PĀ GƏ̄ 136:11 - Bibəl ta Sar̄

¹¹ Ni teē kə Israel gə̄ kɔ̄ɔ́ kem ɓē kə́ Ejiptə tə́, tɔdɔ̄ kem majə yān to ngándáńg.

Bible sar

¹¹ Ni teē kə *Israel gə̄ kɔ̄ɔ́ kem ɓē kə́ Ejiptə tə́, tɔdɔ̄ kem majə yān to ngándáńg.

PĀ GƏ̄ 136:11 Referans Kwoze

Teē Ngán Israel gə̄ 12:51

I ndɔ̄ ń noō tə́ bang n Kɔ́ɔ̄ɓē teēń kə ngán Israel gēé kem ɓē kə́ Ejiptə tə́ kɔ̄ɔ́ ní.

Teē Ngán Israel gə̄ 13:3

Moijə əda ngán Israel gə̄ na: Ādə̄ əga kemsí dɔ ndɔ̄ ń Kɔ́ɔ̄ɓē ɔrə̄ńsí ɓəloó kɔ̄ɔ́ dɔ nang kə́ Ejiptə tə́ ní, tɔdɔ̄ ni teē sesí i kə tɔ́gə jīneé. Deē a əsa mápá kə́ rāā kə kaa mápá alé.

PĀ GƏ̄ 105:37

Gō tə́ anī teē kə deē yān gēé kɔ̄ɔ́, nin̄ ətōn̄ gində̄ arjā̰a̰ ō lɔ́r ō. Deē kógə̄ḿ kə́ dan gír ɓē yān gə̄ tə́ kə́ njan əhɔ dɔ nang aĺ gətóo.

PĀ GƏ̄ 78:52

Ni-adə̄ gír deē yān gə̄ teēn̄ tītə̄ yá̰a̰ kul̄ gə̄ kə́ teēn̄ kem gɔngɔɔ́ beē, aw̄ sedə́ kem dəla loo tə́ tītə̄ batə̄ gə̄ beé.

Teē Ngán Israel gə̄ 13:17

Dan ń Parao̰ əya̰ ngán Israel gə̄ adə̄ aw̄n̄ ní, i róbə́ kə́ teē dɔ nang yā Pilistin gə̄ tə́ n i róbə́ kə́ gān̄g dɔɔ́ láẃ ní, banī Nə́ɓā adə̄ unən̄ nge ń noō alé, tɔdɔ̄ ni ger̄ kadə̄ ré a a̰a̰n̄ rɔ̄ɔ̄ anī, ɓōĺ a rāādə́ adə̄ a télən̄ dɔ tə́ ta kaw̄ kə̄ gogə́ Ejiptə tə́.

Teē Ngán Israel gə̄ 12:41

Dan ń ɓāl̄ kə́ ɓú sɔ́ kə kutə mətá gə̄ ní mānə̄n̄ anī, asə dɔ ndɔ̄ ń ngán Israel gə̄ teēn̄neé kem ɓē kə́ Ejiptə tə́ kɔ̄ɔ́ ní.

Teē Ngán Israel gə̄ 12:42

Ndɔ̄ teēdə́ tə́ ní, Kɔ́ɔ̄ɓē ənī ɓīī kumən tə́ ndɔ̄ɔ́ alé, teēń sedə́ kem ɓē kə́ Ejiptə tə́ kɔ̄ɔ́. Loo kə́ ndɔ̄ɔ́ kə́ ndɔ̄ ń noō tə́ i dan ndɔ̄ yā Kɔ́ɔ̄ɓē. Ngán Israel gə̄ malang a ənīn̄ ɓīī kumdə́ tə́ ndɔ̄ɔ́ ndɔ̄ ń noō tə́ aĺ i kə dɔ ɓāl̄ gə̄.

Teē Ngán Israel gə̄ 13:9

Nāā ngeé ń noō ń ā ī-rāāī ní rāā rɔ̄n i yá̰á̰ kə́ yā kadə̄ əgań kemsí dɔ najə̄ tə́, rāā rɔ̄n i tə́ré yá̰á̰ kə́ ə̄ndāī jīsí tə́, aláa nɔtə nosí tə́. A ter̄ kemsí dɔ ndū najə̄ yā Kɔ́ɔ̄ɓē kə́ i gáŕ kadə̄ ɔ́jiī tə́, tɔdɔ̄ i ni n teē sesí kem ɓē kə́ Ejiptə tə́ kɔ̄ɔ́ kə ta kūl̄ tɔ́gən kə́ dum̄ ta yá̰a̰ malang ní.

Teē Ngán Israel gə̄ 13:14

Ré ndɔ̄n tə́ ngáńsí gə̄ a dəjen̄sí na ké ā ī-rāāī yá̰á̰ ń toō i tām̄ yā rí tə́ wa anī, ī-téĺ ə́daīdə́ na ɓē kə́ Ejiptə ń sḭḭ̄ i ɓəlo gə̄ kemeé ní Kɔ́ɔ̄ɓē na teē sesí kɔ̄ɔ́ kemeé i kə ta kūl̄ tɔ́gən kə́ dum̄ ta yá̰a̰ malang.

Teē Ngán Israel gə̄ 13:16

Yá̰a̰ ndējə̄ gə̄ ń noō rāān̄ rɔ̄də́ i tə́ré yá̰á̰ kə́ ə̄ndāī jīsí tə́ aláa nɔtə nosí tə́. A rāān̄ kadə̄ əga kemsí dɔ teē ń Kɔ́ɔ̄ɓē teē sejí kem ɓē kə́ Ejiptə tə́ kɔ̄ɔ́ kə ta kūl̄ tɔ́gən kə́ dum̄ ta yá̰a̰ malang ní.