PĀ GƏ̄ 13:2 - Bibəl ta Sar̄

² Kɔ́ɔ̄ɓē, dɔí a ndígə̄naləḿ i bátə́ ta kə́ rá? I rə́ngáý tə́ n a asiī ɓɔ̄ɔ̄m̄ ta kumií ní?

Bible sar

² Kɔ́ɔ̄ɓē, dɔí a ndígə̄naləḿ i bátə́ ta kə́ rá? I rə́ngáý tə́ n a asiī ɓɔ̄ɔ̄m̄ ta kumií ní?

PĀ GƏ̄ 13:2 Referans Kwoze

JEREMI 8:18

Yá̰á̰ kə́ asə kɔr̄ wur kɔl yāḿ gətóo. Rɔ̄ḿ kə taá malang oy yélélé.

JEREMI 15:18

I tām̄ rí tə́ á tápə̄ yāḿ i kə́ dum̄ təgā ō, do yāḿ i kə́ dum̄ kedə̄ ō, dum̄ ta kəga gə̄ malang ō ní. Kə́ rɔ̄kum tə́ ní ḭ̄ ī-tél ī-to i tītə̄ kəɓa man̄ kə́ a gól̄ loo beé ō, kə́ deē asə kəndā kemən dɔ tə́ aĺ beé ō tām̄ yāḿ tə́.

NŌŌ RƆ̄ 1:5

Ngé rɔ̄ɔ̄n gə̄ tetənə̄n̄ rɔ̄ɔ̄, madə̄ ba̰ā̰n gə̄ ndin̄ loo yādə́ majə, tɔdɔ̄ Kɔ́ɔ̄ɓē rāān adə̄ tɔ́gən gətóo najə̄ mbātə́ najə̄ yān kə́ ngá̰ý tə́. Ngé rɔ̄ɔ̄n gə̄ əhɔn̄ ngánən gə̄ adə̄ njə̄rān̄ kété nodə́ tə́ yā kaw̄ń sedə́ ɓəloó.

KOHELET 5:17

Yá̰á̰ kə́ majə ń mā m̄-ger̄ ní n toó: I kadə̄ deē əsa ō a̰ȳ ō, ənge rɔ̄nel̄ tū kəla malang ń ni-rāā dɔ nang tə́ ní ō, kem ndɔ̄ gə̄ ń Nə́ɓā adə̄n kadə̄ ndiń kə kumneé tə́ ní, tɔdɔ̄ nge ń noō i núsən yān ń i kə́ sɔɔ̄ dɔn.

Gōsə̄ najə̄ gə̄ 15:13

Rɔ̄nel̄ i kem deē tə́ anī dɔ kumən asə naā, banī ré yá̰á̰ kə́ tōr̄ rāā deē anī tɔ́gən ur̄ wak.

Makətūbə̄ yā Job 10:15

Ré najə̄ i dɔḿ tə́ anī, yāḿ a majə alé! Ká ré najə̄ gətóoń dɔḿ tə́ gə̄gē anī, kə m̄-ndi ɓáa kə m-ə́la i dɔḿ nang tə́, tām̄ rɔ̄ḿ sɔlə̄m̄ ngá̰ý ō, yá̰á̰ kə́ to kum kaȳ aĺ əsō dɔḿ tə́ ō.

PILIPƏ 2:27

Rɔ̄kum tā a mo̰y rāān kə́ asə yon. Banī Nə́ɓā a̰a̰ kum tō ndoō yān, ba a̰a̰ i kum tō ndoō yān ní ngóy alé, a̰a̰ i kum tō ndoō yāḿ mā ō, tá kadə̄ rɔ̄ḿ nelə̄məń aĺ kə̄ dɔ madə̄ tə́ ɓáý to̰ alé.

Makətūbə̄ ń Pol ndang adə̄ Rom gə̄ ní 9:2

Kemḿ nelə̄m̄ aĺ ngá̰ý ō, najə̄ tōr̄ kemḿ ngá̰ý kanjə̄ dəba ō.

JA̰A̰ 16:6

Ba rɔ̄sí nel̄sí alé, i tām̄ kəda ń m-ə́dásí najə̄ ń noō ní.

MATIYE 26:38

Anī ni-ədadə́ na rɔ̄n na nelə̄n kə rɔ̄neé aĺ tītə̄ kə́ yā kadə̄ n-oy kɔ̄ɔ́ beē. Kə ndin̄ loo ń toō tə́ laā, kə lōōn̄ ɓīī ba kə́ ndin̄ kə kumdə́ seneé.

NŌŌ RƆ̄ 1:9

Tə́ra yḛr ní to tu kūbə̄ kə́ gírən tə́. I yá̰á̰ kə́ ni-əndā kemən dɔ tə́ kadə̄ a rāā yá̰a̰ alé. Ni-əsō i kəsō kə́ to ɓōĺ ngá̰ý, de kə́ a asə sɔl̄ kemən gətóo. Adə̄ əda na: Kɔ́ɔ̄ɓē á̰a̰ rɔ̄sɔl̄ yāḿ, tɔdɔ̄ madə̄ ba̰ā̰ḿ tetəm̄ rɔ̄ɔ̄.

PĀ GƏ̄ 116:3

Yo ɓírə̄m̄ kə kəlā yānneé adə̄ ngan̄g, loo kə́ ɓádá əhɔm̄, ɔgə̄m̄ loo rāā rɔ̄ḿ, wur kɔl əsō dɔḿ tə́ ō, m-ə́ngé yá̰á̰ kə́ tōr̄ ō.

PĀ GƏ̄ 74:18

Kɔ́ɔ̄ɓē, ādə̄ əga kemií dɔ yá̰á̰ ń toō tə́: Madə̄ ba̰ā̰í ndájə̄ najə̄ dɔí tə́. De kə́ sapə gə̄ ń toō mbóon̄ seí.

PĀ GƏ̄ 74:10

Nə́ɓā, madə̄ ba̰ā̰í a ndájə̄ najə̄ dɔí tə́ i bátə́ ta kə́ rá? A asən mbóo kə rīí i rə́ngáý tə́?

PĀ GƏ̄ 42:4

Kadaá ō ndɔ̄ɔ́ ō ní yá̰a̰ kəsaḿ i man̄ kumḿ, tām̄ a dəjemə̄n̄ ngándáńg na ké Nə́ɓā yāḿ ngaá i rá wa.

PĀ GƏ̄ 31:18

Kɔ́ɔ̄ɓē, m̄-ɓāríī kadə̄ ī-dḭḭ̄m̄ ní, ī-lōō rāā kadə̄ m̄-tél m̄-ndə̄ngā rɔ̄ḿ. Banī ādə̄ rɔ̄ ngé taā kem Nə́ɓā aĺ gə̄ sɔl̄də́ ō, ādə̄ yo utə̄ tadə́ ɔgə̄də́ kɔr̄ najə̄ ō!

PĀ GƏ̄ 17:9

sa̰y rɔ̄ ngé kem ndul gə̄ ń ɔyn̄ yá̰a̰ yāḿ malang kɔ̄ɔ́ dɔ gúú tə́ ní ō, sa̰y rɔ̄ madə̄ ba̰ā̰ḿ gə̄ ń gīr̄mə̄n̄ yā tɔ̄lə̄m̄ tə́ ní ō.

PĀ GƏ̄ 10:18

yā gāngəń sarya yā ngōn̄ hal ō, yā deē ń rāān̄ kumən ndoō tə́ ní ō, kə gō róbə́ kə́ súmūú. Loo ń noō tə́ de kə́ dɔ nang tə́ kə́ yā rāā madə̄n majaĺ a gətóo.

PĀ GƏ̄ 9:6

Ḭ̄ ɔ́jə rāā yá̰á̰ kə́ tōr̄ kə nápar de gə̄ ń noō. Ī-rāā ādə̄ de kə́ sew aĺ gə̄ oyn̄. Ɔ̄r̄ rīdə́ kɔ̄ɔ́ dɔ nang tə́ kə́ njɔ́ḿ gə̄ tə́.

PĀ GƏ̄ 8:2

Kɔ́ɔ̄ɓē, kɔ́ɔ̄jí, rīí majə to ɓōĺ ngá̰ý dɔ nang tə́ malang! Dɔ rā̰ bo ɓá tā ba ḭ̄ ī-bo tɔȳn.

PĀ GƏ̄ 7:2

Kɔ́ɔ̄ɓē, Nə́ɓā yāḿ, m̄-namī. Ájəm̄, ī-taām̄ jī ngé rāā kumḿ ndoō tə́ gə̄ tə́ malang.

ESTER 7:6

Ester tél əda na: Nge rāā kumjí ndoō tə́ ō, madə̄ ba̰ā̰jí ō, i Haman de kə́ majaĺ ń ndi toó! Loo ń noō tə́ Haman oy mámák ta kum mban̄g tə́ nin̄ kə nə̄yá̰n.

NEHEMI 2:2

adə̄ mban̄g dəjem̄ gír əda na: I tām̄ rí tə́ á dɔ kumií nelī aĺ ní? Ḭ̄ i mo̰y a? I najə̄ n a tōr̄ kemií aké i yá̰á̰ kə́ rang ḿ? Loo ń noō tə́ ɓōĺ rāām̄ ngá̰ý

1 SAMUEL 24:19

Ɓōólaā ɔ́jəḿ kem majə yāí kə̄ ndágá, tɔdɔ̄ Kɔ́ɔ̄ɓē əlam̄ jīí tə́ ba ī-mbātə́ tɔ̄lə̄m̄.

1 SAMUEL 18:29

ni ɓōĺ Dabid tɔȳ kə́ kété ɓáý ō, tél madə̄ ba̰ā̰ Dabid i kə́ mbóńg gə̄ tə́ ō.

Najə̄ kə́ Majə yā Jeju ń Luk ndang ní 22:53

Ngáńdáńg kə ndɔ̄ gə̄ mā i sesí kem kújə yā Kɔ́ɔ̄ɓē tə́, ba sḭḭ̄ ə́hɔmī alé. Banī i kum mbang yāsí n toó ō, i kum mbang yā tɔ́gə́ kə́ kum til tə́ gə̄ ō.

JEREMI 45:3

Ḭ̄ ə́da na: Rɔ̄ ndoō wa. Tɔdɔ̄ Kɔ́ɔ̄ɓē na tél ənī wur kɔl dɔ yá̰a̰ gə̄ ń tōrə̄n̄ rɔ̄í tə́ ní, tɔ́gí na təgā kɔ̄ɔ́ loo to̰ō̰ rus rus tə́, na á̰a̰ loo taā koō alé.

PĀ GƏ̄ 38:17

Tɔdɔ̄ m̄-dəjeī kadə̄ ɔ̄gə̄də́ mbóo seḿ ō, ɔ̄gə̄də́ kɔjə rɔ̄də́ dɔḿ tə́ ō, dan ń njaḿ əhɔ dɔ nang kə gōó aĺ ní.

PĀ GƏ̄ 6:4

m̄-ndebə kə̄ rɔ̄ḿ gə̄ tə́ malang. Ní, Kɔ́ɔ̄ɓē, ā ə́hɔm̄ kemií tə́ i bátə́ rə́ngáý tə́?

NŌŌ RƆ̄ 5:20

I tām̄ rí tə́ á dɔí ndígə̄nal dɔjí tə́ kə̄ noí tə́ ō, ə́yá̰jí kɔ̄ɔ́ dəloí bátə́ mbang udə ō, i kə dɔ ndɔ̄ gə̄ ō ní?