PĀ GƏ̄ 140:3 - Bibəl ta Sar̄

³ Nin̄ ndin̄ i gíŕ núm̄ yá̰á̰ kə́ majaĺ tə́ yā rāā ngóy. Nin̄ i ngé sāā tām̄ kə dɔ ndɔ̄ gə̄.

Bible sar

³ Nin̄ ndin̄ i gíŕ núm̄ yá̰á̰ kə́ majaĺ tə́ yā rāā ngóy. Nin̄ i ngé sāā tām̄ kə dɔ ndɔ̄ gə̄.

PĀ GƏ̄ 140:3 Referans Kwoze

PĀ GƏ̄ 58:4

Dan ń əlan̄ gír ndān̄ ngé kem ndul gə̄ ní, nin̄ i de kə́ nujə kɔ̄ɔ́ gə̄. Ngé sor̄ gə̄ əlan̄ gír kɔr̄ najə̄ kə́ a̰a̰ gō naā aĺ gə̄ i ndɔ̄ kojədə́ tə́.

2 KORḚNTƏ 11:3

Banī m̄-ɓōĺ najə̄ kadə̄ gír̄ yāsí nujə adə̄ ə́ya̰ī Kərist kɔ̄ɔ́, tītə̄ ń lī góləń Ebə kə ngam yānneé ní.

Gōsə̄ najə̄ gə̄ 23:32

Ta tɔ̄l̄ ta anī a do̰o̰ī tītə̄ lī beé, a tə́gāī tītə̄ lī kakə́m beé.

MATIYE 12:34

Sḭḭ̄ ń i gír ɓūtə̄ lī kakə́m gə̄ ní, loo kadə̄ ā ɔ̄rī najə̄ kə́ majə dan ń sḭḭ̄ i kə́ majaĺ gə̄ ní i ba̰ý? Tɔdɔ̄ i yá̰á̰ kə́ rosə kemií ngá̰ý n a teē taí tə́ kə́ najə̄ tə́ ní.

JEREMI 9:5

Rāān̄ dɔ́nɔ ba tél rāān̄ ɓáý to̰ ō, gólə̄n̄ loo ba tél gōlə̄n̄ ɓáý to̰ ō. Nin̄ mbātə́n̄ gerə̄m̄ mā Kɔ́ɔ̄ɓē.

JEREMI 9:3

Ə̄ndāī kum kedə̄ dɔ rɔ̄sí tə́ kə naá. Ī-lōōī kənī kemsí kadə̄ ngōkó̰ó̰sí deē, tɔdɔ̄ ngákó̰o̰ naā gə̄ malang gerə̄n̄ i kəla mbóo dɔ naā tə́ ō, madə̄ naā gə̄ malang i ngé tétə̄ najə̄ dɔ naā tə́ ō.

PĀ GƏ̄ 57:4

Ādə̄ ni ń ndi dɔ rā̰ tə́ ní əla kə kajaá adə̄m̄. Ādə̄ əla rɔ̄sɔl̄ dɔ nge ngɔ̄də̄ḿ tə́, ādə̄ Nə́ɓā əla kə yá̰á̰ kə́ ɔjə kadə̄ ni i nge kem majə ō, nge ra dɔ ndūn tə́ ō, adə̄m̄!

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.

Gōsə̄ najə̄ gə̄ 12:18

Najə̄ kɔr̄ de kə́ nge kɔsə kum i najə̄ kə́ a adə̄ deē do kə́ tītə̄ do kaskar beé, banī ta ndo̰ ngé kum kedə̄ gə̄ i dáwá.

TA KƏLA 3:13

Anī Kɔ́ɔ̄ɓē Nə́ɓā əda dəyá̰ na: Ī-rāā yá̰á̰ ń toō i tām̄ rí tə́? Anī dəyá̰ əda na: I lī n gólə̄m̄ á m-ə́sa kan̄ kāgə̄ ní.

PĀ GƏ̄ 59:7

Nin̄ tél reēn̄ loo sɔlí ɓáý ba ndōgə̄n̄ tītə̄ bísə gə̄ ō, dáȳn̄ kem ɓēé ō.

Gōsə̄ najə̄ gə̄ 6:14

Kemən majə alé, adə̄ kə kum mban̄g gə̄ malang ni ni a əndā i dɔ yá̰á̰ kə́ majaĺ gə̄ naā tə́ yā rāā, ni i nge rāā kadə̄ de gə̄ kɔ̄lə̄n̄ naā.

NŌŌ RƆ̄ 3:62

Najə̄ ta ngé kənīm̄ rɔ̄ɔ̄ gə̄ asəm̄ nák ō, kɔtə́n̄ najə̄ kə́ dan gān̄g aĺ dɔḿ tə́ kə dɔ ndɔ̄ gə̄.