PĀ GƏ̄ 143:10 - Bibəl ta Sar̄

¹⁰ Ī-ndóōm̄ loo rāā yá̰á̰ ń kemií ndigə ní, tɔdɔ̄ ḭ̄ i Nə́ɓā yāḿ. Ndílí i Ndíĺ kə́ majə, ādə̄ njə̄rā seḿ dɔ róbə́ kə́ gidə asə naā majə tə́!

Bible sar

¹⁰ Ī-ndóōm̄ loo rāā yá̰á̰ ń kemií ndigə ní, tɔdɔ̄ ḭ̄ i Nə́ɓā yāḿ. Ndílí i Ndíĺ kə́ majə, ādə̄ njə̄rā seḿ dɔ róbə́ kə́ gidə asə naā majə tə́!

PĀ GƏ̄ 143:10 Referans Kwoze

JA̰A̰ 14:26

Ba nge rāā sesí i Ndíĺ kə́ Táĺ ń Bɔbə́ḿ a əlań kə rīḿ ní. Ni a ndóōsí yá̰a̰ malang ō, a rāā kadə̄ əga kemsí dɔ najə̄ gə̄ ń m-ə́dásí tə́ ní ō.

HEBƏRO 13:21

Kadə̄ əndān̄sí kə gōó tām̄ yá̰á̰ kə́ majə gə̄ tə́ malang, yā kadə̄ ī-rāāī gō kem ndigə yān. Kadə̄ ni-rāā yá̰á̰ kə́ əsō kumən kemjí tə́ kə ta kūl̄ Jeju Kərist ń kɔsə gɔn i tām̄ yān tə́ ngándáńg ngándáńg ní. Adə̄ i tītə̄ ń noō!

PĀ GƏ̄ 23:3

Rāām̄ adə̄ m̄-tél m̄-ngan̄g májə́ májə́. Njə̄rā seḿ dɔ róbə́ kə́ gōtə́ gə̄ tə́ i tām̄ yā rīn kə́ bo tə́.

PĀ GƏ̄ 119:12

Kɔ́ɔ̄ɓē, m̄-rāāī kə́ra! Ī-ndóōm̄ yá̰a̰ gə̄ ń ī-ndang kadə̄ yā rāā ní.

NEHEMI 9:20

Ḭ̄ ādə̄də́ ndílí kə́ majə kadə̄ gern̄neé yá̰a̰ ō, ɔ̄gə̄də́ mána aĺ ō, ādə̄də́ man̄ adə̄ a̰ȳn̄ kadə̄ tɔ̄l̄ kəndā ń rāādə́ ní ō.

1 JA̰A̰ 2:27

Ba Ndíĺ kə́ Táĺ ń ə́ngeī jīn tə́ ní i kemsí tə́, adə̄ ā ī-sāāī kadə̄ i deē kógə̄ḿ tá kə ndóōsí yá̰a̰ alé. Ndíĺ kə́ Táĺ ń ni-adə̄sí ní ndóōsí yá̰a̰ malang. Tá yá̰á̰ ń Ndíĺ kə́ Táĺ ndóōsí ní, i yá̰á̰ kə́ rɔ̄kum ba i sor̄ alé. Adə̄ tītə̄ ń ni ndóōsí yá̰á̰ ní, ī-ndiī kemən tə́.

2 TIMOTE 1:7

Tɔdɔ̄ Nə́ɓā adə̄jí i ndíĺ kə́ yā kadə̄ jə-ɓōlíīneé kum deē alé, ba i kadə̄ j-awīneé kə tɔ́gɔ́ ō, jə-táriīneé de gə̄ ō, jə-gerīneé kəhɔ rɔ̄jí dɔ yá̰á̰ tə́ ō.

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

PĀ GƏ̄ 140:6

Ngé kɔjə rɔ̄də́ gə̄ əyān̄ gūmbə̄ noḿ tə́, ənīn̄ kəla ō, ənīn̄ réng ō, yā kəhɔm̄neé. Nin̄ əyān̄ gūmbə̄ kadə róbə́ tə́ yā kəhɔm̄neé.

PĀ GƏ̄ 31:14

Najə̄ ń de kə́ ngá̰ý gə̄ tə́dan̄ dɔḿ tə́ ní m-ōō kə mbīḿ. Nin̄ ədan̄ na m-ə́la ɓōĺ kem de gə̄ ń ndi gīrə̄n̄ gidəḿ tə́ ní. Nin̄ sə̄lān̄ naā dɔḿ tə́, oōn̄ naā loo mundə̄ tə́ yā tɔ̄lə̄m̄.

Makətūbə̄ ń Pol ndang adə̄ Rom gə̄ ní 8:26

Adə̄ i tītə̄ ń toō beé n Ndíĺ kə́ Táĺ reē yā dḭḭ̄jí najə̄ yā ngan̄g aĺ yājí tə́ ní. Tɔdɔ̄ jə-gerī loo ndɔ̄ȳ kə gōó alé. Ndíĺ a dəje yá̰a̰ tām̄ yājí tə́ i kə to̰ō̰ kógə̄ḿ kə́ deē asə kəda kum kə najá alé.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

Makətūbə̄ ń Pol ndang adə̄ Rom gə̄ ní 5:5

Ba deē ń əndā kemən dɔ Nə́ɓā tə́ ní, a ənge rɔ̄sɔl̄ loon tə́ alé, tɔdɔ̄ Nə́ɓā əla tár yān kemjí tə́ i kə ta kūl̄ Ndíĺ kə́ Táĺ ń adə̄jí ní.

PĀ GƏ̄ 119:35

Āw̄ seḿ dɔ róbə yā gō míndí gə̄ tə́, anī rɔ̄ḿ a nelə̄m̄ ngá̰ý loo kun gō tə́.

EPEJƏ 4:30

Ndíĺ kə́ Táĺ ń rāā rɔ̄n i tə́ré yá̰á̰ kə́ Nə́ɓā əndā dɔsí tə́, ɔjəń kadə̄ sḭḭ̄ i yān gə̄ tām̄ yā ndɔ̄ ń a gāngəń dɔ de gə̄ tə́ ní, ī-lōōī rāān kadə̄ rɔ̄n nelə̄n alé.

IJAI 63:14

Kété ní nin̄ ton̄ tītə̄ ɓūtə̄ yá̰a̰ kul̄ kógə̄ḿ kə́ risə kum wól loo tə́ beē. Ndíĺ Kɔ́ɔ̄ɓē ɔrdə́ ta róbə aw̄ sedə́ kum loo kɔr̄ koō kógə̄ḿ tə́. A̰á̰ā̰ Kɔ́ɔ̄ɓē, ḭ̄ ɔ́r no gír deē yāí gə̄ tītə̄ ń noō i yā kutə̄ń gidə rɔ̄í kə kɔsə gɔnɔɔ́!

PĀ GƏ̄ 25:12

Deē ń ɓōĺ ndíĺ Kɔ́ɔ̄ɓē ní, ni a ɔjən róbə́ ń kadə̄ a un ní.

EPEJƏ 5:9

Tām̄ loo kə́ unjə̄ kow a ojə i gíŕ yá̰a̰ gə̄ malang kə́ rāā kə kem majaá ō, yá̰á̰ kə́ gōtə́ ō, yá̰á̰ kə́ rɔ̄kum ō.

MISE 4:2

Nápar de kə́ ngá̰ý gə̄ kə́ dɔ nang kə́ rang tə́ a əsōn̄ róbó yā reē. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń a sāā rɔ̄jí tə́ ní ō, j-a j-uniī róbə́ ń ni ɔjəjí ní ō. Tɔdɔ̄ yá̰á̰ ndóō yā Kɔ́ɔ̄ɓē teē i Siyo̰. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

PĀ GƏ̄ 139:24

Á̰a̰ā̰ ké m-ún gō ɓesə̄ gə̄ wa, ɔ́rəm̄ ta róbə ādə̄ m̄-njə̄rā dɔ róbə́ kə́ jóó ń i róbə yāí ní tə́.

PĀ GƏ̄ 63:1

Pā yā Dabid. Kum pā ní ɔr̄ i najə yā Dabid, dan ń ni ndiń kem dəla loo kə́ Juda tə́ ní.

Makətūbə̄ ń Pol ndang adə̄ Rom gə̄ ní 15:30

Banī ngákó̰ó̰ḿ gə̄, yá̰á̰ ń m̄-dəjesí, kə ta kūl̄ Kɔ́ɔ̄ɓē yājí Jeju Kərist ō, kə ta kūl̄ táŕ ń Ndíĺ a adə̄ deē ō ní n toó: Ī-rɔ̄ɔ̄ī naā tə́ seḿ, kə ta kūl̄ ndɔ̄ȳ Nə́ɓāá tām̄ yāḿ tə́.

PĀ GƏ̄ 118:28

Kɔ́ɔ̄ɓē, ḭ̄ i Nə́ɓā yāḿ, m̄-ndigə ɓōkíī tɔ̄ȳ, m̄-ndigə kəda kə kɔrɔ́ na ḭ̄ i de kə́ bo.

PĀ GƏ̄ 22:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā: Wāl̄ kə́ ta gír loo tə́ beē. I pā yā Dabid.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

IJAI 29:10

Tām̄ Kɔ́ɔ̄ɓē rāā adə̄ kur̄ dɔsí oy kɔ̄ɔ́. Ngé koō ta yāsí gə̄ ń nin̄ i kumsí gə̄ ní, ni ɔgə̄də́ ka̰a̰ loo ō, ngé ka̰a̰ yá̰a̰ yāsí gə̄ ń nin̄ i dɔsí gə̄ ní, ni seĺ kūbə̄ kógə̄ḿ dɔm dɔdə́ tə́ kɔ̄ɔ́ ō.

TƏ́DA 9:22

Ré kil̄ man̄ ní ndi dɔ kújə yā Nə́ɓā tə́ rāā i ndɔ̄ jōó, aké rāā i nāā kógə̄ḿ, aké rāā i ndɔ̄ ngá̰ý gə̄gē anī, ngán Israel gə̄ a ndin̄ i gotoó ba a ɔrə̄n̄ dɔɔ́ alé. Ré kil̄ man̄ ní ḭḭ kɔ̄ɔ́ anī ɔrə̄n̄ dɔɔ́ ō.

PĀ GƏ̄ 27:11

Kɔ́ɔ̄ɓē, ɔ́jəm̄ róbə yāí ō, ī-ndɔ́rə̄m̄ kə̄ dɔ róbə́ kə́ majə tə́ ō, najə̄ yā madə̄ ba̰ā̰ḿ gə̄ tə́.