PĀ GƏ̄ 146:7 - Bibəl ta Sar̄

⁷ De gə̄ ń rāān̄də́ yá̰á̰ kə́ tōr̄ ní, ni-gān̄g sarya yādə́ kə gōó. Ni-adə̄ ngé ɓō gə̄ yá̰a̰ kəsa ō, tútə kəlā rɔ̄ dəngáy gə̄ tə́ ō.

Bible sar

⁷ De gə̄ ń rāān̄də́ yá̰á̰ kə́ tōr̄ ní, ni-gān̄g sarya yādə́ kə gōó. Ni-adə̄ ngé ɓō gə̄ yá̰a̰ kəsa ō, tútə kəlā rɔ̄ dəngáy gə̄ tə́ ō.

PĀ GƏ̄ 146:7 Referans Kwoze

PĀ GƏ̄ 103:6

Kɔ́ɔ̄ɓē rāā yá̰á̰ kə́ gōtə́ gə̄. Ni-gān̄g sarya kə gōó tām̄ yā de gə̄ malang ń madə̄də́ gə̄ rāān̄də́ ndoō tə́ ní.

PĀ GƏ̄ 68:6

Háĺ Nə́ɓā kə́ kem kújə́ kə́ táĺ yān tə́ n toó: Ni i bɔbə̄ ngán hal gə̄ ō, nge ka̰a̰ gō ngé ngaa koy gə̄ ō.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

Najə̄ kə́ Majə yā Jeju ń Luk ndang ní 4:18

Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

PĀ GƏ̄ 10:18

yā gāngəń sarya yā ngōn̄ hal ō, yā deē ń rāān̄ kumən ndoō tə́ ní ō, kə gō róbə́ kə́ súmūú. Loo ń noō tə́ de kə́ dɔ nang tə́ kə́ yā rāā madə̄n majaĺ a gətóo.

PĀ GƏ̄ 142:7

Ī-nēl̄ mbīí ōoń nōō yāḿ, tɔdɔ̄ tɔ́gə́ḿ gətóó kə́ al̄ naā! Ī-taām̄ jī ngé rāā kumḿ ndoō tə́ gə̄ tə́ tām̄ tɔ́gə́də́ tɔȳ yāḿ.

KƏLA RĀĀ 16:26

Anī dɔ nang yéȳ ngá̰ý kə̄ ta jī tə́ noō adə̄ ngəra kújə dəngáy ndebə ō, ta róbə́ kújə gə̄ teēn̄ malang kɔ̄ɔ́ ō, súĺ gə̄ kə́ nja dəngáy gə̄ tə́ malang ní tadə́ tútə kɔ̄ɔ́ ō.

KƏLA RĀĀ 5:19

Dan ndɔ̄ɔ́ anī de kə́ dɔ rā̰ tə́ yā Kɔ́ɔ̄ɓē teē ta kújə dəngáy, ni-aw̄ sedə́ ndágá ba ədadə́ na:

Najə̄ kə́ Majə yā Jeju ń Luk ndang ní 9:17

Nin̄ malang əsan̄ yá̰a̰ ní ndānə̄n̄. Tá gotə ń na̰y ní ɔyn̄ rosə dōbə̄ kutə gidə i jōó ɓáý to̰.

Najə̄ kə́ Majə yā Jeju ń Luk ndang ní 1:53

Ngé gə̄ ń ɓō rāādə́ ní, ni-adə̄də́ yá̰a̰ kəsa kə́ majə gə̄ ādə̄ əsa ndānə̄n̄, ba tə̄ɓā ngé kənge yá̰a̰ gə̄ ādə̄ ɔtə aw̄n̄ jīdə́ karī.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JEREMI 31:14

M-ā m̄-rāā kadə̄ ngé tun̄ yá̰a̰ gə̄ əsan̄ dā̰ kə́ yḛmbə gə̄ kadə̄ ndān̄ kemdə́ ō, kadə̄ gír deē yāḿ gə̄ əngen̄ yá̰a̰ yāḿ gə̄ kadə̄ asə jīdə́ ō.

IJAI 9:4

Sākə̄rā nja madə̄ ba̰ā̰ gə̄ malang ń rāā adə̄ dɔ nang ndew ní, kūbə̄ malang mósə́ i tū tə́ ní, hor o̰o̰.

PĀ GƏ̄ 136:25

Ni-adə̄ yá̰a̰ malang kə́ ndi kə kumuú yá̰a̰ kəsa, tɔdɔ̄ kem majə yān to ngándáńg.

PĀ GƏ̄ 72:4

Ngé ndoō gə̄ kə́ dan gír de gə̄ tə́ ní, ādə̄ mban̄g gān̄g sarya yādə́ kə gōó. Ādə̄ ni i nge kajə ngé ndoō gə̄ ō, nge rējə̄ ngé bám̄də́ gə̄ ō!

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.

PĀ GƏ̄ 9:16

Nápar de kə́ rang gə̄ əsōn̄ kem bəlo ń nin̄ kɔ́ gə̄ ndērə̄n̄ tə́ ní, əlan̄ njadə́ kum gūmbə̄ ń nin̄ kɔ́ gə̄ əyān̄ ní tə́.

PĀ GƏ̄ 35:10

Najə̄ ń a ḭḭ ngarā̰ kemḿ tə́ yā teē taḿ tə́ ní n toó: Kɔ́ɔ̄ɓē, de kə́ to tītīí i náā? Ḭ̄ ī-gān̄g dɔ de kə́ tɔ́gən gətóo jī de kə́ ngan̄g tɔȳn tə́, ī-gān̄g dɔ de kə́ əlan̄ rɔ̄sɔl̄ dɔn tə́ ō nge ndoō ō jī nge kəsa tətōdə́ tə́.

PĀ GƏ̄ 68:7

De gə̄ ń ndin̄ kə kéŕdə́ ní, Nə́ɓā adə̄də́ gír kojə ō, ni-gān̄g dɔ de gə̄ ń rɔ̄ gān̄gdə́ ní adə̄ əngen̄ rɔ̄nel̄ ō. Banī ngé mbātə́ najə̄ gə̄ ndin̄ i loo kə́ tutə ká káḿ tə́.