PĀ GƏ̄ 142:7 - Bibəl ta Sar̄

⁷ Ī-nēl̄ mbīí ōoń nōō yāḿ, tɔdɔ̄ tɔ́gə́ḿ gətóó kə́ al̄ naā! Ī-taām̄ jī ngé rāā kumḿ ndoō tə́ gə̄ tə́ tām̄ tɔ́gə́də́ tɔȳ yāḿ.

Bible sar

⁷ Ī-nēl̄ mbīí ōoń nōō yāḿ, tɔdɔ̄ tɔ́gə́ḿ gətóó kə́ al̄ naā! Ī-taām̄ jī ngé rāā kumḿ ndoō tə́ gə̄ tə́ tām̄ tɔ́gə́də́ tɔȳ yāḿ.

PĀ GƏ̄ 142:7 Referans Kwoze

PĀ GƏ̄ 143:11

Ā ī-rāām̄ kadə̄ m̄-ndi kə kumḿ, tɔdɔ̄ ḭ̄ i Kɔ́ɔ̄ɓē. Ā ī-teē seḿ kɔ̄ɔ́ dan wur kɔl kə́ əsō dɔḿ tə́, kə ta kūl̄ háĺ kə́ gōtə́ yāí.

PĀ GƏ̄ 146:7

De gə̄ ń rāān̄də́ yá̰á̰ kə́ tōr̄ ní, ni-gān̄g sarya yādə́ kə gōó. Ni-adə̄ ngé ɓō gə̄ yá̰a̰ kəsa ō, tútə kəlā rɔ̄ dəngáy gə̄ tə́ ō.

PĀ GƏ̄ 13:6

Mā m-ə̄ndā kemḿ i dɔ ndūí ń ī-ra dɔ tə́ ní, ādə̄ m̄-rāā rɔ̄nel̄ kajə kə́ ájəm̄. Ādə̄ m-ə̄nī pā m̄-rɔȳń Kɔ́ɔ̄ɓē tām̄ majə ń rāā seḿ tə́ ní.

JAKƏ 5:11

Tɔdɔ̄ ngé gə̄ ń əhɔn̄ rɔ̄də́ tɔgə ní rɔ̄də́ nel̄də́. Sḭḭ̄ ōōī kōō kəhɔń Job əhɔ rɔ̄n tɔgə ní ō, á̰a̰ī yá̰á̰ ń Kɔ́ɔ̄ɓē rāā seneé ta tɔ̄l̄ ta tə́ ní ō, tɔdɔ̄ Kɔ́ɔ̄ɓē i nge kem majə ō, nge ka̰a̰ kum tō ndoō yā deē ō.

KƏLA RĀĀ 2:24

Banī Nə́ɓā ndólə̄n adə̄ ndi kə kumneé, ni-ɔrə̄n kɔ̄ɔ́ ta rɔ̄ tōr̄ gə̄ yā yo tə́, tɔdɔ̄ yo asə ko̰o̰ ɓē dɔn tə́ alé.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

PĀ GƏ̄ 9:14

Kɔ́ɔ̄ɓē, á̰a̰ kum tō ndoō yāḿ! Á̰a̰ rɔ̄sɔl̄ kə́ asə naā beē ń madə̄ ba̰ā̰ḿ gə̄ əlan̄ dɔḿ tə́ toó. I ḭ̄ n i nge kɔrə̄m̄ kɔ̄ɔ́ ta yo tə́ ní.

PĀ GƏ̄ 142:1

Pā kə́ kəda. I pā yā Dabid. I ndɔ̄ȳ kə́ əda dan ń ni toń kem bəlo mbalá ní.

PĀ GƏ̄ 119:17

Ī-rāā kem majə kə nge kəla yāí, m-ā m̄-ndi kə kumḿ ō, m-ā m̄-ngɔ̄m̄ najə̄ yāí ō.

PĀ GƏ̄ 116:7

Kemḿ, majə kadə̄ ī-tetə kə̄ nang tə́, tɔdɔ̄ Kɔ́ɔ̄ɓē rāā majə seí.

PĀ GƏ̄ 119:74

Ngé gə̄ ń a ɓōlə́n̄ ndílí ní a̰a̰mə̄n̄ anī rāān̄ rɔ̄nel̄, tɔdɔ̄ m-ə̄ndā kemḿ dɔ najə̄ yāí tə́,

PĀ GƏ̄ 34:2

M-ā m̄-ndadə̄ Kɔ́ɔ̄ɓē kə dɔ ndɔ̄ gə̄ malang. M-ā m-ə̄nī taḿ nang tə́ loo tɔ̄ȳn tə́ alé.

PĀ GƏ̄ 31:8

M-ā m̄-ndām̄ kə rɔ̄nelēé tām̄ yá̰a̰ rāāí kem majə yāí tə́, tɔdɔ̄ ḭ̄ á̰a̰ rɔ̄ tō ndoō yāḿ ō, ī-ger̄ wur kɔl yāḿ ō.

PĀ GƏ̄ 9:3

Nə́ɓā kə́ dɔɔ́ sa̰y ngá̰ý, m-ə̄nī pā kə rīí ō, m̄-ndām̄ kə rɔ̄nelēé ō, najə̄ yāí tə́.

PĀ GƏ̄ 38:20

Madə̄ ba̰ā̰ḿ gə̄ ndin̄ kə kumdə́ majə ō, ngangə̄n̄ ngá̰ý ō. Ngé kimə̄ḿ kanjə̄ kumən gə̄ i ngá̰ý.

PĀ GƏ̄ 143:9

Kɔ́ɔ̄ɓē, ī-gān̄g dɔḿ jī madə̄ ba̰ā̰ḿ gə̄ tə́. m̄-rāāī i loo ɓɔ̄ɔ̄ rɔ̄ yāḿ tə́.