PĀ GƏ̄ 146:9 - Bibəl ta Sar̄

⁹ Kɔ́ɔ̄ɓē ngɔ̄m̄ ngé nam̄ ɓē gə̄. Ni i nge rāā kə ngōn̄ halaá ō, kə dəyá̰ kə́ ngaa koyoó ō. Banī yá̰á̰ ń ngé kem ndul gə̄ nómə̄n̄ rāā ní, ni nujəń kɔ̄ɔ́.

Bible sar

⁹ Kɔ́ɔ̄ɓē ngɔ̄m̄ ngé nam̄ ɓē gə̄. Ni i nge rāā kə ngōn̄ halaá ō, kə dəyá̰ kə́ ngaa koyoó ō. Banī yá̰á̰ ń ngé kem ndul gə̄ nómə̄n̄ rāā ní, ni nujəń kɔ̄ɔ́.

PĀ GƏ̄ 146:9 Referans Kwoze

PĀ GƏ̄ 68:5

Ə̄nīī pā ɔ́siīneé gɔn Nə́ɓā, ī-tɔ̄yī rīn, ī-tɔ̄yī nge kal̄ kil̄ man̄ gə̄ sə́ndá tə́, rīn na i Kɔ́ɔ̄ɓē, ī-tḭ́ḭ̄ī bal walya ta kumən tə́.

PĀ GƏ̄ 147:6

Kɔ́ɔ̄ɓē rāā kə ngé gə̄ ń télən̄ kə rɔ̄də́ kə̄ nang tə́ ní. Ba tél kə ngé kem ndul gēé kə̄ nang tə́ adə̄ ɔdən̄ nang lá láḿ.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JEREMI 49:11

Ī-sōlī najə̄ ngán hal yāsí gə̄ tə́ alé, na m-ā m-ə̄tōdə́ ō, dəyá̰ kə́ ngaa koy yāsí gə̄ a asən̄ kəndā kemdə́ dɔḿ tə́ ō ní, a gətóo.

Gōsə̄ najə̄ gə̄ 15:25

Kɔ́ɔ̄ɓē tɔ̄ɔ̄ kújə yā ngé kɔjə rɔ̄də́ gə̄, banī ni mbūsə̄ gír kāgə̄ kɔjə dɔ nin̄ loo yā dəyá̰ kə́ ngaa koy adə̄ ngan̄g.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

Gōsə̄ najə̄ gə̄ 4:19

Banī háĺ ngé kem ndul gə̄ to i tītə̄ loo kə́ ndɔ̄ɔ́ kə́ ndul ndḭ́ ndḭ́ beē. Yá̰á̰ kə́ to kum róbó ń a rāā yā kəga njadə́ ní, nin̄ asən̄ ka̰ā̰ alé.

PĀ GƏ̄ 145:20

Kɔ́ɔ̄ɓē i nge ngɔ̄m̄ de gə̄ malang ń a tárnən̄ ní, banī ni i nge tɔ̄l̄ ngé kem ndul gə̄ malang kɔ̄ɔ́.

1 KORḚNTƏ 3:19

Tɔdɔ̄ kum kedə̄ yā de kə́ dɔ nang tə́ laā gə̄ i yá̰á̰ kə́ to mbóo ta kum Nə́ɓā tə́. Tām̄ ndangən̄ kem makətūbə̄ yā Nə́ɓā tə́ na: Nə́ɓā əhɔ ngé kum kedə̄ gə̄ kə ngam yādə́ nin̄ kɔ́ gɔ̄ɔ́.

OJEE 14:3

Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

PĀ GƏ̄ 18:26

Kɔ́ɔ̄ɓē, deē ń ra dɔ ndūn tə́ seí ní ḭ̄ ī-ra dɔ ndūí tə́ kə kɔ́ɔ̄ɔ́ ō, deē ń əndā kumən gíŕ yá̰á̰ tə́ rāā kə gōó ní ḭ̄ ɔ́jə́ kɔ́ɔ̄ kadə̄ ḭ̄ i nge kəndā kumií gíŕ yá̰á̰ tə́ rāā kə gōó ō.

ESTER 9:25

Banī dan ń najə̄ ní ugə̄ rɔ̄ mban̄g tə́ anī ni-əda adə̄ ndangən̄ na yá̰á̰ kə́ majaĺ ń Haman sāā rāā kə Jipə gēé ní a téĺ yā rāān nəkɔ́. I beé n ənīn̄neé kəlā míndə Haman tə́ ō, míndə ngánən gə̄ tə́ ō, ba tṵ́ṵ̄n̄neédə́ dɔɔ́ tū kāgə̄ tɔ̄l̄ deē gə̄ tə́ ní.

ESTER 7:10

Adə̄ ənīn̄ kəlā míndə Haman tə́ ba do̰ō̰nən̄ dɔɔ́ tū kāgə̄ tɔ̄l̄ deē ń ni-rāā tām̄ yā Mardose tə́ ní. Loo ń no ō tə́ wōn̄g yā mban̄g tetə.

ESTER 5:14

Anī nə̄yá̰n Jeres ō, madə̄n gə̄ malang ō, ədanən̄ na: Ādə̄ udən̄ kāgə̄ tɔ̄l̄ de kə́ ngālən kə́ kə̄ dɔɔ́ i métər kutə jōó gidə i mí. Ba bírí dəloí anī ə́da mban̄g ādə̄ ənīn̄ kəlā míndə Mardose tə́ ba do̰ō̰nən̄ ta tə́ dɔɔ́. Gō tə́ anī ā āw̄ kəsa yá̰á̰ kə mbangāá kə rɔ̄nelēé. Haman ndigə yá̰á̰ ń ɔjən̄ ní adə̄ rāān̄ kāgə̄ tɔ̄l̄ deē ní.

2 SAMUEL 17:23

Dan ń Ahitopel a̰a̰ kadə̄ de gə̄ tetən̄ rɔ̄də́ gō kɔjə̄ yān tə́ aĺ anī, əndā síŕdí gidə kərō yān tə́ ba ḭḭ dɔ tə́ aw̄ ɓēé. Ni ɔjə de kə́ ta kújə yān tə́ gə̄ yá̰a̰ gə̄ kə́ kadə̄ rāān̄ rāān̄, ba gō tə́ anī ənī kəlā oy kɔ̄ɔ́. Dubə̄nən̄ i kem bəlo ɓádə́ ń dubə̄n bɔbə̄n tū tə́ kété ní tə́.

2 SAMUEL 15:31

Reē ədan̄ Dabid na Ahitopel i dan ngé koō naā gə̄ tə́, adə̄ ni na i gō Absalom tə́. Anī Dabid əda na: m̄-rāāī ɓɔ́ Kɔ́ɔ̄ɓē, ī-rāā ādə̄ kɔjə̄ yā Ahitopel tél kɔjə̄ kə́ to mbóo ro karī.

NDŪ NAJƏ̄ 16:11

Ā ī-rāā rɔ̄nel̄ ta kum Kɔ́ɔ̄ɓē Nə́ɓā yāí tə́, naā tə́ kə ngōnīí kə́ dəngam ō, kə́ dəyá̰ ō, nge rāā kəla yāí kə́ dəngam ō, kə́ dəyá̰ ō, ngōn̄ Lebi ń ndi kem ɓē yāí tə́ ní ō, tə̄rā kə́ nge nam̄ ō, ngōn̄ hal ō, dəyá̰ kə́ ngaa koy ō ń ndin̄ seí loo ń Kɔ́ɔ̄ɓē Nə́ɓā yāí a gə̄rā tə́ yā kəndā rīn dɔ tə́ ní.

PĀ GƏ̄ 10:14

Tá yá̰á̰ kə́ gōtə́ aĺ ngá̰ý ń ni-rāā kə nge ndoó ō, ka̰a̰ tápə̄ yā nge ndoō ō ní, ḭ̄ á̰a̰ā̰ ō, īkɔ́ ə̄ndā rɔ̄í ta yá̰a̰ gə̄ ń reēn̄ dɔn tə́ ní malang. Nge tɔ́gə gətóo əya̰ rɔ̄n i kem jīí ḭ̄ tə́. Ḭ̄ i nge rāā kə ngōn̄ halaá.