PĀ GƏ̄ 141:1 - Bibəl ta Sar̄

¹ Pā yā Dabid. Kɔ́ɔ̄ɓē, m̄-ɓāríī, ī-reē láẃ ī-dḭḭ̄m̄! Loo ń ré m̄-ɓāríī anī, ī-nēl̄ mbīí ōoń ndūḿ.

Bible sar

¹ Pā yā Dabid. Kɔ́ɔ̄ɓē, m̄-ɓāríī, ī-reē láẃ ī-dḭḭ̄m̄! Loo ń ré m̄-ɓāríī anī, ī-nēl̄ mbīí ōoń ndūḿ.

PĀ GƏ̄ 141:1 Referans Kwoze

PĀ GƏ̄ 70:5

Banī ngé ndəle njaí gə̄ malang ní, ādə̄ rɔ̄də́ nel̄də́ ngá̰ý najə̄ yāí tə́ ō, de gə̄ malang ń tárnī ḭ̄ nge kajə de gə̄ ní, ādə̄ ədan̄ ngándáńg na Nə́ɓā i de kə́ bo ō.

PĀ GƏ̄ 71:12

Nə́ɓā, ī-lōō ra sa̰y rɔ̄ḿ tə́, Nə́ɓā yāḿ, ī-reē láẃ ī-dḭḭ̄m̄!

PĀ GƏ̄ 143:7

Kɔ́ɔ̄ɓē, ī-tūrə̄m̄ najə̄ tə́ láẃ na tɔ́gə́ḿ təgā kɔ̄ɔ́. Ī-lōō tūr̄ gidií taḿ tə́! Na sōgə́ jīḿ ɓoo naā kə ngé gə̄ ń a aw̄n̄ kə̄ ɓádá ní.

PĀ GƏ̄ 40:13

Yá̰á̰ kə́ to kum kaȳ aĺ gə̄ rāāmə̄n̄ ngá̰ý, m-ásə́ tə́da malang alé. Yá̰á̰ kə́ gōtə́ aĺ gə̄ ń m̄-rāā ní m-ə̄gā kə̄rādə́, adə̄ m̄-gḛy ka̰a̰ yá̰á̰ kə́ gōtə́ aĺ yāḿ gə̄ ní to̰ alé. Kutədə́ tɔȳ kutə nənga dɔḿ, adə̄ tɔȳ tɔ́gə́ḿ.

PĀ GƏ̄ 22:19

Nin̄ nə̄ɓōn̄ naā kūbə̄ rɔ̄ḿ gə̄ ō, túgə̄n̄ wə̄lā dɔ kūbə̄ kə́ bo yāḿ tə́ ō.

PĀ GƏ̄ 143:1

Pā yā Dabid. Kɔ́ɔ̄ɓē, ōō ndɔ̄ȳ yāḿ, ī-nēl̄ mbīí ōoń ndūḿ ń m̄-rāāīneé ɓɔ́ ní. Ḭ̄ i de kə́ nge ra dɔ ndūí tə́ ō, de kə́ gōtə́ ō ní ī-tūrə̄m̄ najə̄ tə́!

Makətūbə̄ yā Job 7:21

Ásə́ tə́gā taí dɔ mbātə́ najə̄ yāḿ tə́ aĺ a? Yá̰á̰ kə́ gōtə́ aĺ ń m̄-rāā ní ásə kəya̰ gō kɔ̄ɔ́ aĺ a? Tɔdɔ̄ ń toō ní, m̄-to i kum bumbə́rú tə́ kɔ̄ɔ́ ɓá. Ā ī-sāām̄, banī mā m̄-gətóo kɔ̄ɔ́.

PĀ GƏ̄ 28:2

Ōō ndūḿ ń m̄-rāāīneé ɓɔ́ dan ń m-ə́gań kɔŕ kə̄ dɔí tə́, m-ɔ́yń jīḿ kə̄ dɔɔ́ kum kə̄ loo kə́ táĺ ngá̰ý yāí ń, ī-ndi kemeé tə́ ní.

PĀ GƏ̄ 70:2

Nə́ɓā, ī-reē ī-gān̄g dɔḿ, Kɔ́ɔ̄ɓē, ī-reē láẃ ī-dḭḭ̄m̄!