PĀ GƏ̄ 141:5 - Bibəl ta Sar̄

⁵ Ādə̄ de kə́ súmūú əndam̄ ō, kɔ̄l̄ seḿ ō, najə̄ yā kem majə yāí tə́! Ādə̄ yibə̄ kə́ kotə majə yā ngé kem ndul gə̄ ɔdə dɔḿ alé, ba ādə̄ m̄-ndɔ̄ȳ ngá̰ý m̄-dumə̄ń ta yá̰a̰ gə̄ ń ngé kem ndul gə̄ a rāān̄ ní.

Bible sar

⁵ Ādə̄ de kə́ súmūú əndam̄ ō, kɔ̄l̄ seḿ ō, najə̄ yā kem majə yāí tə́! Ādə̄ *yibə̄ kə́ kotə majə yā ngé kem ndul gə̄ ɔdə dɔḿ alé, ba ādə̄ m̄-ndɔ̄ȳ ngá̰ý m̄-dumə̄ń ta yá̰a̰ gə̄ ń ngé kem ndul gə̄ a rāān̄ ní.

PĀ GƏ̄ 141:5 Referans Kwoze

KOHELET 7:5

Koō kɔ̄l̄ yā de kə́ nge kum kedə̄ i só tə́ tɔȳ koō pā yā mbóo gə̄.

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

GALATƏ 6:1

Ngákó̰ó̰ḿ gə̄, ré ə́hɔī deē kógə̄ḿ loo rāā yá̰á̰ kə́ gō tə́ aĺ tə́ anī, sḭḭ̄ ń Ndíĺ Nə́ɓā i kemsí tə́ ní, ī-rāāī seneé kə kem kə́ sɔl̄ lɔmɔɔ́ ādə̄ tél reē dɔ róbə́ kə́ súmūú tə́. Ī-ngɔ̄m̄ rɔ̄í majə na sōgə́ īkɔ́ ə̄sō kum yá̰a̰ nāā tə́ ō.

Gōsə̄ najə̄ gə̄ 25:12

Kɔ̄l̄ yā de kə́ nge kum kedə̄ to i tītə̄ kulūm̄ lɔ́r ō məde lɔ́r kə́ kərē ō, tām̄ yā deē ń nēl̄ mbīn majə oō ń tə́ ní.

Gōsə̄ najə̄ gə̄ 19:25

Ənda nge mbóo kə de gēé anī de kə́ kum gān̄g aĺ a əndā kum kedə̄ dɔ rɔ̄n tə́. Ī-ndán̄g de kə́ ger̄ kum yá̰a̰ anī ni a ger̄ yá̰á̰ ń i ger̄ yá̰á̰ ní.

Gōsə̄ najə̄ gə̄ 15:5

De kə́ kur̄ dɔn gətóó kídə̄ kɔjə̄ kə́ bɔbə̄n ɔjən, banī de kə́ ndigə kadə̄ ndán̄gnən̄ i nge gōn̄g yá̰á̰ kə́ majaĺ.

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

Gōsə̄ najə̄ gə̄ 6:23

Tɔdɔ̄ yá̰á̰ kə́ kəda kadə̄ yā rāā ní, rāā rɔ̄n i hor lámbá kə́ unjə̄ loo tə́ ō, kɔjə̄ rāā rɔ̄n i loo kə́ unjə̄ kow tə́ ō, ndán̄g loo i yá̰á̰ kə́ a əhɔ əndājí gotoó dɔ róbə ndi kə kumuú tə́ ō.

PĀ GƏ̄ 125:4

Kɔ́ɔ̄ɓē, deē ń kemən ndaa ō i de kə́ súmūú ō ní, ī-rāā kem ndaa seneé.

PĀ GƏ̄ 51:18

Ī-gḛy i kadə̄ m̄-tun̄ yá̰a̰ m-ādī alé. Yá̰a̰ tun̄ kə́ róō horoó gə̄gē ā ī-ndigə alé.

PĀ GƏ̄ 23:5

Ī-rāā yá̰a̰ kəsa ə̄ndā noḿ mā tə́, ta kum madə̄ ba̰ā̰ḿ gə̄ tə́. ī-tə́te yibə̄ kə́ otə mbo̰o̰ dɔḿ tə́, ḭ̄ ī-rāā adə̄ yá̰á̰ kə́ kem kál yāḿ tə́ rosə rerep.

MATIYE 5:44

Ba mā m-ə́dásí na: Ī-táriī madə̄ ba̰ā̰sí gə̄ ō, ī-ndɔ̄yī tām̄ yā ngé gə̄ ń rāān̄sí ndoō tə́ ní ō,

Gōsə̄ najə̄ gə̄ 15:22

Ta yá̰á̰ kə́ kɔjə rāā gə̄ to siriri kɔ̄ɔ́ sɔɔ̄ń i koō naā dɔ tə́ alé, ba ré ngé kadə̄ kɔjə̄ gə̄ i ngá̰ý anī yá̰a̰ gə̄ ní reē udən̄ gírí.

LEBI GƏ̄ 19:17

Ī-lōō gír̄ do kim̄ ngōkó̰ó̰í tə́. Ré ngōn̄ nge ɓē madí rāā yá̰á̰ kə́ gōtə́ aĺ anī, ī-gɔríyɔ̄n na sōgə́ najə̄ i dɔí tə́ tām̄ yān tə́.

Gōsə̄ najə̄ gə̄ 12:1

De kə́ gḛy yá̰á̰ ndóō i de kə́ sāā ger̄ yá̰a̰, deē ń gḛy kadə̄ ndán̄gən̄ alé ní i de kə́ mbóo.