PĀ GƏ̄ 146:8 - Bibəl ta Sar̄

⁸ Kɔ́ɔ̄ɓē teē kum ngé kum tɔ̄ɔ̄ gə̄ ō, Ni-əhɔ ngé gə̄ ń nōrə̄n̄ ní kə̄ dɔɔ́ ō. Kɔ́ɔ̄ɓē tár de kə́ súmūú gə̄ ō.

Bible sar

⁸ Kɔ́ɔ̄ɓē teē kum ngé kum tɔ̄ɔ̄ gə̄ ō, Ni-əhɔ ngé gə̄ ń nōrə̄n̄ ní kə̄ dɔɔ́ ō. Kɔ́ɔ̄ɓē tár de kə́ súmūú gə̄ ō.

PĀ GƏ̄ 146:8 Referans Kwoze

PĀ GƏ̄ 11:7

Tɔdɔ̄ Kɔ́ɔ̄ɓē i de kə́ súmūú, ni gḛy yá̰a̰ malang ń i yá̰á̰ kə́ gōtə́ ní ō, de kə́ súmūú gə̄ a a̰a̰n̄ ta kumən ō.

PĀ GƏ̄ 145:14

Kɔ́ɔ̄ɓē əhɔ ngé gə̄ malang ń a tə́sōn̄ ní kə̄ dɔɔ́. Ni-əhɔ ngé gə̄ malang ń a nōrə̄n̄ ní kə̄ dɔɔ́.

MATIYE 9:30

Anī kumdə́ teē adə̄ a̰a̰n̄ loo. Gō tə́ anī Jeju tāādə́ ɓa ɓang, ədadə́ na: Ōōī majə, ādī deē kógə̄ḿ gə̄gē ger̄ gō alé.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

EPEJƏ 1:18

Ādə̄ ni teē kumsí ādə̄ á̰a̰ī loo kə́ unjə̄ kow yān, yā kadə̄ ī-gerīneé yá̰á̰ ń ni ɓāŕsí kadə̄ ə̄ndāī kemsí dɔ tə́ ní ō, yā kadə̄ ī-gerīneé yá̰a̰ kənge kə́ to kɔsə gɔn yān ō, yá̰a̰ ndəbā ń ni-adə̄ ngé yān gə̄ ní ō,

2 KORḚNTƏ 7:6

Ba Nə́ɓā ń i nge sɔl̄ kem ngé gə̄ ń tɔ́gə́də́ ur̄ wak kɔ̄ɔ́ ní, sɔl̄ kemjí kə ta kūl̄ reē ń Titə reē ugə̄ ní.

JA̰A̰ 16:27

tɔdɔ̄ Bɔbə́ḿ nəkɔ́ táŕsí. Ni táŕsí tɔdɔ̄ sḭḭ̄ ī-tármī ō, ī-taāī kem kadə̄ m-ḭ́ḭ i rɔ̄ Nə́ɓā tə́ n m̄-reē ō ní.

MATIYE 11:5

Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

IJAI 35:5

Loo ń noō tə́ kum məndō gə̄ a a̰a̰ loo unjə̄ wáńg wáńg ō, mbī mbíkī gə̄ a oō loo ō.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

PĀ GƏ̄ 147:6

Kɔ́ɔ̄ɓē rāā kə ngé gə̄ ń télən̄ kə rɔ̄də́ kə̄ nang tə́ ní. Ba tél kə ngé kem ndul gēé kə̄ nang tə́ adə̄ ɔdən̄ nang lá láḿ.

NDŪ NAJƏ̄ 33:3

Kɔ́ɔ̄ɓē táŕ gír ɓē gə̄ yā ngán Israel gə̄. Ni-ngɔ̄m̄ deē yān gə̄ malang kə́ ngé kán̄ naā ta kejən tə́ yā taāń kɔjə̄ yān gə̄.

IJAI 42:18

Sḭḭ̄ ń mbīsí oō loo aĺ ní, ōōī! Sḭḭ̄ ń kumsí a̰a̰ loo aĺ ní, á̰a̰ī loo ō, á̰a̰ī yá̰a̰ ō!