PĀ GƏ̄ 146:6 - Bibəl ta Sar̄

⁶ Kɔ́ɔ̄ɓē rāā dɔ rā̰ ō dɔ nang ō, bā bo ō yá̰a̰ malang kə́ kum tə́ ō. Ni i nge ra dɔ ndūn tə́ ngándáńg.

Bible sar

⁶ Kɔ́ɔ̄ɓē rāā dɔ rā̰ ō dɔ nang ō, bā bo ō yá̰a̰ malang kə́ kum tə́ ō. Ni i nge ra dɔ ndūn tə́ ngándáńg.

PĀ GƏ̄ 146:6 Referans Kwoze

JEJU TEĒ KUM JA̰A̰ 14:7

Ni-əda kə tɔ́gəneé na: Ī-ɓōlíī Nə́ɓā ō, ɔ́siī gɔnən ō, tɔdɔ̄ kum mbang gān̄g sarya yān asə kɔ̄ɔ́. Ɔsiī nosí nang tə́ ī-rɔyīneé nge rāā dɔ rā̰ ō, dɔ nang ō, bā bo ō, ta kəɓa man̄ gə̄ ō.

PĀ GƏ̄ 100:5

Tɔdɔ̄ Kɔ́ɔ̄ɓē i de kə́ majə, kem majə yān to ngándáńg ō, ni i de kə́ nge ra dɔ ndūn tə́ kə dɔ ɓāl̄ gə̄, ɓāl̄ gə̄ ō.

Teē Ngán Israel gə̄ 20:11

Tɔdɔ̄ dɔ rā̰ ō, dɔ nang ō, bā bo ō, yá̰a̰ malang kə́ tū tə́ gə̄ ō ní, m̄-rāādə́ i kem ndɔ̄ mehḛ́, ba m-ɔ̄r̄ koō i kə ndɔ̄ kə́ nge ko̰ sīrí. I tām̄ najə̄ ń noō tə́ n mā Kɔ́ɔ̄ɓē m-ə́dań najə̄ kə́ majə dɔ ndɔ̄ sabat tə́ ō, m̄-ndigəń kadə̄ ɔr̄nən̄ tayā tām̄ yāḿ tə́ ō ní.

KOLOSƏ 1:16

Nə́ɓā rāā yá̰a̰ malang kə́ dɔ rā̰ tə́ gə̄gē, dɔ nang tə́ gə̄gē, i kə ta kūl̄ Ngōnən. Ni-rāā yá̰á̰ kə́ deē asə ka̰a̰ kə kumneé ō, kə́ deē asə ka̰a̰ kə kumneé aĺ ō. I kɔ́ɔ̄ ɓē gə̄ ō, ngé ko̰o̰ ɓē gə̄ ō, kōr̄ kāgə̄ mbang yādə́ gə̄ ō. Nə́ɓā rāā yá̰a̰ malang i kə ta kūl̄neé ō, i tām̄ yān tə́ ō.

JEREMI 32:17

Á Kɔ́ɔ̄ɓē Nə́ɓā, i ḭ̄ n ī-rāā dɔ rā̰ ō, dɔ nang ō, kə ta kūl̄ tɔ́gí kə́ ngá̰ý ɔ́jəń tɔ́gí kə̄ ndágá ní. Yá̰á̰ kə́ dum̄ tɔ́gí gətóo.

TA KƏLA 1:1

Ta kəga dɔ sasak Nə́ɓā əndā dɔ rā̰ ō, dɔ nang ō.

PĀ GƏ̄ 95:5

Bā bo i yá̰a̰ yān, i ni n rāān ní. Dɔ nang i yān ō, tɔdɔ̄ i ni n i nge rāān kə jīneé ní!

PĀ GƏ̄ 89:2

M-ā m-ə̄nī pā yá̰a̰ gə̄ ń Kɔ́ɔ̄ɓē rāā kə gō kem majə yān ní ngándáńg. M-ā m-ə̄nī mbēr̄ dɔ yá̰á̰ kə́ rɔ̄kum yān tə́, kadə̄ ngáńjí gə̄ ō ngán kaají gə̄ ō gerə̄n̄.

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

PĀ GƏ̄ 117:2

Tɔdɔ̄ ni-rāā kem majə sejí ngá̰ý ō, Kɔ́ɔ̄ɓē ra dɔ ndūn tə́ ngándáńg ō. Aleluya!

PĀ GƏ̄ 33:6

Kɔ́ɔ̄ɓē rāā dɔ rā̰ i kə najə̄ kə́ tan tə́ ō, rāā tə́yō̰ gə̄ malang i kə koō kə́ tan tə́ ō.

KƏLA RĀĀ 14:15

Nin̄-əgan̄ kɔŕ ngá̰ý ədan̄ na: Madə̄jí gə̄, ā ī-rāāī i rí kə beē? Jḭḭ i deē ndul gə̄ kə́ jə-to tītə̄sí ō! Najə̄ kə́ Majə ń j-ədasí ní, i yā kadə̄ ə́ya̰īneé ɓesə̄ kə́ kanjə̄ kumən gə̄ ń toō kɔ̄ɔ́, ba kadə̄ ī-tūrīneé rɔ̄sí kə̄ rɔ̄ Nə́ɓā kə́ ndi kə kumneé tə́, ni ń rāā dɔ rā̰ ō, dɔ nang ō, bā bo ō, yá̰a̰ malang kə́ tū tə́ ō ní.

JA̰A̰ 1:3

Yá̰a̰ malang i kə́ rāā kə ta kūl̄ Najə̄ ní, adə̄ yá̰á̰ kógə̄ḿ kə́ teē kanjə̄n ni gətóo.

PĀ GƏ̄ 115:15

Ādə̄ Kɔ́ɔ̄ɓē rāā majə sesí, ni ń i nge rāā dɔ rā̰ ō dɔ nang ō ní!

JA̰A̰ 10:34

Jeju tél ədadə́ na: Ndangən̄ kem makətūbə̄ ndū najə̄ yāsí tə́ na: Nə́ɓā əda na sḭḭ̄ na i nə́ɓā gə̄.

DANIEL 9:4

m̄-ndɔ̄ȳ Kɔ́ɔ̄ɓē Nə́ɓā yāḿ ō, m-ə́dan gír majaĺ gə̄ ń toō ō, m-ə́da na: Kɔ́ɔ̄ɓē, ḭ̄ ń i Nə́ɓā kə́ bo ō, ī-to ɓōĺ ō, ā ī-ngɔ̄m̄ madə̄ naā yāí ō, ī-ra dɔ ndūí tə́ ō kə ngé gə̄ ń tárə̄n̄nī ō ngɔ̄mə̄n̄ gō míndí gə̄ ō ní,

PĀ GƏ̄ 98:3

Əga kemən dɔ kem majə yān kə́ rāā kə ngán Israel gēé tə́ ō, dɔ ra kə́ ni-ra dɔ ndūn tə́ sedə́ ō. De gə̄ ń ndin̄ ta kaw̄ kə̄ ta ngóy dɔ nang tə́ nú ní a̰a̰n̄ Nə́ɓā yājí loo tetə rɔ̄ɔ̄ tə́.

PĀ GƏ̄ 89:33

m-ā m-ún kāgə̄ yā kəndańdə́ najə̄ dɔ ngan̄g yādə́ tə́ ō, m-ā m-ə́ndádə́ najə̄ yá̰á̰ kə́ gōtə́ aĺ ń nin̄ rāān̄ tə́ ní ō.

NDŪ NAJƏ̄ 7:9

I Kɔ́ɔ̄ɓē Nə́ɓā yāsí ngóy n i Nə́ɓā kə́ rɔ̄kum ní majə kadə̄ ī-gerī. Ngé gə̄ ń tárnən̄ ō, ngɔ̄mə̄n̄ gō míndən gə̄ ō ní, madə̄ naā yān ń rāā sedə́ ō, rāā kə gír kojə yādə́ gə̄ ń a reēn̄ ɓáý ní ō ní a əhɔ gír kadə̄ ngan̄g ō, a tūr̄ ndūn aĺ ō.

MISE 7:20

De gə̄ kə́ kem kojə yā Jakob tə́ ní, ā ɔ́jə́də́ kadə̄ ḭ̄ i de kə́ nge ra dɔ ndūí tə́ ō, de gə̄ kə́ kem kojə yā Abəraham tə́ ní, ā ɔ́jə́də́ kadə̄ ḭ̄ i de kə́ nge əhɔ madə̄ naā ō, tītə̄ ń ī-túbə ə̄niń ndūí ādə̄ kaají gə̄ kété ní.