PĀ GƏ̄ 136:16 - Bibəl ta Sar̄

¹⁶ Ni-njə̄rā kə gír deē yān gēé kem dəla loo tə́, tɔdɔ̄ kem majə yān to ngándáńg.

Bible sar

¹⁶ Ni-njə̄rā kə gír deē yān gēé kem dəla loo tə́, tɔdɔ̄ kem majə yān to ngándáńg.

PĀ GƏ̄ 136:16 Referans Kwoze

NDŪ NAJƏ̄ 8:15

I ni n rāā sesí adə̄ ī-njə̄rāīneé kem dəla loo kə́ bo ngá̰ý tə́ ō, to ɓōĺ ngá̰ý tə́ ō ń lī kə́ do̰ tōr̄ ngá̰ý gə̄ ō, gə́na gə̄ ō, i ngá̰ý tū tə́ ní. I loo kə́ kəndā a rāā deē tū tə́ banī deē a ənge man̄ tū tə́ yā ka̰ȳ alé. Ba ni-rāā adə̄ man̄ teē tū mbal̄ kə́ ngan̄g ngá̰ý tə́ tām̄ yāsí tə́.

Teē Ngán Israel gə̄ 15:22

Ngán Israel gə̄ ń Moijə ɔr nodə́ ní, ḭḭn̄ bā tə̄ɓā gə̄ tə́ aw̄n̄ kum kə̄ dəla loo kə́ Sur tə́. Nin̄-njə̄rān̄ ndɔ̄ mətá kem dəla loo tə́ kanjə̄ kənge man̄.

Teē Ngán Israel gə̄ 13:18

Nə́ɓā tūr̄ ta ngán Israel gə̄ adə̄ unən̄ róbə́ kə́ mángá ń teē bā tə̄ɓā gə̄ tə́ ní. Ngán Israel gə̄ njə̄rān̄ i kə gō naá majə n teēn̄neé kem ɓē kə́ Ejiptə tə́ kɔ̄ɔ́ ní.

PĀ GƏ̄ 77:20

Ḭ̄ ī-njar róbə yāí kum bā bo tə́, ī-rāā loo kə́ yā mānəń dan ɓūl̄ man̄ tə́ ō, de kə́ a̰a̰ gō tóo njaí gətóo ō.

NDŪ NAJƏ̄ 8:2

Ādə̄ əga kemsí dɔ róbə́ ń Kɔ́ɔ̄ɓē Nə́ɓā yāsí rāā adə̄ ī-njə̄rāī tū tə́ ɓāl̄ kutə sɔ́ kem dəla loo tə́ ní. Ni-rāā adə̄ yá̰á̰ kə́ ngan̄g gə̄ əngen̄sí i yā nāańsí ō, i yā ka̰a̰ń yá̰á̰ kə́ kemsí tə́ ō, yā gerə̄ń ké ā ī-rāāī yá̰a̰ gə̄ ń ɔjəsí ní aké ā ī-rāāī aĺ wa ō.

IJAI 49:10

Ɓō a rāādə́ to̰ aĺ ō, kəndā man̄ a rāādə́ to̰ aĺ ō. Néĺ kə́ təngā kə́ dəla loo tə́ a rāādə́ kadə̄ a̰a̰n̄ tápə̄ to̰ aĺ ō, mbang a ɔsədə́ to̰ aĺ ō. Tām̄ m-ā m-ɔ́r nodə́ kə tárá, m-ā m-āw̄ sedə́ ta kəɓa man̄ gə̄ tə́.

NEHEMI 9:19

Banī kumií o̰o̰ī ngá̰ý adə̄ ə́yá̰də́ kɔ̄ɔ́ kem dəla loo tə́ alé. Kil̄ man̄ kə́ ra kə ngālāá ɓururu ń a ɔjədə́ róbə kadaá ní ɔr̄ rɔ̄n kɔ̄ɔ́ rɔ̄də́ tə́ aĺ ō, hor kə́ ra kə ngālāá ɓururu ń a a̰a̰n̄neé loo dɔ róbə́ njə̄rādə́ tə́ ní ɔr̄ rɔ̄n kɔ̄ɔ́ rɔ̄də́ tə́ aĺ ō.

NEHEMI 9:12

Ɔ́r no gír deē yāí gə̄ kadaá i kə kil̄ man̄ kə́ ra kə ngālāá ɓururu ō, ndɔ̄ɔ́ anī i kə hor kə́ ra kə ngālāá ɓururu kadə̄ a̰a̰n̄neé loo dɔ róbə́ n njə̄rādə́ tū tə́ ní tə́ ō.

NDŪ NAJƏ̄ 11:5

Ī-gerī yá̰á̰ ń ni-rāā sesí kem dəla loo tə́ bátə́ ūgīneé loo ń toō tə́ laā ní ō,