PĀ GƏ̄ 139:19 - Bibəl ta Sar̄

¹⁹ Nə́ɓā, majə kadə̄ ī-tɔ̄l̄ de kə́ nge kem ndul kɔ̄ɔ́! Sḭḭ̄ ngé ɓōkə́ mósə de gə̄ nang tə́ gə̄, āwī sa̰y kɔ̄ɔ́ rɔ̄ḿ tə́.

Bible sar

¹⁹ Nə́ɓā, majə kadə̄ ī-tɔ̄l̄ de kə́ nge kem ndul kɔ̄ɔ́! Sḭḭ̄ ngé ɓōkə́ mósə de gə̄ nang tə́ gə̄, āwī sa̰y kɔ̄ɔ́ rɔ̄ḿ tə́.

PĀ GƏ̄ 139:19 Referans Kwoze

PĀ GƏ̄ 5:6

De kə́ nge ɓōĺ ndíl deē alé a aw̄ ta kumií tə́ alé. Ngé rāā majaĺ gə̄ malang ní nelī sedə́ alé.

IJAI 11:4

Ni a gān̄g sarya yā ngé ndoō gə̄ i kə gō róbə́ yá̰á̰ kə́ gōtə́. De kə́ kem ɓēé gə̄ ń de kə́ nge rɔ̄ɔ̄ dɔdə́ tə́ gətóó ní, ni a gān̄g sarya kə́ gōtə́ tām̄ yādə́ tə́. Ni a ənda de kə́ kem ɓē yān tə́ gə̄ kə najə̄ kə́ tan tə́ tītə̄ kə́ i kə sálang kāgāá beē. Najə̄ kə́ tan tə́ a tɔ̄l̄ de kə́ majaĺ gə̄.

PĀ GƏ̄ 119:115

Ngé kem ndul gə̄, ɔ̄rī rɔ̄sí rɔ̄ḿ tə́ kɔ̄ɔ́, anī m-ā m̄-rāā gō míndə gə̄ yā Nə́ɓā yāḿ.

PĀ GƏ̄ 6:8

Rɔ̄ḿ nelə̄m̄ aĺ bátə́ adə̄ kumḿ a̰a̰ loo kə gōó alé. Madə̄ ba̰ā̰ḿ gə̄ alə̄n̄ naā, adə̄ kumḿ a̰a̰ loo ngá̰ý alé.

PĀ GƏ̄ 64:7

Nin̄ gírə̄n̄ yá̰á̰ kə́ majaĺ yā rāā ba ədan̄ na: Yá̰á̰ ń jə-sāā rāā ní jə-nóm̄ loon majə, deē asə ger̄ gír̄ kə́ kem deē tə́ alé!

PĀ GƏ̄ 55:23

Ī-tél kə yá̰a̰ kətō yāí kə́ ɔȳ ə̄ndā dɔ Kɔ́ɔ̄ɓē tə́. Ni a rāā kadə̄ ā ī-tél yā kənge tɔ́gə gogə́. Ni a əya̰ kadə̄ nja de kə́ súmūú ndetə aĺ bátə́.

PĀ GƏ̄ 9:17

Kɔ́ɔ̄ɓē rāā adə̄ de gə̄ ger̄nən̄ i kə ta kūl̄ sarya ń nəkɔ́ gān̄g ní. Gūmbə̄ yā de kə́ sew aĺ tél əhɔn nəkɔ́.

2 KORḚNTƏ 6:17

Adə̄ Kɔ́ɔ̄ɓē əda na: Ī-teēī kɔ̄ɔ́ dan de gə̄ ń noō tə́, ɔ̄rī rɔ̄sí kɔ̄ɔ́ rɔ̄də́ tə́, ɔ́diī rɔ̄ yá̰á̰ kógə̄ḿ kə́ yḛr alé, anī mā m-ā m-ə́wásí kə̄ rɔ̄ḿ tə́.

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā diabəl tə́ ō, deē yān gə̄ kə́ dɔ rā̰ tə́ ō ní tə́.

PĀ GƏ̄ 94:23

Ni-rāā adə̄ yá̰a̰ rāādə́ kə́ gōtə́ aĺ gə̄ tél rāādə́ nin̄ kɔ́ gə̄. Ni nujədə́ sák sák kə kem ndul yādə́ nin̄ kɔ́ gɔ̄ɔ́. Kɔ́ɔ̄ɓē Nə́ɓā yājí nujə sedə́.

MATIYE 7:23

Tā anī m-ā m-ə́dádə́ wáńg na: m̄-ger̄sí sḛ́ý aĺ bátə́! Ī-téliī kə̄ gogə́ nú, na sḭḭ̄ i ngé rāā majaĺ gə̄!

PĀ GƏ̄ 9:18

Ādə̄ de kə́ sew aĺ gə̄ tél aw̄n̄ gogə́ ɓádá, nápar de gə̄ ń noō malang ń dɔdə́ a ndígə̄nal dɔ Nə́ɓā tə́ ní.