PĀ GƏ̄ 135:7 - Bibəl ta Sar̄

⁷ Ni-rāā adə̄ kil̄ man̄ gə̄ ḭḭn̄ ta ngóy dɔ nang tə́ kum kə̄ dɔɔ́ rāā adə̄ man̄ tel̄ yā kedə̄. Ni teē kə nélé loo ngɔ̄mən tə́.

Bible sar

⁷ Ni-rāā adə̄ kil̄ man̄ gə̄ ḭḭn̄ ta ngóy dɔ nang tə́ kum kə̄ dɔɔ́ rāā adə̄ man̄ tel̄ yā kedə̄. Ni teē kə nélé loo ngɔ̄mən tə́.

PĀ GƏ̄ 135:7 Referans Kwoze

JEREMI 10:13

I ni n ɔsə dɔ man̄ gə̄ kə́ no rā̰ tə́ naā tə́ ō, rāā adə̄ kil̄ man̄ ḭḭ ta ngóy dɔ nang tə́ aw̄ kum kə̄ dɔɔ́ ō, rāā adə̄ man̄ tel̄ ō, man̄ edə ō, ni-rāā adə̄ nél teē kem loo ɓɔ̄ɔ̄ rɔ̄ yān tə́ ō ní.

JAKARI 10:1

Ī-dəjeī Kɔ́ɔ̄ɓē man̄, dan ń ndɔr̄ gə̄ a gḛyn̄ man̄ ní. I ni n i nge rāā kadə̄ man̄ edə kə néĺ kə́ əla kə ngangá ngá̰ý ní. Ni a rāā kadə̄ man̄ edə ngá̰ý ō, ni a adə̄ de gə̄ kógə̄ḿ kógə̄ḿ mu kə́ ndɔrɔ́ ō.

JEREMI 51:16

Dan ń ndūn ɓār̄ anī, man̄ gə̄ ɔsən̄ dɔdə́ naā tə́ dɔ rā̰ tə́, ni-rāā adə̄ kil̄ man̄ gə̄ ḭḭn̄ i ta ngóy dɔ nang tə́. Ni-rāā adə̄ man̄ tel̄ yā kadə̄ man̄ edəń. Ni-rāā adə̄ nél teē kem loo ɓɔ̄ɔ̄ rɔ̄ yān tə́.

JA̰A̰ 3:8

Tɔdɔ̄ nél a əla kumən i kə̄ loo ń nəkɔ́ ndigə tə́ ní. Ḭ̄ ōō i ká̰a̰n, ba ī-ger̄ loo ń ḭḭ tū tə́ ní alé. Deē ń i Ndíl n ojən ní, kɔ́ɔ̄ i tītə̄ noō ō.

PĀ GƏ̄ 148:8

hor ō, kɔ̄sə̄ ō, néjə ō, díḿsir ō, nél man̄ kə́ a əla kə tɔ́gɔ́ kə́ a rāā yá̰á̰ ń ni-əda ní ō,

JONAS 1:4

Banī Kɔ́ɔ̄ɓē rāā adə̄ nél kógə̄ḿ kə́ əla kə ngangá ngá̰ý əsō dɔ bā bo tə́. Nél man̄ ní əla kə tɔ́gɔ́ ngá̰ý kə́ too bo a sāā i tɔ̄ɔ̄.

JEREMI 14:22

Dɔ dáń yá̰á̰ kə́ kanjə̄ kumən gə̄ ń i ɓesə̄ yā nápar de gə̄ ní, i ngé kə́ rá gə̄ n rāān̄ man̄ adə̄ edə ní? Aké i dɔ rā̰ n rāā man̄ adə̄ edə ní a? I ḭ̄ Kɔ́ɔ̄ɓē Nə́ɓā yājí aĺ a? J-a jə-ngóō ta jīí tɔdɔ̄ i ḭ̄ n i nge rāā yá̰a̰ gə̄ ń noō malang ní.

PĀ GƏ̄ 107:25

Kɔ́ɔ̄ɓē əda najə̄ tan kógə̄ḿ anī nél balway əla, néĺ ní rāā adə̄ bəngál man̄ ḭḭ kə̄ dɔɔ́ kə̄ dɔɔ́.

Makətūbə̄ yā Job 5:10

I ni n i nge rāā kadə̄ man̄ edə dɔ nang tə́ ní ō, nge rāā kadə̄ man̄ edə dɔ ndɔr̄ gə̄ tə́ ō ní.

1 MBAN̄G GƏ̄ 18:1

Gō tə́ ndɔ̄ gə̄ ngá̰ý mānə̄n̄, anī Kɔ́ɔ̄ɓē ɔr̄ najə̄ kə Eli kem ɓāl̄ kə́ nge ko̰o̰ mətá ń man̄ edəń aĺ tə́ ní, ədan na: Āw̄ ādə̄ mban̄g Akab a̰a̰ī, tɔdɔ̄ m-ā m̄-rāā kadə̄ man̄ a edə dɔ nang tə́.

PĀ GƏ̄ 78:26

Gō tə́ anī, Nə́ɓā rāā adə̄ néĺ kə́ dūn̄ ɓē tə́ əla kə tɔ́gɔ́ ō, ɔsə kə néĺ kə́ dām̄ mbɔ́r ɓē kə́ geleé tə́ adə̄ əla ō.