PĀ GƏ̄ 147:2 - Bibəl ta Sar̄

² Kɔ́ɔ̄ɓē rāā ɓē kə́ Jerusalem gogə́ rang. Israel gə̄ ń ɔrə̄n̄də́ kɔ̄ɔ́ ní, a télən̄ yā kán̄ njadə́.

Bible sar

² Kɔ́ɔ̄ɓē rāā ɓē kə́ Jerusalem gogə́ rang. *Israel gə̄ ń ɔrə̄n̄də́ kɔ̄ɔ́ ní, a télən̄ yā kán̄ njadə́.

PĀ GƏ̄ 147:2 Referans Kwoze

IJAI 56:8

Kɔ́ɔ̄ɓē Nə́ɓā, ni ń ɔsə nja ngán Israel gə̄ kə́ aw̄n̄ sedə́ dɔ ɓē kə́ rang tə́ dɔ gúú tə́ kə̄ naā tə́ ní, əda kə̄ ndágá wáńg na: M-ɔ́sə njadə́ kə̄ naā tə́ kɔ̄ɔ́ ɓá ō, m-ā m-ɔ́sə nja kə́ rang gə̄ kə̄ naā tə́ ɓáý to̰ ō.

PĀ GƏ̄ 51:18

Ī-gḛy i kadə̄ m̄-tun̄ yá̰a̰ m-ādī alé. Yá̰a̰ tun̄ kə́ róō horoó gə̄gē ā ī-ndigə alé.

NDŪ NAJƏ̄ 30:3

Kɔ́ɔ̄ɓē Nə́ɓā yāí a tūr̄ gíŕ yá̰a̰ gə̄ ń a reēn̄ kə̄ dɔí tə́ ní kɔ̄ɔ́. Ni a rāā kem majə seí ō, a ɔysí kɔ̄ɔ́ dan gír de gə̄ malang ń ni tə̄ndā tḭ̄ḭ̄sí kə̄ dandə́ tə́ ní ō, yā reē sesí gogə́ ɓēé.

EJEKIEL 38:8

Ndɔ̄ń tə́, gō ɓāl̄ gə̄ kə́ ngá̰ý tə́ ní, m-ā m-ə́laī kadə̄ āw̄ ī-rɔ̄ɔ̄ ɓē kə́ Israel. Kum mbang ngeé ń noō tə́ ní, de kə́ kemeé gə̄ teēn̄ ta rɔ̄ɔ̄ tə́ i sa sat. Nin̄ teēn̄ kɔ̄ɔ́ kem ɓē gə̄ ń ndin̄ kemeé tə́ ní. A kánə̄n̄də́ dɔ mbal̄ gə̄ kə́ Israel tə́ ń de gə̄ gətóon̄ dɔ tə́ i jóó ngá̰ý ní. Dan ń nin̄ teēn̄ kɔ̄ɔ́ dan gír de kə́ rang gə̄ tə́ oy anī, nin̄ malang a ndin̄ kanjə̄ sōl̄ yá̰á̰ kógə̄ḿ.

JEREMI 32:37

M-ā m-ḭ́ḭ sedə́ kə gō ɓē gə̄ malang ń m̄-tə̄ndā m̄-tḭ̄ḭ̄də́ tū tə́ kə wōngōó ō, wōn̄g kə́ ngá̰ý ō, kə́ al̄ naā ngá̰ý ō ní yā kɔsə dɔdə́ naā tə́. M-ā m̄-tél yā reē sedə́ gogə́ loo ń toō tə́ ō, m-ā m-ə̄ndādə́ kadə̄ ndin̄ laā kanjə̄ kadə̄ yá̰á̰ kógə̄ḿ a̰ȳ ndíĺdə́ ō.

IJAI 62:7

Ī-lōōī kəya̰n kadə̄ taā koō kété kanjə̄ kadə̄ tél rāā ɓē kə́ Jerusalem gogə́ rang, kanjə̄ kadə̄ Jerusalem téĺ yá̰a̰ tɔ̄ȳ kə́ dɔ nang tə́ malang.

IJAI 14:32

De gə̄ ń Pilistin gə̄ əlan̄də́ ní, i yā tūr̄ kədadə́ na i rí? I najə̄ ń toō: I Kɔ́ɔ̄ɓē nəkɔ́ n əndā ɓē kə́ Siyo̰ ní. Yá̰á̰ kógə̄ḿ a ɔdə rɔ̄ ngé ndoō gə̄ kə́ dan gír deē yān gə̄ tə́ alé i loo ń noō tə́.

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

IJAI 27:13

Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ táĺ tə́, kem ɓē kə́ Jerusalem tə́.

NEHEMI 7:4

Ɓē kə́ Jerusalem bo ō, laa dɔ jī jōó ō, banī de kə́ kemeé gə̄ i sḛ́ý beē. Kújə́ kə́ tétə̄ nang tə́ gə̄ ní deē tél rāādə́ gogə́ aĺ ɓáý.

DANIEL 9:25

Yá̰á̰ ń kadə̄ ī-ger̄ ní n toó: Əla gír kum mbang ń ədan̄neé najə̄ tél rāā ɓē kə́ Jerusalem gogə́ rang tə́ bátə́ ugə̄ń dɔ ngār ń urən̄ yibə̄ dɔn tə́ tə́ ní, ɓāl̄ sīrí i nja sīrí. Gō tə́ anī kem ɓāl̄ kə́ sīrí nja kutə mehḛ́ g idə i jōó tə́ ní, a télən̄ yā rāā ɓē gogə́ rang ō, yā kəndā ndogə̄ mbal̄ gidə ɓē tə́ gogə́ rang ō, banī i dan wur kɔl tə́.

MATIYE 16:18

Banī mā m-ə́daī na ḭ̄ i mbal̄ ō, mā m-ā m̄-rāā Egəlijə yāḿ dɔ mbal̄ ń toō tə́ ō. Yo a asə rāā yá̰a̰ seneé alé.

NEHEMI 6:15

Gír kəla kəndā ndogə̄ mbal̄ gān̄g i kem nāā Elul tə́, kə ndɔ̄ nāā kə́ nge ko̰ kutə jōó gidə i mí. Malang ɓáa kəla kəndā ndogə̄ mbal̄ rāā i ndɔ̄ kutə mí gidə i jōó.

NEHEMI 6:16

Dan ń madə̄ ba̰ā̰jí gə̄ malang oōn̄ ní, nápar de gə̄ malang ń ndin̄ gīrə̄n̄ gidəjí ní ɓōlə́n̄ ō, rɔ̄də́ sɔl̄də́ ngá̰ý ō. Nin̄ gerə̄n̄ kadə̄ i Nə́ɓā yājí n rāā kəla ní sejí ní.

JEREMI 31:10

Nápar de gə̄, ōōī najə̄ yā Kɔ́ɔ̄ɓē. Ə̄nīī mbēr̄ yān ādī ngé gə̄ ń ndin̄ loo kə́ sa̰y ngá̰ý tə́ ní oōn̄. Ədaī na: Nge ń tə̄ndā ngán Israel gə̄ tḭ̄ḭ̄də́ naā tə́ ní a ɔsə dɔdə́ naā tə́. Ni ngɔ̄m̄də́ tītə̄ ń nge kul̄ yá̰a̰ ngɔ̄məń yá̰a̰ kul̄ yān gə̄ ní beē.

MISE 4:6

Kɔ́ɔ̄ɓē əda kə̄ ndágá wáńg na: Ndɔ̄ ń noō tə́ ní, ngé gə̄ ń əngen̄ do ní, m-ā m-ɔ́sə dɔdə́ naā tə́ ō, ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní ō, ngé gə̄ ń m̄-rāādə́ yá̰á̰ kə́ ngan̄g ní ō, m-ā m̄-kán̄də́ kə ɓūtə̄də́ gēé.

JAKARI 8:7

A̰á̰ā̰, m-ə́da na m-ā m-ájə́ gír deē yāḿ gə̄, kə ta kūl̄ kɔydə́ kem ɓē gə̄ kə́ dām̄ kə́ gír ɓē tə́ tə́ ō, no ɓē tə́ tə́ ō, yā tél reē sedə́ gogə́.