PĀ GƏ̄ 140:6 - Bibəl ta Sar̄

⁶ Ngé kɔjə rɔ̄də́ gə̄ əyān̄ gūmbə̄ noḿ tə́, ənīn̄ kəla ō, ənīn̄ réng ō, yā kəhɔm̄neé. Nin̄ əyān̄ gūmbə̄ kadə róbə́ tə́ yā kəhɔm̄neé.

Bible sar

⁶ Ngé kɔjə rɔ̄də́ gə̄ əyān̄ gūmbə̄ noḿ tə́, ənīn̄ kəla ō, ənīn̄ réng ō, yā kəhɔm̄neé. Nin̄ əyān̄ gūmbə̄ kadə róbə́ tə́ yā kəhɔm̄neé.

PĀ GƏ̄ 140:6 Referans Kwoze

PĀ GƏ̄ 31:14

Najə̄ ń de kə́ ngá̰ý gə̄ tə́dan̄ dɔḿ tə́ ní m-ōō kə mbīḿ. Nin̄ ədan̄ na m-ə́la ɓōĺ kem de gə̄ ń ndi gīrə̄n̄ gidəḿ tə́ ní. Nin̄ sə̄lān̄ naā dɔḿ tə́, oōn̄ naā loo mundə̄ tə́ yā tɔ̄lə̄m̄.

PĀ GƏ̄ 16:2

M-ə́dá Kɔ́ɔ̄ɓē na i ni n i Kɔ́ɔ̄ɓē ní. m̄-ndi rɔ̄ Kɔ́ɔ̄ɓē tə́ anī m̄-ndi majə ngá̰ý.

PĀ GƏ̄ 142:5

Á̰a̰ loo kə̄ dām̄ kadəḿ kə́ ko̰ó̰ tə́ ba ə̄ndā ma̰ȳ á̰a̰ā̰: De kógə̄ḿ kə́ gerə̄m̄ gətóo! Loo kə́ rang kə́ kadə̄ m̄-ɓɔ̄ɔ̄ rɔ̄ḿ tū tə́ to̰ ní gətóo. De kə́ usən̄ dɔḿ tə́ gətóo!

PĀ GƏ̄ 119:57

Kɔ́ɔ̄ɓē, m-ə́da na dāmə̄n kə́ sɔɔ̄ dɔḿ i ngɔ̄m̄ najə̄ kɔrīí gə̄.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

NŌŌ RƆ̄ 3:24

M-ə́da kə̄ kemḿ tə́ na yá̰a̰ yāḿ kə sɔɔ̄ dɔḿ i Kɔ́ɔ̄ɓē. I tāmə̄n̄ ń toō tə́ n m-ā m-ə̄ndā kemḿ dɔn tə́ ní.

PĀ GƏ̄ 143:1

Pā yā Dabid. Kɔ́ɔ̄ɓē, ōō ndɔ̄ȳ yāḿ, ī-nēl̄ mbīí ōoń ndūḿ ń m̄-rāāīneé ɓɔ́ ní. Ḭ̄ i de kə́ nge ra dɔ ndūí tə́ ō, de kə́ gōtə́ ō ní ī-tūrə̄m̄ najə̄ tə́!

PĀ GƏ̄ 130:2

Kɔ́ɔ̄ɓē, ōō ndūḿ. Ī-nēl̄ mbīí ōoń ndūḿ loo rāāī ɓɔ́ tə́!

PĀ GƏ̄ 116:1

m̄-táŕ Kɔ́ɔ̄ɓē, tām̄ ni oō ndūḿ loo rāān ɓɔ́ tə́.

PĀ GƏ̄ 91:2

M-ə́da najə̄ kə́ dɔ Kɔ́ɔ̄ɓē tə́ na: Ni i loo ɓɔ̄ɔ̄ rɔ̄ yāḿ, ndogə̄ mbal̄ kə́ ngan̄g ngá̰ý yāḿ, Nə́ɓā yāḿ: Adə̄ m-ə̄ndā kemḿ i dɔn ni tə́!

PĀ GƏ̄ 64:1

Pā kə́ kem makətūbə̄ yā ngār yā gōsə̄ pá gə̄ tə́. I pā yā Dabid.

PĀ GƏ̄ 57:7

Nin̄ əyān̄ gūmbə̄ róbə́ḿ tə́. Na̰y i sḛ́ý kadə̄ əhɔm̄. Nin̄ ndērə̄n̄ bəlo mbḛ̄ noḿ tə́, banī i nin̄ kɔ́ gə̄ n əsōn̄ kemeé ní.

PĀ GƏ̄ 142:4

Dan ń tɔ́gə́ḿ ur̄ wak kɔ̄ɔ́ ní, loo ń m-ā m-āw̄ kə̄ tū tə́ ní ḭ̄ ī-ger̄. Əyān̄ gūmbə̄ dɔ róbə́ ń m-úń tə́ ní.

JEREMI 18:22

Ādə̄ de gə̄ oōn̄ kōō kɔŕ wur kɔl kə́ ɓār̄ ɓēé loodə́, dan ń ā ə́la kə de gēé kadə̄ teēn̄ rétə́ gēé kə̄ rɔ̄də́ tə́ ənīn̄də́ rɔ̄ɔ̄ ɔyn̄neé yā kɔýń yá̰a̰ yādə́ gə̄ ní. Tɔdɔ̄ nin̄ ndērə̄n̄ bəlo gīrə̄n̄neé gidəḿ yā kəhɔm̄ń ō, ənīn̄ réng gír njaḿ tə́. kanjə̄ kadə̄ m̄-ger̄ gō ō.