PĀ GƏ̄ 135:4 - Bibəl ta Sar̄

⁴ Tɔdɔ̄ Kɔ́ɔ̄ɓē gə̄rā Jakob tām̄ yān tə́, ni-rāā Israel i yá̰a̰ yān nəkɔ́ tə́.

Bible sar

⁴ Tɔdɔ̄ Kɔ́ɔ̄ɓē gə̄rā Jakob tām̄ yān tə́, ni-rāā *Israel i yá̰a̰ yān nəkɔ́ tə́.

PĀ GƏ̄ 135:4 Referans Kwoze

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

NDŪ NAJƏ̄ 10:15

Ɓá tā ba i kaasí gə̄ ngóy n Kɔ́ɔ̄ɓē əhɔ gōdə́ táŕdə́ kété ní. Tá i sḭḭ̄ ngán kaadə́ gə̄ n ni gə̄rāsí dan gír de gə̄ tə́ tītə̄ ń á̰a̰īń ɓōólaā ní.

MALASI 3:17

Gō tə́ anī, Kɔ́ɔ̄ɓē kə́ bo kə́ tɔ́gən i ngá̰ý əda na: Ndɔ̄ ń m-ā m-ɔ́jəń tɔ́gə́ḿ ní, m-ā m̄-rāādə́ i deē yāḿ gə̄ tə́. M-ā m̄-rāā majə sedə́, tītə̄ ń bɔbə̄ ngōn̄ a rāań majə kə ngōnən kə́ dəngam kə́ nge rāā kəla kadə̄n ní.

IJAI 41:8

Banī ḭ̄ Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.

PĀ GƏ̄ 33:12

Rɔ̄nel̄ i kə nápar de gə̄ ń Kɔ́ɔ̄ɓē i Nə́ɓā yādə́ ní. Rɔ̄nel̄ i kə gír de gə̄ ń Kɔ́ɔ̄ɓē gə̄rādə́ kadə̄ nin̄ i yá̰a̰ kəngen gə̄ ní.

1 SAMUEL 12:22

Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

NDŪ NAJƏ̄ 32:9

Tɔdɔ̄ yá̰a̰ yā Kɔ́ɔ̄ɓē i gír deē yān gə̄, tá Jakob i yá̰a̰ kənge yān.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

NDŪ NAJƏ̄ 26:18

Ni-rāā adə̄ ə̄nī ndūí ādə̄n ō, ə́da na ḭ̄ i gír deē yān, nge ń ni ɓārə́n na i yá̰a̰ kənge yān kə́ gātə̄n i ngá̰ý ní ō, ə̄nī ndūí yā ngɔ̄məń gō míndən gə̄ malang ō.

JEREMI 51:19

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír ɓē ń i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.