PĀ GƏ̄ 135:6 - Bibəl ta Sar̄

⁶ Yá̰a̰ malang ń Kɔ́ɔ̄ɓē ndigə ní, ni-rāā, dɔ rā̰ tə́ ō, dɔ nang tə́ ō, kum bā bo gə̄ tə́ ō, kem bəlo loo gə̄ kə́ kum bā bo gə̄ tə́ malang ō.

Bible sar

⁶ Yá̰a̰ malang ń Kɔ́ɔ̄ɓē ndigə ní, ni-rāā, dɔ rā̰ tə́ ō, dɔ nang tə́ ō, kum bā bo gə̄ tə́ ō, kem bəlo loo gə̄ kə́ kum bā bo gə̄ tə́ malang ō.

PĀ GƏ̄ 135:6 Referans Kwoze

PĀ GƏ̄ 115:3

Nə́ɓā yājí i dɔ rā̰ tə́. Yá̰a̰ malang ń ni ndigə rāā ní ni-rāā.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

IJAI 46:10

Yá̰á̰ ń sɔɔ̄ kadə̄ rāā yá̰á̰ ní, m-ə́dá kété kɔ̄ɔ́ i ta kəla gíŕ tə́ nú. Yá̰á̰ kə́ kadə̄ rāā yá̰a̰ ba rāā yá̰a̰ aĺ ɓáý ní, mā m-ə́da najə̄n kɔ̄ɔ́ i kété jóó ngá̰ý. M-ə́da na: Yá̰á̰ ń m̄-núm̄ ní a reē yā kudə gíŕ kə́ rɔ̄ tə́. Yá̰a̰ malang ń m̄-ndigə ní, m-ā m̄-rāā.

PĀ GƏ̄ 33:11

Banī yá̰á̰ ń Kɔ́ɔ̄ɓē gír̄ rāā ní a to ngándáńg. Yá̰á̰ ń ni gír̄ kemən tə́ yā rāā ní a to i kə dɔ ɓāl̄ gə̄, kə dɔ ɓāl̄ gə̄.

PĀ GƏ̄ 33:9

Ni-ɔr̄ najə̄ anī yá̰á̰ ń ni-əda ní rāā yá̰a̰, Ni-əda najə̄ anī, yá̰á̰ ń əda najə̄n ní teē ndi.

AMOS 9:6

Nə́ɓā rāā kem kújə yān gə̄ dɔ rā̰ tə́, dɔ rā̰ ń sébə tan dɔ dɔ nang tə́ tītə̄ kújə beé ní. Ni ɓāŕ man̄ bā bo, ba ɓōkə́n dɔ nang tə́. Rīn na i Kɔ́ɔ̄ɓē.

AMOS 4:13

I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.

MATIYE 14:25

Dan ń loo a rāā yā tīī anī Jeju njə̄rā dɔ bā bo tə́ a aw̄ kum kə̄ rɔ̄də́ tə́.

Makətūbə̄ yā Job 42:2

m̄-ger̄ kadə̄ ásə rāā yá̰a̰ malang ō, yá̰á̰ kə́ núm̄ rāā kə́ dum̄ tɔ́gí gətóo ō.

DANIEL 4:32

De kə́ dɔ nang tə́ gə̄ malang ká nin̄ i ngá̰ý tītə̄ rí gə̄gē, nin̄ i yá̰a̰ alé ta kumən tə́. Ni a rāā yá̰a̰ i kə gō kem ndigə yānneé kə de kə́ dɔ rā̰ tə́ gēé ō, kə de kə́ dɔ nang tə́ gēé ō. De kə́ asə kəhɔ jīn ba kədan na ké ā i rí n toó wa ní gətóo.