē tə́ kə́ əla kə ngangá ngá̰ý ndɔ̄ɔ́ bátə́ loo tīī, adə̄ man̄ kēgə̄ naā tə́ jōó, adə̄ loo kə́ danaá tutə.

Teē Ngán Israel gə̄ 10:19

Anī Kɔ́ɔ̄ɓē tūr̄ nél adə̄ ḭḭ no ɓē tə́, əla kum kə̄ dūn̄ ɓē tə́ kə ngangá ngá̰ý, adə̄ ɔy yḭm̄ gə̄ aw̄ ɓōkə́də́ kum bā tə̄ɓā gə̄ tə́ kɔ̄ɔ́. Adə̄ yḭm̄ kógə̄ḿ gə̄gē gətóo dɔ nang kə́ Ejiptə tə́ kə taá malang.

Teē Ngán Israel gə̄ 10:13

Moijə əla kāgə̄ yān kum kə̄ dɔ ɓē kə́ Ejiptə tə́, anī Kɔ́ɔ̄ɓē rāā adə̄ néĺ kə́ dūn̄ ɓē tə́ əla dɔ ɓē kə́ Ejiptə tə́ ndɔ̄ ń noō tə́ kadaá bátə́ loo tíbə ō, ndɔ̄ɔ́ bátə́ loo tīī ō. Dan ń loo tīī anī néĺ ní reē i kə yḭm̄ gēé.

TA KƏLA 19:24

Loo ń noō tə́ Kɔ́ɔ̄ɓē rāā adə̄ hor bursu ḭḭ dɔ rā̰ tə́ edə tītə̄ man̄ dɔ ɓē kə́ Sodom tə́ ō, Gomor tə́ ō.

Makətūbə̄ yā Job 37:12

I ni n i nge rāā kadə̄ nin̄ ənīn̄ gir̄ gində̄ yā rāań yá̰a̰ malang ń ni ədadə́ kadə̄ rāān̄ dɔ rā̰ tə́ ō dɔ nang tə́ ō ní, kə gō ń ni nóməń ní.

JONAS 1:5

Ɓōĺ rāā ngé rāā kəla kem toó gə̄, adə̄ nin̄ kógə̄ḿ kógə̄ḿ ní, náā nəkɔ́ ɓáa a əga i kɔŕ kə̄ dɔ nə́ɓā yān tə́. Nin̄ ɔyn̄ yá̰a̰ malang kə́ kem toó ɓōkə́n̄ kɔ̄ɔ́ kum bā tə́, yā kadə̄ to hɔɔ́lɔń. Dan ngeé ń noō tə́ ní, Jonas risə aw̄ gə́le to bo tə́ aké to a ɓīī kə́ gōn əsō kɔ̄ɔ́.