PĀ GƏ̄ 14:5 - Bibəl ta Sar̄

⁵ I nin̄ n ran̄ a a̰a̰n̄ woy woy noó. Tɔdɔ̄ Kɔ́ɔ̄ɓē i dām̄ yā de kə́ súmūú gə̄ tə́.

Bible sar

⁵ I nin̄ n ran̄ a a̰a̰n̄ woy woy noó. Tɔdɔ̄ Kɔ́ɔ̄ɓē i dām̄ yā de kə́ súmūú gə̄ tə́.

PĀ GƏ̄ 14:5 Referans Kwoze

PĀ GƏ̄ 112:2

Gír kaa yān i gír kaa kə́ tɔ́gən i ngá̰ý dɔ nang tə́, tɔdɔ̄ Nə́ɓā rāā majə kə de kə́ súmūú gēé malang.

PĀ GƏ̄ 73:15

Ré m-ə́da na kə m̄-rāā tītə̄ yādə́ anī, m̄-rāā i yá̰á̰ kə́ gōtə́ aĺ kə gír kaa ngání gēé.

PĀ GƏ̄ 24:6

Ngé sāā Kɔ́ɔ̄ɓē gə̄ ń tūrə̄n̄ rɔ̄də́ kə̄ rɔ̄ Nə́ɓā yā Jakob tə́ ní, ton̄ i tītə̄ ń noō kə gír kaadə́.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

IJAI 8:10

Ī-númī yá̰á̰ kə́ yā rāā gə̄ tā a nujənə̄ń kɔ̄ɔ́. Ī-tɔ́tī naā dɔ loo rāān yāsí gə̄ tə́ tā a to alé. Ɔ̄rī najə̄ kə́ sɔɔ̄ dɔ yá̰á̰ kə́ yā rāā ba najə̄ kɔr̄sí ní a udə gírí alé. Tɔdɔ̄ Nə́ɓā i naā tə́ sejí.

Gōsə̄ najə̄ gə̄ 28:1

Deē ń rāā yá̰á̰ kə́ majaĺ ní, ká ré deē ngɔ̄dən aĺ gə̄gē anī ni a a̰ȳ i mbée. Banī de kə́ súmūú taā kem rɔ̄n mámák tītə̄ balsáa ɓɔl beé.

PĀ GƏ̄ 53:5

Nə́ɓā əda na ngé rāā majaĺ gə̄ ń noō gerə̄n̄ yá̰a̰ aĺ i mbée a? Nin̄ əsan̄ deē yāḿ gə̄, rāān̄də́ i yá̰a̰ kəsa yá̰a̰ yādə́ tə́ ba ndɔ̄ȳmə̄n̄ alé!

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

PĀ GƏ̄ 46:5

Banī bā kógə̄ḿ i noó kə́ ta jīn kə́ tɔ̄ɔ̄ gə̄ rāān̄ adə̄ rɔ̄ de kə́ kem ɓē yā Nə́ɓā tə́ gə̄ nel̄də́, adə̄ rɔ̄ de kə́ kem loo kə́ táĺ ngá̰ý yā Nə́ɓā kə́ dɔɔ́ sa̰y ngá̰ý tə́ gə̄ nel̄də́.

PĀ GƏ̄ 22:30

De gə̄ malang ń ndin̄ dɔ nang tə́ kə rɔ̄nelēé ní n ɔsən̄ nodə́ nang tə́ toō. De gə̄ malang ń njadə́ i kə̄ ta bāá yo tə́ á əlan̄ dɔdə́ nang tə́ ta kumən tə́ ní, ni əya̰də́ adə̄ ndin̄ kə kumdə́ alé.

ESTER 8:7

Mban̄g Jerses tél əda nə̄yá̰n Ester ō, Mardose ń i Jipə ní ō na: Ōōī a, m-ādə̄ ənīn̄ kəlā míndə Haman tə́ ba do̰ō̰nən̄ dɔɔ́ tū kāgə̄ tə́ i tām̄ sāā kə́ ni sāā tɔ̄l̄ Jipə gə̄ tə́, ba m̄-tél kə yá̰a̰ kənge yān gēé malang m-ādə̄ Ester kɔ̄ɔ́ ɓá.

Teē Ngán Israel gə̄ 15:16

Ndíĺdə́ a̰ȳ malang. Kɔ́ɔ̄ɓē, dan ń gír deē yāí gə̄ ń ī-gān̄g dɔdə́ ní a mānə̄n̄ anī, ɓōĺ asə madə̄ ɓēdə́ gə̄ nák adə̄ ədan̄ najə̄ alé, tɔdɔ̄ a̰a̰n̄ tɔ́gí ń ī-rɔ̄ɔń dɔ deē yāí gə̄ tə́ ní.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

1 SAMUEL 14:15

Ɓōĺ kə́ ngá̰ý əsō kem gérger yā Pilistin gə̄ tə́ ō, kem de gə̄ malang ń ndin̄ kə gō gidə gérgereé ní ō. Ɓūtə̄ ngé rɔ̄ɔ̄ gə̄ kə́ ngé nujə loo gə̄ ní kə̄ngā sāā gān̄gdə́ ō. Dɔ nang ndebə, adə̄ i ɓōĺ kə́ ḭḭ i rɔ̄ Nə́ɓā tə́.