PĀ GƏ̄ 141:3 - Bibəl ta Sar̄

³ Kɔ́ɔ̄ɓē, ī-ngɔ̄m̄ taḿ, ī-ngɔ̄m̄ tam taḿ ādə̄m̄.

Bible sar

³ Kɔ́ɔ̄ɓē, ī-ngɔ̄m̄ taḿ, ī-ngɔ̄m̄ tam taḿ ādə̄m̄.

PĀ GƏ̄ 141:3 Referans Kwoze

JAKƏ 1:26

Ré deē kógə̄ḿ gír̄ kadə̄ ni i nge rɔȳ Nə́ɓā, ba ger̄ loo kəhɔ ta ndo̰n kə jámá aĺ anī, ni a gól̄ i rɔ̄n nəkɔ́: Rɔȳ Nə́ɓā yān i rɔȳ Nə́ɓā kə́ ndāńg karī.

PĀ GƏ̄ 39:1

Pā kə́ kem makətūbə̄ yā ngār yā gōsə̄ pā gə̄ tə́, adə̄ i yā Yedutun. I pā yā Dabid.

MISE 7:5

Ī-lōōī taā kem de kə́ ngɔr rɔ̄sí tə́ gə̄ ō, ī-lōōī taā kem madə̄ tasí gə̄ ō. Á̰a̰ī majə! Ī-lōōī teē tasí, ká i ta kum nə̄yá̰sí tə́ gə̄gē, ī-lōōī teē tasí.

JAKƏ 3:2

Tɔdɔ̄ jḭḭ̄ malang jə-rāāī yá̰á̰ kə́ gō tə́ alé. Ré deē kógə̄ḿ ɔr̄ najə̄ ba əda yá̰á̰ kə́ gō tə́ aĺ alé anī, ni i de kə́ majə ɔtə̄ kə taá kə́ asə kəhɔ rɔ̄n kə taā malang kə jámá.

PĀ GƏ̄ 34:13

Deē ń gḛy ndi kə kumneé ō gḛy ndi kə rɔ̄nelēé ō ɓáa,

PĀ GƏ̄ 71:8

Taḿ ɓōkíī tɔ̄ȳ ō, m-ɔ́sə gɔnií ō, kə dɔ ndɔ̄ gə̄.

PĀ GƏ̄ 39:2

M-ə́da na: M-ā m-ə́hɔ rɔ̄ḿ tɔgə kadə̄ m-ɔ̄r̄ najə̄ kə́ majaĺ alé. Ré m̄-ndi loo kə nge kem nduluú anī, m-ā m-ə́hɔ taḿ dɔ najə̄ tə́.