PĀ GƏ̄ 14:3 - Bibəl ta Sar̄

³ Nin̄ malang əya̰n̄ róbə́ kə́ majə kɔ̄ɔ́. Nin̄ malang i de kə́ nujə kɔ̄ɔ́ gə̄. De kógə̄ḿ dandə́ tə́ kə́ rāā yá̰a̰ kə gōó beē gətóo.

Bible sar

³ Nin̄ malang əya̰n̄ róbə́ kə́ majə kɔ̄ɔ́. Nin̄ malang i de kə́ nujə kɔ̄ɔ́ gə̄. De kógə̄ḿ dandə́ tə́ kə́ rāā yá̰a̰ kə gōó beē gətóo.

PĀ GƏ̄ 14:3 Referans Kwoze

IJAI 53:6

Kété ní jḭḭ̄ malang jə-toī i tītə̄ batə̄ gə̄ kə́ tadə́ tḭ̄ḭ̄ kɔ̄ɔ́ beē, náā nəkɔ́ ɓáa un i róbə yān nəkɔ́. Ba Kɔ́ɔ̄ɓē tél kə yá̰a̰ rāājí jḭḭ̄ malang kə́ gōtə́ aĺ gə̄ əndā i dɔn ni tə́.

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.

Makətūbə̄ ń Pol ndang adə̄ Rom gə̄ ní 3:23

Nin̄ malang rāān̄ majaĺ, adə̄ i tām̄ ń noō tə́ n asən̄ kugə̄ tū kɔsə gɔn yā Nə́ɓā tə́ aĺ ní.

PĀ GƏ̄ 14:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. De kə́ mbóo gə̄ ədan̄ naā dɔ dandə́ tə́ na Nə́ɓā na gətóo! Nin̄ i de kə́ nujə kɔ̄ɔ́ gə̄. Yá̰a̰ rāādə́ to yḛr kum. De kógə̄ḿ sḛ́ý dandə́ tə́ kə́ rāā yá̰a̰ kə gōó gətóo.

Makətūbə̄ yā Job 14:4

I náā n asə rāā kadə̄ yá̰á̰ kə́ unjə̄ njáý njáý teē tū yá̰á̰ kə́ majaĺ tákə̄ tə́ ní? De kə́ asə rāā nge ń noō gətóo.

PĀ GƏ̄ 58:3

Sḛ́ý aĺ bátə́! Ī-rāāī yá̰á̰ kə́ gōtə́ aĺ gə̄ i ndāńg ndāńg. I sḭḭ̄ kɔ́ gə̄ n ə̄nīī rɔ̄sí ī-rāāī ādə̄ dɔ́nɔ taā loo dɔ nang tə́ kum kə̄ kété kété ní.

EPEJƏ 2:3

Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.

PĀ GƏ̄ 143:2

Mā i nge kəla yāí adə̄ ī-lōō rāā sarya seḿ, tɔdɔ̄ de kə́ súmūú ta kumií tə́ gətóo.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

PĀ GƏ̄ 119:176

m̄-dáȳ tītə̄ batə̄ kə́ ta tḭ̄ḭ̄ beé, ī-sāā nja nge kəla yāí, tɔdɔ̄ dɔḿ ndígə̄nal gō míndí gə̄ alé.

KOHELET 7:29

Banī yá̰á̰ ń m-ə́ngé ní á̰a̰ā̰ a? Nə́ɓā rāā de gə̄ adə̄ ran̄ súmūú, banī nin̄ tə́lan̄ yá̰a̰ naā tə́ adə̄ al̄ naā ngá̰ý.

PĀ GƏ̄ 38:5

Tɔdɔ̄ yá̰á̰ kə́ gōtə́ aĺ yāḿ gə̄ alə̄n̄ dɔḿ ngá̰ý. Ɔȳmə̄n̄ tītə̄ yá̰a̰ kətō kə́ ɔȳ ngá̰ý al̄ naā beé.

NDŪ NAJƏ̄ 1:35

De kə́ tɔgə gə̄ ń i de kə́ majaĺ gə̄ ní, deē kógə̄ḿ dandə́ tə́ kə́ yā ka̰a̰ dɔ nang kə́ majə ń m-ə̄nī ndūḿ yā kadə̄ kaadə́ gə̄ ní a gətóo.

1 KORḚNTƏ 6:5

M-ə́dásí beé i yā kəlań rɔ̄sɔl̄ dɔsí tə́. Deē kógə̄ḿ kə́ nge kum kedə̄ kə́ asə gān̄g sarya yā ngákó̰o̰n gə̄ gətóoń dɔ dáńsí tə́ bátə́,

Makətūbə̄ yā Job 15:16

Anī deē ndul ń i yá̰á̰ kə́ to yēńg ō, nujə kɔ̄ɔ́ ō, rāā yá̰á̰ kə́ gōtə́ aĺ láẃ ngá̰ý tītə̄ loo ka̰ȳ man̄ beé ō ní, yān i kə́ to ráá aĺ a?

Teē Ngán Israel gə̄ 12:30

Ndɔ̄ ń noō tə́ ní Parao̰ ō, ngé kəla yān gə̄ ō, de kə́ kem ɓē kə́ Ejiptə tə́ gə̄ ō, malang ḭḭn̄ dɔɔ́ ndɔ̄ɔ́, adə̄ kɔŕ yo ɓār̄ kə̄ loo gə̄ tə́ mbitəri dɔ nang kə́ Ejiptə tə́. Tɔdɔ̄ kújə́ kə́ yo i kemeé aĺ ní gətóo.

TA KƏLA 6:12

Dan ń Nə́ɓā a̰a̰ loo kə́ dɔ nang tə́ anī, a̰a̰ kadə̄ hál de gə̄ malang i kə́ nujə kɔ̄ɔ́, tɔdɔ̄ nin̄ njə̄rān̄ i dɔ róbə́ kə́ súmūú tə́ alé.

KOHELET 7:20

Tɔdɔ̄ de kə́ dɔ nang tə́ kə́ rāā yá̰a̰ malang súmūú kanjə̄ rāā yá̰á̰ kə́ majaĺ aĺ ní gətóo.