PĀ GƏ̄ 142:5 - Bibəl ta Sar̄

⁵ Á̰a̰ loo kə̄ dām̄ kadəḿ kə́ ko̰ó̰ tə́ ba ə̄ndā ma̰ȳ á̰a̰ā̰: De kógə̄ḿ kə́ gerə̄m̄ gətóo! Loo kə́ rang kə́ kadə̄ m̄-ɓɔ̄ɔ̄ rɔ̄ḿ tū tə́ to̰ ní gətóo. De kə́ usən̄ dɔḿ tə́ gətóo!

Bible sar

⁵ Á̰a̰ loo kə̄ dām̄ kadəḿ kə́ ko̰ó̰ tə́ ba ə̄ndā ma̰ȳ á̰a̰ā̰: De kógə̄ḿ kə́ gerə̄m̄ gətóo! Loo kə́ rang kə́ kadə̄ m̄-ɓɔ̄ɔ̄ rɔ̄ḿ tū tə́ to̰ ní gətóo. De kə́ usən̄ dɔḿ tə́ gətóo!

PĀ GƏ̄ 142:5 Referans Kwoze

PĀ GƏ̄ 16:5

Kɔ́ɔ̄ɓē, ndɔ̄ḿ gə̄ malang i kem jīí tə́. ḭ̄ i yá̰a̰ ndəbā yāḿ ō, yá̰a̰ ka̰ȳ yāḿ kə́ sɔɔ̄ dɔḿ kem kopoó ō,

NŌŌ RƆ̄ 3:24

M-ə́da kə̄ kemḿ tə́ na yá̰a̰ yāḿ kə sɔɔ̄ dɔḿ i Kɔ́ɔ̄ɓē. I tāmə̄n̄ ń toō tə́ n m-ā m-ə̄ndā kemḿ dɔn tə́ ní.

PĀ GƏ̄ 119:57

Kɔ́ɔ̄ɓē, m-ə́da na dāmə̄n kə́ sɔɔ̄ dɔḿ i ngɔ̄m̄ najə̄ kɔrīí gə̄.

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

PĀ GƏ̄ 91:2

M-ə́da najə̄ kə́ dɔ Kɔ́ɔ̄ɓē tə́ na: Ni i loo ɓɔ̄ɔ̄ rɔ̄ yāḿ, ndogə̄ mbal̄ kə́ ngan̄g ngá̰ý yāḿ, Nə́ɓā yāḿ: Adə̄ m-ə̄ndā kemḿ i dɔn ni tə́!

PĀ GƏ̄ 46:1

Pā kə́ kem makətūbə̄ yā ngār yā gōsə̄ pā gə̄ tə́ ō, i pā yā ngán Kore gə̄ ō. A dānə̄n̄ gō i kə ndū kə́ dūú ngá̰ý.

PĀ GƏ̄ 27:13

m̄-ger̄ majə kadə̄ m-ā m-á̰a̰ kem majə yā Kɔ́ɔ̄ɓē dɔ nang tə́ laā.

JA̰A̰ 16:32

Á̰a̰ī, kum mbang a reē noó, ba ugə̄ kɔ̄ɔ́, adə̄ ā ī-tḭ̄ḭ̄ naā kə̄ loo gə̄ tə́, ba ā ə́ya̰mī kə kérə́ḿ. Banī mā i kə kérə́ḿ alé, tām̄ Bɔbə́ḿ i seḿ.

PĀ GƏ̄ 73:26

m̄-ndəlē ō, dan wurəḿ ɔr ō, banī nge rāā seḿ ō, yá̰a̰ halaḿ ō, i ḭ̄ Nə́ɓā ta kaw̄ kə̄ jóo.

PĀ GƏ̄ 56:13

Nə́ɓā, yá̰á̰ ń m-ə̄nī ndūḿ kadə̄ m-ādī ní, kə̄rān i dɔḿ tə́. M-ā m̄-ndējī yá̰a̰ tun̄ gə̄ kə́ yā ɓōkíīneé tɔ̄ȳ.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

PĀ GƏ̄ 35:12

Rāān̄ yá̰a̰ kə́ majaĺ seḿ kə̄rā majə kə́ m̄-rāā sedə́ tə́ ba əya̰mə̄n̄ kə kérə́ḿ.

KOHELET 4:1

M-á̰á̰ yá̰á̰ kə́ gōtə́ aĺ gə̄ malang ń de gə̄ a rāān̄ kə madə̄də́ gēé dɔ nang tə́ ní ō. Ngé gə̄ ń de gə̄ rāān̄ kumdə́ ndoō tə́ ní nōōn̄, banī de kə́ nge sɔl̄ kemdə́ gətóo. Tɔ́gə i dām̄ yā ngé rāā kumdə́ ndoō tə́ gə̄ tə́, adə̄ de kə́ nge sɔl̄ kemdə́ gətóo.