PĀ GƏ̄ 139:11 - Bibəl ta Sar̄

¹¹ Ré m-ə́da na kə loo kə́ risə til nding kə utə̄ dɔḿ, loo kə́ unjə̄ kow dɔḿ tə́ kə tél loo kə́ ndɔ̄ɔ́ anī,

Bible sar

¹¹ Ré m-ə́da na kə loo kə́ risə til nding kə utə̄ dɔḿ, loo kə́ unjə̄ kow dɔḿ tə́ kə tél loo kə́ ndɔ̄ɔ́ anī,

PĀ GƏ̄ 139:11 Referans Kwoze

Makətūbə̄ yā Job 12:22

Ni i nge kɔr̄ ngə̄rā ndɔ̄ gír bəlo loo kə́ rúú ngá̰ý tə́ gə̄ ō, nge teē kə ndíl yoó ndágá kum loo kə́ unjə̄ kow tə́ ō.

JEREMI 23:24

Deē a ɓɔ̄ɔ̄ rɔ̄n kɔgə̄ loo yān tə́ kanjə̄ kadə̄ mā m-á̰a̰n a? Najə̄ ń Kɔ́ɔ̄ɓē əda ní n noó. I mā n m̄-ndi m̄-taā kem loo kə́ dɔ rā̰ tə́ ō, kə́ dɔ nang tə́ ō ní aĺ a? Najə̄ ń Kɔ́ɔ̄ɓē əda ní n noó.

PĀ GƏ̄ 94:7

Ba ədan̄ na Kɔ́ɔ̄ɓē na a̰a̰ yá̰á̰ ń noō alé, Nə́ɓā yā Jakob na ger̄ gō alé.

IJAI 29:15

I yá̰á̰ kə́ to kum kaȳ aĺ ngá̰ý tām̄ yā de gə̄ ń noō ń nin̄ a rāān̄ yá̰a̰ i loo mundə̄ tə́ ní! Nin̄ ɓɔ̄ɔ̄n̄ dɔ yá̰a̰ gə̄ ń nin̄ sāān̄ rāā ní kadə̄ Kɔ́ɔ̄ɓē a̰a̰ alé. Nin̄ əndān̄ dɔ yá̰a̰ yādə́ gə̄ danaá i kum loo kə́ risə til tə́. Nin̄ ədan̄ na: I náā n asə ka̰a̰jí ní? I náā n ger̄ yá̰a̰ rāājí ní?

1 MBAN̄G GƏ̄ 3:20

Ba dan ń m̄-to mā m̄-ɓīī anī, ni-ḭḭ dɔɔ́ dan ndɔ̄ɔ́, un ngōnə̄ḿ ń to kadəḿ tə́ ní aw̄ ənī kem tə̄rá yān tə́ ba un ngōnən ń oy kɔ̄ɔ́ ní reēń ənī kadəḿ tə́.

Makətūbə̄ yā Job 34:22

Loo kə́ risə til nding, aké ndíl yo, asən̄ kutə̄ dɔ ngé rāā yá̰a̰ majaĺ gə̄ alé.