PĀ GƏ̄ 143:9 - Bibəl ta Sar̄

⁹ Kɔ́ɔ̄ɓē, ī-gān̄g dɔḿ jī madə̄ ba̰ā̰ḿ gə̄ tə́. m̄-rāāī i loo ɓɔ̄ɔ̄ rɔ̄ yāḿ tə́.

Bible sar

⁹ Kɔ́ɔ̄ɓē, ī-gān̄g dɔḿ jī madə̄ ba̰ā̰ḿ gə̄ tə́. m̄-rāāī i loo ɓɔ̄ɔ̄ rɔ̄ yāḿ tə́.

PĀ GƏ̄ 143:9 Referans Kwoze

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

PĀ GƏ̄ 142:5

Á̰a̰ loo kə̄ dām̄ kadəḿ kə́ ko̰ó̰ tə́ ba ə̄ndā ma̰ȳ á̰a̰ā̰: De kógə̄ḿ kə́ gerə̄m̄ gətóo! Loo kə́ rang kə́ kadə̄ m̄-ɓɔ̄ɔ̄ rɔ̄ḿ tū tə́ to̰ ní gətóo. De kə́ usən̄ dɔḿ tə́ gətóo!

PĀ GƏ̄ 59:1

Pā kə́ kem makətūbə̄ yā ngār yā gōsə̄ pā gə̄ tə́. A ə̄nīn̄ i tītə̄ loo kənī pā ī-lōō kadə̄ nujən̄neé. I pā yā Dabid kə́ yā ndóoń deē yá̰a̰. I dan ń Saul əla de gə̄ kadə̄ gāngə̄n̄ gír Dabid kújú yā tɔ̄lən ní.

PĀ GƏ̄ 56:9

Ī-tə́da kutə njaḿ ń m̄-dáyń ní kɔ̄ɔ́ ɓá ní, ī-taā man̄ kumḿ kem kū yāí tə́ tā. Kutədə́ i kə́ ndang kem makətūbə̄ yāí tə́ aĺ a?

PĀ GƏ̄ 31:15

Banī Kɔ́ɔ̄ɓē, mā m-ə̄ndā kemḿ i dɔí ḭ̄ tə́. M-ə́da na: Nə́ɓā yāḿ i ḭ̄.

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

PĀ GƏ̄ 57:2

Ɓɔ́ Nə́ɓā, á̰a̰ kum tō ndoō yāḿ! Tɔdɔ̄ m̄-rāāī i loo ɓɔ̄ɔ̄ rɔ̄ yāḿ tə́. m̄-ɓɔ̄ɔ̄ rɔ̄ḿ i ndíl bɔ̄gīí tə́, bátə́ kadə̄ gíŕ yá̰á̰ kə́ to kum kaȳ aĺ gāngəń.

PĀ GƏ̄ 142:7

Ī-nēl̄ mbīí ōoń nōō yāḿ, tɔdɔ̄ tɔ́gə́ḿ gətóó kə́ al̄ naā! Ī-taām̄ jī ngé rāā kumḿ ndoō tə́ gə̄ tə́ tām̄ tɔ́gə́də́ tɔȳ yāḿ.