PĀ GƏ̄ 139:3 - Bibəl ta Sar̄

³ Ré mā i ndágá aláa kújú anī, ḭ̄ ī-ger̄ kɔ̄ɔ́ ō, ī-ger̄ yá̰a̰ rāāḿ gə̄ malang ō.

Bible sar

³ Ré mā i ndágá aláa kújú anī, ḭ̄ ī-ger̄ kɔ̄ɔ́ ō, ī-ger̄ yá̰a̰ rāāḿ gə̄ malang ō.

PĀ GƏ̄ 139:3 Referans Kwoze

JEREMI 23:24

Deē a ɓɔ̄ɔ̄ rɔ̄n kɔgə̄ loo yān tə́ kanjə̄ kadə̄ mā m-á̰a̰n a? Najə̄ ń Kɔ́ɔ̄ɓē əda ní n noó. I mā n m̄-ndi m̄-taā kem loo kə́ dɔ rā̰ tə́ ō, kə́ dɔ nang tə́ ō ní aĺ a? Najə̄ ń Kɔ́ɔ̄ɓē əda ní n noó.

Makətūbə̄ yā Job 31:4

Hálə́ḿ mā ní, ni a̰ā̰ aĺ a? Ni tə́da kutə njaḿ ń m̄-njə̄rań ní malang aĺ a?

KOHELET 12:14

Tɔdɔ̄ Nə́ɓā a aw̄ kə yá̰a̰ malang loo sarya tə́, yá̰á̰ kə́ to loo mundə̄ tə́ gə̄gē, ká i kə́ majə aké i kə́ majaĺ gə̄ gē anī ni a aw̄ń loo sarya tə́.

PĀ GƏ̄ 139:18

m̄-sāā tə́dádə́ tā ba kutədə́ tɔȳ kutə nán̄g ngárə̄ḿnjēý. m̄-ndól̄ anī mā i seí ɓáý to̰.

IJAI 29:15

I yá̰á̰ kə́ to kum kaȳ aĺ ngá̰ý tām̄ yā de gə̄ ń noō ń nin̄ a rāān̄ yá̰a̰ i loo mundə̄ tə́ ní! Nin̄ ɓɔ̄ɔ̄n̄ dɔ yá̰a̰ gə̄ ń nin̄ sāān̄ rāā ní kadə̄ Kɔ́ɔ̄ɓē a̰a̰ alé. Nin̄ əndān̄ dɔ yá̰a̰ yādə́ gə̄ danaá i kum loo kə́ risə til tə́. Nin̄ ədan̄ na: I náā n asə ka̰a̰jí ní? I náā n ger̄ yá̰a̰ rāājí ní?

2 SAMUEL 11:27

Dan ń ni-rāā ndoō ngaan oy anī, Dabid reē seneé rɔ̄n tə́. Ni-taān kə́ dəyá̰ tə́ adə̄ ojə ngōn̄ kə́ dəngam seneé. Banī yá̰á̰ ń Dabid rāā ní nel̄ Kɔ́ɔ̄ɓē alé.

JA̰A̰ 13:21

Dan ń Jeju ɔr̄ najə̄ gə̄ ń noō anī, ndílən ndi kə gōó alé. Ba ni-əda wáńg na: Ādə̄ m-ə́dásí najə̄ kə́ bo ngá̰ý, deē kógə̄ḿ dansí tə́ a əlam̄ jī de gə̄ tə́.

JA̰A̰ 13:2

Jeju nin̄ kə ngé ndóō yá̰a̰ yān gēé ndi a əsan̄ yá̰á̰ kə́ loo tíbí. Diabəl əndā kem Judas Iskariot ngōn̄ Simo̰ tə́ kɔ̄ɔ́ ɓá kadə̄ əla Jeju jī de gə̄ tə́.

2 SAMUEL 8:14

Dabid tə́ndā ngé ko̰o̰ ɓē gə̄ dɔ nang kə́ Edom tə́ kə taá malang, adə̄ Edom gə̄ télən̄ ɓəlo gə̄ yā Dabid. Kɔ́ɔ̄ɓē rāā adə̄ Dabid tetə rɔ̄ɔ̄ loo malang ń ni-aw̄ rɔ̄ɔ̄ tə́ tū tə́ ní.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

Makətūbə̄ yā Job 23:10

Tá ni ger̄ róbə́ ń m-úń ní majə. Ré ni nāām̄ anī, m-ā m̄-teē kum tə́ ō, m-ā m-ūnjə̄ njáý njáý tītə̄ lɔ́r beé ō.

PĀ GƏ̄ 119:168

m̄-rāā yá̰a̰ gə̄ ń ī-ra kə de gēé ta rāā ní ō, yá̰a̰ gə̄ ń ə́dá ní ō. Ī-ger̄ yá̰a̰ rāāḿ gə̄ malang.