PĀ GƏ̄ 135:12 - Bibəl ta Sar̄

¹² Gō tə́ anī ni un dɔ nang yādə́ adə̄ yá̰a̰ ndəbā tə́, adə̄ Israel gə̄ ń i gír deē yān gə̄ ní kadə̄ téĺ yá̰a̰ haladə́.

Bible sar

¹² Gō tə́ anī ni un dɔ nang yādə́ adə̄ yá̰a̰ ndəbā tə́, adə̄ *Israel gə̄ ń i gír deē yān gə̄ ní kadə̄ téĺ yá̰a̰ haladə́.

PĀ GƏ̄ 135:12 Referans Kwoze

PĀ GƏ̄ 78:55

Ni-tə̄ɓā nápar de gə̄ nodə́ tə́ kɔ̄ɔ́, gán̄g dɔ nang yā de gə̄ ní naā tə́ nə̄ɓōdə́ yá̰a̰ ndəbā tə́, tə́ndā gír ɓē kə́ Israel tə́ gə̄ dɔ tə́.

JOJUE 12:7

Gō tə́ anī Jojue nin̄ kə ngán Israel gē tetən̄ mban̄g gə̄ ń ndin̄ dām̄ kə́ no ɓē tə́ ní rɔ̄ɔ̄. Dɔ nang yā mban̄g gə̄ ní əla gír Baal Gad kum wól loo kə́ Liban tə́ bátə́ teēń mbal̄ Halak ń ra kadə ɓē kə́ Seir tə́ ní. Jojue adə̄ ngán Israel gə̄ dɔ nang yā mban̄g gə̄ ní. Ni-gán̄g dɔ nang ní adə̄də́ kə dɔ gír ɓē yādə́ gēé.

JOJUE 11:23

Adə̄ Jojue taā dɔ nang malang tītə̄ ń Kɔ́ɔ̄ɓē ədań Moijə ní. Gō tə́ anī ni-adə̄ Israel gə̄ dɔ nang ní kə́ yādə́ tə́. Ni-gán̄g dɔ nang ní adə̄də́ i kə dɔ gír ɓē yādə́ gēé. Loo ń noō tə́ ngán Israel gə̄ ndin̄ lɔm tām̄ rɔ̄ɔ̄ gətóo tā.

NDŪ NAJƏ̄ 29:8

Adə̄ ī-ngɔ̄mī najə̄ gə̄ ń Nə́ɓā əhɔń madə̄ naā ń toō sesí ní ō, ī-rāāī yá̰a̰ gə̄ ń ni-əda ní ō. Loo ń noō tə́ yá̰a̰ malang ń ā ī-rāāī ní a majə.

TƏ́DA 33:54

Ā ī-túgī i wə̄lā n ā ī-kēgīiń gír kaa yāsí gə̄ dɔ nang ní. Gír kaa ń de gə̄ i ngá̰ý kemeé ní, ā ādīdə́ dɔ nang ní i ngá̰ý ō, gír kaa ń de kə́ kemeé gə̄ i ngá̰ý aĺ ní, ā ādīdə́ dɔ nang ní i sḛ́ý beē ō. Gír ɓē gə̄ kógə̄ḿ kógə̄ḿ a əngen̄ dɔ nang ní i kə gō ń wə̄lā a ɔjəń ní.