PĀ GƏ̄ 133:1 - Bibəl ta Sar̄

¹ Pā kə́ yā kaw̄ń kə̄ loo kə́ táĺ tə́. I pā yā Dabid. Á̰a̰ī, ndi naā tə́ loo kógə̄ḿ yā ngákó̰o̰ naā gə̄ i yá̰á̰ kə́ majə ō, to rɔ̄nel̄ ō.

Bible sar

¹ Pā kə́ yā kaw̄ń kə̄ *loo kə́ táĺ tə́. I pā yā Dabid. Á̰a̰ī, ndi naā tə́ loo kógə̄ḿ yā ngákó̰o̰ naā gə̄ i yá̰á̰ kə́ majə ō, to rɔ̄nel̄ ō.

PĀ GƏ̄ 133:1 Referans Kwoze

1 PIYER 3:8

Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

JA̰A̰ 13:35

Ré ī-táriī naā anī, i loo ń noō tə́ n de gə̄ malang a gerə̄n̄ kadə̄ sḭḭ̄ i ngé ndóō yá̰a̰ yāḿ gə̄ ní.

HEBƏRO 13:1

Ī-táriī naā kə́ loo ngákó̰o̰ naā gə̄ tə́.

JA̰A̰ 17:21

Ādə̄ nin̄ malang i de kə́ kógə̄ḿ beē. Tītə̄ ń ḭ̄ Bɔbə́ḿ, ḭ̄ i kemḿ mā tə́ ō, mā i kemií ḭ̄ tə́ ō ní, ādə̄ nin̄ i kemjí tə́ ō, yā kadə̄ de kə́ dɔ nang tə́ gə̄ taānəń kem kadə̄ i ḭ̄ n ə́lam̄ ní.

JEREMI 32:39

M-ā m-ādə̄də́ ngarā̰ kem ō, háĺ kə́ kógə̄ḿ beē ō, yā kadə̄ ɓōlə́n̄neé ndílə́ḿ ngándáńg tām̄ yā majə yādə́ tə́ ō, tām̄ majə yā ngáńdə́ gə̄ kə́ gotədə́ tə́ ō.

TA KƏLA 13:8

Anī Abəram əda Lot na: Majə kadə̄ kɔ̄l̄ naā to dɔ dáńjí tə́ aĺ ō, to dɔ dáń ngé kul̄ yá̰a̰ yājí gə̄ tə́ aĺ ō, tɔdɔ̄ jḭḭ seí i ngákó̰o̰ naā gə̄.

TA KƏLA 45:24

Gō tə́ anī əya̰ ngákó̰o̰n gə̄ adə̄ aw̄n̄ ba tāādə́ na kə lōōn̄ tṵ́ṵ̄ naā róbó.

IJAI 11:6

Loo ń noō tə́ soó a ndi naā tə́ kə ngōn̄ batāá ō, kagə a to kadə ngōn̄ bə̄yā̰ tə́ ō. Ngōn̄ man̄g nin̄ kə balsáa ɓɔl a əsan̄ yá̰a̰ naā tə́ ō, ngōn̄ kə́ dūú a njə̄rā nodə́ tə́ yā kɔr nodə́ ō.

PĀ GƏ̄ 131:1

Pā kə́ yā kaw̄ń kə̄ loo kə́ táĺ tə́. I pā yā Dabid. Kɔ́ɔ̄ɓē, kɔjə rɔ̄ gətóo kemḿ tə́. m̄-sāā yá̰á̰ kə́ al̄ dɔḿ alé. m̄-ngɔ̄də̄ gō yá̰á̰ kə́ bo gə̄ ō, kə́ yáā kə́ tɔ̄ȳ dɔḿ gə̄ ō ń noō alé.

IJAI 11:13

Loo ń noō tə́ Epəraim a ənda Juda to̰ alé. A nujən̄ ngé rɔ̄ɔ̄ Juda gə̄ kɔ̄ɔ́ ō, madə̄ ba̰ā̰ Epəraim i Juda to̰ aĺ ō.

PĀ GƏ̄ 122:1

Pā kə́ yā kaw̄ń loo kə́ táĺ tə́. I pā yā Dabid. Dan ń ədamə̄n̄ na j-awī kújə yā Kɔ́ɔ̄ɓē tə́ ní, rɔ̄ḿ nelə̄m̄ ngá̰ý.

IJAI 11:9

Yá̰á̰ kə́ majaĺ, aké yá̰a̰ rāā kə́ kə dɔ́nɔ́ a to dɔ mbal̄ kə́ táĺ yā Kɔ́ɔ̄ɓē tə́ to̰ alé. Tām̄ ger̄ Kɔ́ɔ̄ɓē a taā loo kem ɓēé, tītə̄ ń man̄ taāń loo kum bā bo gə̄ tə́ ní beē.

PĀ GƏ̄ 124:1

Pā kə́ yā kaw̄ń kə̄ loo kə́ táĺ tə́. I pā yā Dabid.

MARK 3:25

Ré kem gír kojə kógə̄ḿ tə́ de kə́ kemeé gə̄ mbātə́n̄ naā anī, loo kadə̄ nge naā to mbənādə́ tə́ kum kə̄ kété a gətóo.