PĀ GƏ̄ 148:4 - Bibəl ta Sar̄

⁴ Sḭḭ̄ dɔ rā̰ kə́ dɔɔ́ sa̰y gə̄ ō, man̄ gə̄ kə́ dɔɔ́ dɔ dɔ rā̰ tə́ ō ní ī-tɔ̄ȳniī.

Bible sar

⁴ Sḭḭ̄ dɔ rā̰ kə́ dɔɔ́ sa̰y gə̄ ō, man̄ gə̄ kə́ dɔɔ́ dɔ dɔ rā̰ tə́ ō ní ī-tɔ̄ȳniī.

PĀ GƏ̄ 148:4 Referans Kwoze

1 MBAN̄G GƏ̄ 8:27

Ba Nə́ɓā a ndi ɓē dɔ nang tə́ kə de gēé a? De rāā ń laa ngá̰ý ní gə̄gē ba asə ndin aĺ anī kújə́ ń m̄-rāā ní tá a asə i ba̰ý?

TA KƏLA 1:7

anī yá̰á̰ ní reē tītə̄ ń Nə́ɓā ədań ní. Adə̄ Nə́ɓā rāā loo kə́ to tītə̄ gār̄ kújə kēgəń man̄ kə́ nang tə́ kə man̄ kə́ dɔɔ́.

NDŪ NAJƏ̄ 10:14

Rɔ̄kum, dɔ rā̰ ō, loo kə́ kḭḭ dɔ rā̰ tə́ ta kaw̄ kə̄ dɔɔ́ ō, i yā Kɔ́ɔ̄ɓē Nə́ɓā yāsí. Tá dɔ nang kə yá̰a̰ malang kə́ tū tə́ i yān ō.

NEHEMI 9:6

I īkɔ́ ngóy kal kógə̄ḿ beē n i Kɔ́ɔ̄ɓē ní! I ḭ̄ n ī-rāā dɔ rā̰ adə̄ bo ngá̰ý ní ō, i ḭ̄ n ī-rāā tə́yō̰ gə̄ malang kə́ dɔ rā̰ tə́ ō, i ḭ̄ n ī-rāā dɔ nang kə yá̰a̰ malang kə́ tū tə́ ō, bā bo gə̄ kə yá̰a̰ malang kə́ kum tə́ gə̄ ō ní. I ḭ̄ n ī-rāā ādə̄ yá̰a̰ gə̄ ń noō malang ndin̄ kə kumdə́ ní ō, i ḭ̄ n yá̰a̰ malang kə́ dɔ rā̰ tə́ a əsō kə̄ nang tə́ a rɔyī ō ní.

2 KORḚNTƏ 12:2

m̄-ger̄ deē yā Kərist kógə̄ḿ, kə́ un aw̄n̄ seneé dɔ rā̰ kə́ nge ko̰ mətá tə́, asə ɓāl̄ kutə kógə̄ḿ gidə i sɔ́ kə̄ gogə́ nú kɔ̄ɔ́ tā. Ká unən̄ i mbéé kə́ rɔ̄kum tə́ aáā, ni-a̰a̰ i yá̰a̰ aáā, mā m̄-ger̄ alé, i Nə́ɓā tá ger̄.

PĀ GƏ̄ 113:6

Ba əga kumən kə nang tə́, a̰a̰ń dɔ rā̰ ō dɔ nang ō.

PĀ GƏ̄ 104:3

Kɔ́ɔ̄ɓē tə́ndā kújə yān gə̄ dɔ naā tə́ dɔ man̄ kə́ dɔɔ́ gə̄ tə́. Rāā kil̄ man̄ gə̄ i púsə́ sə́nda yān gə̄ tə́. Ndi i dɔ bɔ̄gə̄ néĺ tə́ n a njə̄rań ní.

PĀ GƏ̄ 68:33

Ɓē ko̰o̰ gə̄ kə́ dɔ nang tə́, ə̄nīī pā ādī Nə́ɓā, ɔ́siī gɔn Kɔ́ɔ̄ɓē kə yá̰á̰ kə́ ɓār̄ gōsə̄ gēé.

TA KƏLA 7:11

Kem ɓāl̄ ń ɓāl̄ Noe i ɓú mehḛ́ tə́ ní, kə ndɔ̄ kə́ nge ko̰ kutə gidə i sīrí yā nāā kə́ nge ko̰ jōó anī, ndɔ̄ ń noō tə́ ta kəɓa man̄ kə́ gír nángāá gə̄ malang teēn̄ ō, ta kār̄ man̄ kə́ dɔɔ́ gə̄ malang i kə́ teē ō.

TA KƏLA 1:6

Nə́ɓā əda na kadə̄ kə loo kə́ rāā gār̄ tītə̄ yā gār̄ kújə kə to yā kēgəń man̄ gə̄ naā tə́,

2 YÁ̰A̰ GƏ̄ 2:5

Kə́ rɔ̄kum tə́ tā anī de kə́ asə rāā kújə kadə̄n gətóo, tām̄ dɔ rā̰ ń bo ngá̰ý ní gə̄gē asən alé. Mā kə dɔḿ m-ásə rāā kújə tām̄ yān tə́ alé, banī m-ā m̄-rāā i loo kə́ kadə̄ de gə̄ ran̄ tū tə́ ndējə̄nən̄neé yá̰á̰ kə́ tun̄ gə̄ ngóy.

PĀ GƏ̄ 69:35

Dɔ rā̰ ō dɔ nang ō bā bo gə̄ kə yá̰a̰ malang kə́ kum tə́ gə̄ ō, ī-ɓōkə́nī tɔ̄ȳ!